Blader door transcripties » Stadsarchief Mechelen

archieftoegang 2, inventarisnummer 950, pagina 63

deselve gelegen buyten der Kerchofpoorten, tusschen Jan Machiels erve aen deen zyde ende der weduen erve van wylen Janssen Ympens, aen dander zyde. A Domino Mechliniensi, Waranderende. Behoudelic der voerscreven taflen des Heylichs Gheests daer op haeren voirscreven chyse ende alle anderen dier voir ende nachys op hebben XX february de tafle van Sinte Katlynen Steynemoele, Voesdonc. Jacop Gheerds diemen heet int Hoot heeft vercocht Janne vander Heyden als proviseur ende tot behoef vander taflen des Heylichs Gheests vander prochiekerken van Sinte Kathelinen bynnen Mechelen vier gouden Rynsguldenen, elken van dien tot veertich grooten Vlaems gelts gerekent erffelix chys Te heffene altyt tot Kersmisse Op ende aen des voerscreven Jacops Gheert huys metten hove ende met eenen anderen huyse daer achterstaende ende oic metten gronde etcetera gelegen inde Kerchofstrate opten hoeck vander Hergracht aldaer tusschen deselve Hergracht aen deen zyde ende Kathelinen van Orssele erve aen dander zyde streckende achterweerts metten voerscreven hove tot aen Joes Vrancx erve, Ende op desselfs Jacops cleyne plaetse metten gronde etcetera daer een huys op plach testane gelegen aldaer opte voirscreven Hergracht tusschen Jans de Kemmere erve aen deen zyde ende Machiels vanden Cruce erve aen dander zyde. A Domino Mechliniensi, Waranderende. Opte weerde van vyfthien scellingen groten Brabants gelts daer jaerlix voir vutgaende Assignavit den XVI XXIII february ende syn wyf Peter van Schotteputte Item. Gielis Vrancx doude, heeft Terve gegeven Peteren van Schotteputte ende Lysbetten Hofmans synen wive, Twee huysen metten hoven gronde etcetera gelegen deen neven dander inde strate vanden Berghe brant tegen de capelle vanden goidshuyse vanden Carmeliten over tusschen Martens de Verre erve aen deen zyde ende Jans vander Beke erve aen dander zyde. A Domino Mechliniensi. Te besittene op eenen erffeliken chys van vyf gouden Rynsgulden elken van dien tot veertich groten Vlaems gelts gerekent, Ende die te betalene altyt totten Kersmisse, Ende opten ver voerchys vander weerden van vyff scellingen ende sesse penningen grooten Brabants gelts daer jaerlix vutgaende met alsulker condicien dat de voerscreven Peter ende syn wyf zelen moegen lossen ende quiten de voerscreven vyf gouden X Rynsgulden des voirgenoemde chys altyt als hem dat gelieven sal met eenen Rynsgulden, telken Reysen ende elken van dien Rynsgulden met sesthien geliker gulden eens ende met vollen chyse ut supra Peter de Byn alias Fiere de Steynemoele, Voesdonck. Katheline Raes wedue van wylen Jan van Merchteren cum tutore heeft opgedragen haer tocht die sy hadde in een huys de Bargie geheeten metten hove gronde etcetera gelegen tot Heffene over de brugge aldaer ende vast aende selve brugge tusschen de Zenne aen deen zyde ende Willem Trabukier ervest:t; ende syns wyfs erve aen dander zyde. A Domino Mechliniensi, Juravit tot behoef van Andries, Janne Matheeus ende Lysbetten van Merchtere haeren kynderen tot wyens behoef de momboiren hierna bescreven ierst daerinne geerft werden, Ende daer naer hebben van gebruederen ende Wouter van Merchteren van svaders wegen ende Lyeven de Hagelere ende Gielis de Hagelere syn soon vander moeder wegen als momboiren ende inden name vanden voerscreven Andries Jan Matheeus ende Lysbetten van Merchteren onder haere jaeren wesende die sy in hen vervingen vercocht Peteren haer de Byn diemen heet Fierens tvoirgenoemde huys metten hove gronde etcetera boven bescreven, Waranderende. Op twee scellinge Loevens twee capuynen, twee chysguldenen ende achtentwintich pond sesthien scellinge payments daer jaerlix vutgaende Assignavit XX gulden I XXIII february Hic habet locum contractus Walter Bogaerts ante post VIa pro post Wouter Boels Hulst, Consaert. Anne van Zuple met Adriaen Willemssoon haeren man ende Matheus vanden Lare Henrix vanden Lare soon by bywesen ende volcomen consente vanden selven Henricken synen vader, hebben openbairlic voir ons bekent, dat Wouter Boels Smet afgequeten ende afgelost heeft alsulke drie veertelen Rogs goede ende custbaere Mechelscher maten, jaerlix lyfpachte als de voirgenoemde Anne ende Matheus tot haeren liven, ende tot des langhstlevenden live van hen beyden hadden, op des voergenoemde Wouters twee huysen oft cameren metten hove gronde ende haeren toebehoirten, gelegen deen neven dandere inde Hooghstrate opten hoeck van Sinte Jacops straten, tusschen de selve strate, aen deen zyde ende Henrix vanden Broeke erve aen dander zyde. Ende van dien drie veertelen Rogs des voergenoemde lyfpachts, hebben de voirgenoemde Anne met haeren voerscreven man ende de voerscreven Matheus by syns voirgenoemde vaders wille ende consente, quytgesconden los vry ende ledich, den voergenoemde Wouteren Boels syn voirgenoemde twee huysen oft cameren met haeren voerscreven toebehoirten, ende alle andere dies quitancie behoeven geheelic ende al XXVII february