Blader door transcripties » Stadsarchief Mechelen

archieftoegang 2, inventarisnummer 950, pagina 62

Jan Weeldeken Deynemole, Lange. Jan Weeldeken, doude, heeft opgedragen syn tocht die hy hadde in een huys metten hove ende eenen andere cleynen huyse daer achterstaende ende oic metten gronde gelegen inde Befferstrate tusschen de causierste aen deen zyde ende Jacoppe van Ravenswoude erve aen dander zyde. A Domino Mechliniensi. Juravit tot behoef van Janne Jorysen ende Jehannen Weeldekens haerenst:t; kynderen dier ierst inne geerft werden, Ende daernaer hebben de voirgenoemde Jorys Weeldeken voer een derdedeel ende de voerscreven Jehanne Weeldekens met Claesen Smet haeren man voer dander derdedeel vercocht den voerscreven Janne Weeldeken den sone haeren brueder haerlieder twee derdeelen die sy hadden int voirgenoemde huys metten hove gronde etcetera boven bescreven Waranderende. Op drie chysgulden ende tvierendeel van Eenen geliken chysgulden ende vierst:t; scellinge Loevens daer jaerlix vutgaende daer af tderde derdedeel den selven Janne Weeldeken den sone toebehoert, Waranderende. op drie chysgulden endest:t; tvierendeel van eenen geliken chysgulden ende vier scellinge Loevens vanden voerscreven geheelen huyse metten hove jaerlix gaende ende Seven scellinge de Rinsguldenst:t; ende sesse penninge grooten Brabants gelts vuten voerscreven geheelen huys met synen toebehoerten jaerlix gaende Assignavit L Rinsgulden XVIIII february Aert vander Most Hulst, Vos. Gielis vanden Bloke heeft vercocht Aerde vander m most, Een veertele Rogs goede etcetera Mechelscher maten erffelix pachts die hy hadde op des selfs Aerts huys metten hove gronde etcetera gelegen tot Leest inde Werffelstrate tusschen desselfs Aerts ander erve aen deen zyde ende eenen wech aldaer aen daer zyde. A Domino Mechliniensi, Waranderende etcetera. Assignavit VIII Peters XXI february Dambacht vanden Vleeschouwers Hulst, Vos. Lysbeth Coelputte wedue wylen Henrick Huens, des Ouden met Rommonde Roebosch nu tertyt haeren man ende momboir heeft Terve gegeven, Jacop Robbyns, Rommont Keyenoege, Janne Zoutens Joese de Vryese, Jan Keyenoege ende Janne Vleming als Regeerders ende geswoirne vanden ambachte vanden Vleeschouwers bynnen Mechelen tot behoef vanden selven ambachte, de helft van eenen huyse metten gronde etcetera gelegen aenden Steenwech byder scepenen huysest:t; tusschen eenen Tselve cleynen wech by dwaterscap aldaer staende, aen deen zyde ende tvleeschuys van Mechelen aen dander zyde, hem achterweerts streckende tselve huys lancx den voergenoemde wech tot aen een ander huys, den voerscreven Janne Zoeten ende synen kynderen toebehoerende van welken huyse dander helft, de voerscreven Lysbetten voir haer tocht ende desselfs Jans Zoetens kynderen voir haer erffelicheyt toebehoirt. A Domino Mechliniensi. Te besittene op eenen erffeliken chys van drie scellinge grote Brabants gelts Te betalene altyt tot Kersmisse, dair af den jersten termyn van betalingen syn sal tot Kersmisse naestcomende, Ende opten voirchys van negenthien scellinge der voerscreven groten Brabants gelts vuten van voerscreven geheelen huyse ende op twaelf Rynsgulden ende eenen halven elken van dien tot veertich groten Vlaems gelts gerekent vuter voerscreven vercochter helft alleene jaerlix gaende XI february tempore simile Jan Wyts Pot Retro suo loco Heer Turnoysen ende Hulst, Vos. Jacop Doncheer Raid ons alregenadichs heeren des Roomsschen Conincx heeft vercocht Janne Wyts, Een huys oft woeninge metten hove plaetsen ende poorten, Ende met twee anderen cleynen huysen byde selve poorte staende ende oic metten gronde etcetera ende allen anderen synen toebehoerten, gelegen opte Wollemaect van Mechelen tusschen Machiels vanden Moirtere erve aen deen zyde ende Jacops van Ravenswoude erve aen dander zyde comende achterweerts tot opte Dele. A Domino Mechliniensi, Waranderende. Op twee capuynen, eenen chysguldenst:t; ende vuten voerscreven huyse metten hove ende plaetsen ende op eenen chysgulden vuten voerscreven twee anderen cleynen huysen ende oic op achtien gouden Rynsguldenen elken van dien tot veertich groten Vlaems gelts gerekent vuten voirgenoemde huyse met allen synen voerscreven toebehoerten jaerlix gaende welke achtien Ryns guldenen ter quitingen staen inde Sesse van dien Rynsgulden tot elken male ende elken van dien achtien Rynsgulden met sesthien geliker gulden eens ende met vollen chyse XXIII aprilis tempore simile de wedue wylen de Gielis de Wale Troen Daems wyf Hulst, Vos. Jan vanden Breyne ende Jan vander Heyden als proviseurs ende inden name vander taflen des Heylichs Gheests vander prochie kerken van Sinte Kathelinen bynnen Mechelen hebben opgedragen ende overgegeven tot behoef van Marien vanden Woelputte weduen Croenen van wylen Gielisen de Wale ende nu tehoren Daems wive Een weduen ende haeren medeplegeren toe plach te hoerene ende dat Jannes huys metten hove gronde etcetera dat deselver Marien de Boots als rentmeester ende tot behoef vander voirgenoemde taflen des Heylichs Gheests tanderen tyden voer achterstelligen chys die de selve tafle daerop heeft wettelic vutgewonnen ende verreyct heeft