Blader door transcripties » Stadsarchief Mechelen

archieftoegang 2, inventarisnummer 950, pagina 34

Jan Kerssavont
streckende achterweerts
tot eenen anderen huyse den
selven Janne Zoetens
toehoerende
Vleminc, Vos. Lysbeth Coolhouts wedue van wylen Henricken
Huens met Rommond Roebosch haeren man, heeft vercocht
Janne Kerssavont de jonghen, Een pond groote
Brabants gelts erffelix chys Te heffene altyt tot
Kersmisse vutgenomen Kersmisse naestcomende op
ende aen de voerscreven Lysbetten helft van eenen huyse
metten gronde etcetera daeraf dander helft Janne
Zoetens toebehoert gelegen aenden Steenwech van
Mechelen neven de Scepenen huys aldaer, tusschen
tvleeschuys van Mechelen aen deen zyde ende den
wech neven der selver scepenen huys, aen dander
zijde. A Domino Mechliniensi, Waranderende. Op achtien scellinge ende neghen
penninge groote Brabants gelts ende sesse goudenst:t;
vuten voirgenoemde geheelen huyse ende acht gouden
Rynsguldenen ende eenen halven elken van dien tot
veertich groten Vlaems gelts gerekent vuter voirscreven
helft vanden selven huyse jaerlix voir vutgaende
Assignavit den XXVI denier
XXI
Jan vander Hulst de
Beringen hoeven, Jan Blieck, wylen Laureys soon vleeschouder, heeft
opgedragen tot behoef van Janne vander Hulst onse medescepenen
Een huys metten gronde etcetera gelegen inde Ierste Vleeschouwersstrate
tusschen Jans van Rykenrode erve aen deen zyde ende wylen
Jan Bernaerts erve dat nu toebehoirt, Jacop Maes aen dander zyde
streckende achterweerts tot wylen Peters de Pasteybeckers dat nu
toebehoirt Janne Andries oic pasteybeckers erve. A Domino Mechliniensi, Waranderende etcetera
XXVII novembry tempore simile
ende haer kynderen
Jan Blick syn wyf
Item. De voirgenoemde Jan vander Hulst heeft opgedragen ende overgegeven
tot behoef vanden voerscreven Janne Blieck ende Lysbetten van Buyten nu ter
tyt synen wive tot haer toe endest:t; als tot haerer beyder tocht
ende oic tot behoef van Otten ende Lysbetten Blieck de voergenoemde
Jans ende Lysbetten kynderen kynderen ende die sy te samen vercregen
hebben ende oic tot behoef van allen den anderen haeren kynderen die sy
namaels
deen vanden anderen vercrigen zelen, Te weten knechtkens ende
meyskens evengelyck dair inne te deylen, als tot alle der selver
kynderen erffelicheit tvoergenoemde huys metten gronde etcetera. A Domino Mechliniensi, Waranderende.
opten chys ende commer dair jaerlix vutgaende
ut supra tempore simile
ende syn wyf
Jaspar Lemmens
Beringe, Hoeven. Wouter Tucback, heeft Terve gegeven Jaspar
Lemmens ende Lysbetten sBusscoppen, synen wive, Een huys metten
hove borreputte gronde etcetera gelegen buyten de Kerchofpoorten
inde Rechtstrate tusschen Jans vander Voort erve aen
deen zyde ende der weduen ende kynderen erve van wylen
Henricken vanden Wyere aen dander zyde. A Domino Mechliniensi. Te
besittene op eenen erffeliken chys van drie gouden
Peters elken van dien tot sessendertich groten Vlaems
gelts gerekent, Ende die te betalene altyt tot Sinte
Jansmisse vutgenomen Sinte Jansmisse naestcomende
Ende opten voerchys van anderhalven chysguldenen ende
eenen scelling ende sesse penninge groote Brabants gelts
daer jaerlix vutgaende, met alsulker condicien dat de
voirgenoemde Jaspar ende syn wyf sculdich zelen syn te lossene
ende te quytene, Eenen gouden Peter vanden voerscreven drie
Peters des voirgenoemde chys van Kersmisse naestcomende
over twee jaeren daerna volgende, Ende dander twee
Peters desselfs chys, zelen deselve Jaspar ende syn wyf
alsdan moegen lossen ende quyten altyt als hen dat
gelieven sal met eenen halven Peter telken male ende
elken van dien Peters met sesthien geliker Peters eens
ende metten vollen chyse
Assignavit X Peters eens
XXVII novembris
ende syn wyf
Henrick Zweenens
Kerman, Hulst. Gheerd vanden Dale commoingmeester van deser
stad heeft Terve gegeven Henricken Zweenens ende Lysbetten
van Berendonck synen wive, Twee huysen metten hove ende
vergange ende oic metten gronde etcetera gelegen deen neven dander
opten Berthoutshof tusschen Gheerds vanden Broeke erve
aen deen zyde ende der weduen ende kynderen erve van wylen
Wouteren vander Straten aen dander zyde. A Domino Mechliniensi. Te besittene
op eenen erffeliken chys van vyf gouden Rynsguldenen
elken van dien tot veertich groten Vlaems gelts gerekent ende
die te betalene altyt tot twee terminen Te wetene deen
helft daeraf tot Kersmisse vutgenomen Kersmisse
naestcomende, Ende opten voerchys van vier scellingen ende
sesse penningen groten Brabants gelts dair jaerlix vutgaende
met alsulker condicien dat de voirgenoemde Henrick ende syn
wyf zelen moegen lossen ende quiten altyt als hen dat
gelieven sal de voerscreven vyf gouden Rynsguldenen des
voirgenoemde chys tot twee malen ende elken van dien Ryns
guldenen met sesthien geliker gulden eens ende met vollen
chyse
Assignavit II Rinsgulden XI denier
XXVI