Blader door transcripties » Stadsarchief Mechelen

archieftoegang 2, inventarisnummer 949, pagina 111

de selve
alleene sculdich zelen syn te gelden ende te betalene vuyten
selven vercochten erve huyse metten hove ende zelen
anderen huysen ende erven de voerscreven jouffrou Lysbetten van
Steynemoelen ende Jacoppen vanden Velde toehoerende, jaerlix
gaende, met alsulker condicien ende bespreke dat de
voerscreven Brixius ende syn wyf sculdich selen syn, bynnen
op haeren coste
eenen jaere tyts nu naest toecomende, te stellen dat
maken beheymene haeren hof vander voerscreven jouffrou
Lysbetten gange oft wege voirgenoemde met eenen muere oft
eenen gelyne acht voeren Hoegen wesende ende alsoe
dachte, dat men daer daer niet en sal mogen oft
connen gesien inden selven ganck ende den selven
muer oft geline altyt tot eeuwigen dagen op haeren
cost ende Clast wel indest:t; alsoe tondenhoudene, Ende dat
deselve Baris ende syn wyff, bynnen den selven tyden
oic sculdich zelen syn aen tselve vercochte huys te
vermettene ende te vertymmeren vyftich Rynsgulden
vanden voerscreven pryse eens sonder eenich geweer daerst:t;
tegen te seken ende oic te doen toe metsen alle
de vensteren staende inden muer oft ghevel vanden
voersreven vercochten huyse ten voerscreven gange oft wegen
waert, sonder eenich geweer daer tegen testeken
XXI decembry tempore simile
Gielis Vrancx
van ut in
al
Eyke, Cale. Henrick Hagemans wettich soone van Janne Hagelyn
ende van Annen vander Voort syns wyfs inden name vanden selven
Henricke ende Annen ende oic inden name van Lysbetten Ridders wylen
Henricx de Riddere dochter die hy in hem verving hebbende de
selve Henrick Hagemans, om tgene te doene dat hierna bescreven
staet vanden voergenoemde synen vader ende moeder ende oic vander voerscreven
Lysbetten Ridders volcomen macht gelyc ons dat by eenen
openbaeren instrumente getekent ende gesustribeert by heeren
hen
Henricken Weyns priester openbaer notarius, gebleken voir de
tweedeele, Ende Marie vander Voort wylen Henrix vander
voort dochter cum tutore voir haer selven voir tderdedeel vander
helft vanden erffeliken ende onberuerliken goeden mettenst:t;
gronde etcetera hier naer bescreven, die henlieden byder doot van
wylen Jacop vander Voort wylen Berthelmeus soone waer toecomen
gebleven ende verstorven syn, Ende hebben vut saken van wisselingen
ende mangelingen van andere erffelike goeden tot Hoebergen ende
tot Wickevorst gelegen opgedragen ende overgegeven tot behoef
de selve
van Gielis Vrancx, de helft vanden erffeliken ende onberuerliken
goeden metten gronde ende allen haere toebehoerten hier naer
volgende, ierst van twee huysen metten hove vutgaende, tot
in een cleyn strate gelegen deen neven dander opte dekenne
in Sinte Kathelinen prochie tusschen Henrix van Zurple diemen
heet van Beringen erve aen deen zyde ende Wouters vander
straten erve aen dander zyde. Item van eenen stuck beempts houdende
int geheel omtrent een vierendeel gelegen tot Battele, tusschen
des gasthuys erve van Sinte Kathelinen bynnen Mechelen, aen
deen zyde ende der vroeghmissen erve bynnen Sinte Rommonds kerke
van
van Mechelen aen dander zyde. Item een stuck beempts houdende oic
omtrent een vierendeel gelegen aldaer tusschen der selver Vroeckmissen
erve aen deen zyde ende der taflen des Heylichs Geests erve van
Onser Vrouwen bynnen Mechelen, aen dander zyde. Item van eenen
stuck lants houdende int geheel omtrent drie vierendeel gelegen
ou
tot Hoebergen buyten Sinte Kathelinen poorte tusschen Gielis
Vrancx erve aen deen zyde ende Vrouwen Margrieten van Herlaer
heer Jan van Goericx Ridders huysvrouwe erve aen dander zyde
Item van een stuck beemps, houdende int geheel omtrent drie vierendeel
gelegen aldaer, tusschen des voerscreven Gielis Vrancx erve aen deen zyde
ende Jan Schoofs erve aen dander zyde. Item van Sesse pondt vyf
scellinge groote Brabants gelts jaerlix ende erffelix chys, op een
hoeve ende hof met allen haeren toebehoerten, geheeten tHof te
Blarenberge, der voerscreven Vrouwen Margrieten van Herlaer toebehoerende
alsoe die in diversen stucken tot Hoebergen ende daer omtrent
gelegen syn. Item van eenen stuck beempts houdende int geheeten
omtrent twee buenderen ende een half gelegen tot Hevere tusschen
Peter Caluwaerts erve aen deen zyde ende der weduen ende
kynderen erve van wylen Anthonis van aen dander zyde. Item
van drie pond vyfthien scellinge groote Brabants gelts jaerlicx
ende erffelix chys, op zekere goeden die wylen Meester Pauwels
Ros priester, doen hy leefde toe plagen te hoerene, alsoe de
selve inde prochie van Hevere in diverse parcheelen gelegen
syn Item van achthien scellinge ende sesse penninge grooten
Brabants gelts jaerlix ende erffelix chys, op zekere goeden
den voerscreven Peteren Coeluwaert toebehoerende inde voerscreven prochie
van Hevere in diverse parcheelen gelegen is van twee
scellinge groote Brabants gelts, oic jaerlix ende erffelix chys
op zekere goeden Peteren vander Hoeven toebehoerende, aldaer
oic te Hevere gelegen. Item van twintich mottoenen tot veerthien
groote Brabants gelts elken daer af gerekent, ende van
twaelf veertelen Rogs jaerlix ende erffelix chys ende pachts
op zekere goeden, toebehoerende der jouffrouwen van Steynemolen
Peter Boots wive tot Leest in diverse parcheelen gelegen is
van twintich ponden payments gemeynlic ganck hebbende