Blader door transcripties » Stadsarchief Mechelen

archieftoegang 2, inventarisnummer 950, pagina 46

De selve
aen den voerscreven tochtenersse ende erfgenamen huys metten hove
lande schueren gronde etcetera houdende inst:t; omtrent een buender
gelegen tot Hombeke aende Cleyn Zypstrate tusschen thof
van Kierham toehoerende den gasthuyse van Sinte Peters bynnen
Mechelen aen deen zyde ende de voerscreven Zypstrate aen dander
zijde. A Domino Mechliniensi, Waranderende. Op derthien scellinge ende sesse penningen
groten Brabants gelts dair jaerlix voir vutgaende, met
alsulker condicien dat de voirgenoemde tochtenersse ende erfgenamen
zelen moegen lossen ende quyten de voirgenoemde drie veertelen
Rogs des voerscreven lyfpachts altyt als hem dat gelieven sal
met twaelff gouden Peters elken van dien tot XXXVI
groten Vlaems gelts gerekent eens ende met vollen lyfpachte
XXIIII decembry
Anno XVI
Daneel vander
Heyden
Lange, Vos. Lodewyck van Heyst ende Meester Peter van Cruybeke als proviseurs
ende inden name vander fabriken der prochiekerken van Sinte Jans
van Daneel vander Heyden, drie gouden Peters vander munten etcetera
bynnen Mechelen hebben vercocht Peteren Crabbe den jongen tot behoef
goede etcetera. Te wetene sessendertich groten Vlaems gelts voir elken der
selver Peters gerekent, erffelix chys Te heffenst:t; die de voirgenoemde fabrike
hadde, op desselfs Daneels huys metten hove ende gebruyke van
eenen borreputte ende oic metten gronde etcetera gelegen over de
Corenmarct inde Hooghstrate tusschen wyst Willems vanden Putte
erve aen deen zyde ende Jans van Zeebroeck erve aen dander zyde
A Domino Mechliniensi, Waranderende etcetera.
XIIII decembry
Henrick vanden
Moelen
Item. Jan Nuwelaert heeft opgedragen ende overgegeven tot behoef
van Diericken vander Moelen ende Jehannen vanden Bossche sinen
wive, Eenen hoff metten gronde etcetera gelegen buyten der Kerchofpoorten
inde Rechtstrate tusschen desselfs Jans anderst:t; erve aen deen zyde
ende des voerscreven Diericx ander erve aen dander zyde. A Domino Mechliniensi, Waranderende.
sonder eenigen last van chyse dair jaerlix vutgaende
ut supra
Jan Nuwelaet
ende syn wyf
Item. De voirgenoemde Dierick ende syn wyf hebben bewesen den voerscreven
Janne Nuwelaet tot synen live ende oic tot behoef ende ten live van
Margrieten Lemmens synen wive ende tot des langhstlevenden live
van hen beyden anderhalven gouden Peter elken van dien tot
sessendertich groten Vlaems gelts gerekent jaerliker lyfpensien
Te heffene altyt tot Kersmisse op ende aen haerlieder hof metten
gronde etcetera voirgenoemde, Ende op haerlieder huys metten hove gronde etcetera
gelegen aldaer tusschen den voirgenoemde hof aen deen zyde ende Jan
Cools erve aen dander zyde. A Domino Mechliniensi, Waranderende. Op vyff scellinge
Loevens ende acht scellinge payments vuten selven huyse metten
hove jaerlix voir vutgaende
supra tempre
Gielis van Bere
ende syn wyf
Lange, Vos. Jouffrou Barble Vlemings wedue van wylen Janne de Bere cum tutore
als een tochtenersse, ende de selve jouffrou Barble inden name van Kathelinen
ende Margrieten sBeyers haeren dochteren absent synde die sy in haer vervange, hebben
de selve jouffrou Barble om tgene te doen dat hier naer volght vanden voergenoemde
haeren dochter volcomend macht gelyc ons dat by eender procuracien he