Blader door transcripties » Stadsarchief Mechelen

archieftoegang 2, inventarisnummer 950, pagina 47

deselve
op gemaect by geletten zegel ten zaken vander stad van Bruessel dair op gemerctst:t;
gebleken is, als erfgenamen, heeft Terve gegeven Gielis van
Berzelt van Leest ende Barblen Bogaerts synen wive, Een huys met
eenen stuck lants dair aen liggende ende oic metten gronde etcetera houden
omtrent een half buender gelegen tot Hombeke ten Houte, tusschen
Jans vanden Vekene stroedeckers erve aen deen zyde ende Jan
Wagemans erve, aen dander zyde. A Domino Mechliniensi. Te besittene, op eenen
erffeliken chys van twee gouden Peters elken van dien tot
sessendertich groten Vlaems gelts gerekent, Te betalene, altyt tot
Kersmisse, Ende sonder eenigen last van voirchyse daer vutgaende
XXIII decembry
Heer Machiel Cloege
priester
Hulst onsaert heer Jan de Cuypere diemen heet van Dyegheempore
heeft vercocht heer Machiel Eveloeghe oic priester de twee scelling
ende sesse penninge groten Brabants gelts van synen tweentwintich
scellingen vier penningen ende eenen hellinge geliker grooten, erffelicx
chys die hy heeft op desselfs heer Machiels huys metten hove
gronde etcetera gelegen inde Peperstrate tusschen der tZestich Gebrueder
erve bynnen Sinte Rommonds kerken van Mechelen, aen deen zyde
ende Henrix vander Poorten erve aen dander zyde. A Domino Mechliniensi, Waranderende.
Assignavi
XXII denier
Heer Peter Machiels priester ende Rommond Machiels
syn brueder als gerechte ende eenige erfgenamen van wylen
Lysbetten Machiels haerer zuster hebben Quytgesconden los vry
ende ledich Janne Koe weduere vander voerscreven wylen Lysbetten
Machiels van allen den haeffeliken goeden die henlieden byder
doot vander selver wylen Lysbetten Hager zuster ende des voerscreven
Jans lesten wive doen sy leefde in eenige manieren gebleven ende
verstorven moegen syn ende alle andere dies quitancie behoeven
geheelic ende al
ende syn wyf
Henrick vander Hoede
Vos, Coesaert. Margriete vander Oudermoelen wedue van wylen Willem
Paeps cum tutore, heeft opgedragen ende overgegeven tot behoef van
Henricken vanden Hoede ende van Jehannen Paeps synen wive haer helft
van eenen huyse metten hove gronde etcetera gelegen inden Heembempt in Sinte
Kathelinen prochie tusschen Jans vander Messyen erve aen deen zyde
ende Aelbrecht Vliege erve aen dander zyde van welken huyse dander
helft, den selven Henricken ende synen wive toebehoirt. A Domino Mechliniensi, Waranderende. Op
dertich oude groten Turnoyse vuten voirscreven geheelen huyse metten hove jaerlix gaende
Ultima decembry tempore simile
Magriete vander Meermolen
Item. De voirgenoemde Henrick ende Johanne Paeps syn wyf hebben bewesen
der voergenoemde Margrieten vander Oudermoelen, tot haeren live acht gouden
Rynsgulden elken van dien tot veertich groten Vlaems gelts gerekent
jaerlike lyfpensien, Te heffene altyt tot twee terminen, Te wetene deen
helft dairaf tot Sint Jansmisse, Ende dander helft tot Kersmisse op ende aen
de voerscreven Henricx ende syns wyfs huys metten hove gronde etcetera boven gescreven
Waranderende. Op dertich oude groten Turnoyse, dair jaerlix voir vutgaende
ut supra
Jan Vleminck
Hulst, Coesaert. Mathys Thys, heeft vercocht Janne Vleming, Beckere, syn helft
van Sesse chysgulden erffelix chys die hy hadde op desselfs Jans huys
metten gronde etcetera gelegen buyten de Neckerspoelpoorten inde Rechtstrate
opten hoeck vander Heergracht tusschen de selve Heergracht aen deen zyde ende
Mathys Gheerds erve aen dander zyde van welken erffeliken chyse dander
helft, Henricken Thys, des voerscreven Mathys brueder toe. A Domino Mechliniensi, Waranderende etcetera.
Assignavit den XXVI denier
van january tempre simile
Jan van Goerle
Hulst, Coesaert. Barble Hazaerts cum tutore heeft vercocht Janne van Goerle
Een huys metten hove gronde etcetera gelegen inde Leckernye tusschen Aert
Cleynaerts erve aen deen zyde ende Philips van Berlaer hof aen dander helftst:t;
zyde Ende een huys metter plaetsen gronde etcetera gelegen aldair tegen tvoergenoemde
huys over tusschen Ymbrechts de Roevere erve aen deen zyde ende des
voerscreven Philips van Bellaer erve aen dander zyde. A Domino Mechliniensi, Waranderende. Op eenen
chysgulden ende vyff scellingen groten Brabants gelts vuten voirgenoemde jersten
huyse metten hove ende op tweentwintich scellinge payments vuten
voirgenoemde lesten huyse metter plaetsen jaerlix gaende
Assignavit LX Peters
III January
Marten de Bresse
Oeyenbeke
Dyest, Vos. Peter Alsoom, heeft vercocht Marten de Bressere, even
gouden Rynsgulden, Te wetene veertich groten Vlaems gelts voir dien gerekent
erffelix chys Te heffene altyt tot Kersmisse op ende aen des voerscreven Peters
huys metten hove gronde etcetera gelegen inde Aedegheemstrate opten hoeck van