Blader door transcripties » Stadsarchief Mechelen

archieftoegang 2, inventarisnummer 950, pagina 33

de selve
huyse metten hove jaerlix gaende, Ende Ende de helft
ende alle trecht dat de voerscreven Vranck van Elsselaer
hadde in een ander huys metten hove gronde etcetera dat
twee woeningen syn, gelegen inde Heydestrate in Onser
Vrouwen prochie tusschen thuys den Vossesteert geheeten
toebehoerende Willem Spoelberch aen deen zyde ende Jan
Boschmans huys aen dander zyde, opte weerde van Twee
scellingen grooten ende achtien myten Brabants vuten
selven geheelen lesten huyse metten hove jaerlix gaende
van welken twee huysen metten hoven dander helft
den selven Janne Halfhuys toebehoert. A Domino Mechliniensi, Waranderende die
de voerscreven Vrancke ende syn Katheline de Wale syn wyf
ende met hen Aert de Wale diemen heet tSas de selver
Kathelinen vader gelooft hebben
XXI novembry tempore simile
Assignavit VIII Rinsgulden
Jouffrou Jehanne vanden
Aa
Beringen, Hulst, Claes de Greve tot behoef van jouffrou Jehannen
vander Aa heeft verreyct Twee stucken lants metten
gronde die Peteren Haeghman toe plagen te hoerene
gelegen deen neven dander inde prochie van Leest int Rot
tusschen Jan Muys erve aen deen zyde ende wylen Peters
Lyndemans dochter erve aen dander zyde. Ex censu
XXI novembris
Pot Retro suo
vander Stuys
heer ende Meester Symoen
Hulst, Vos. Jehanne sColleneren wedue van wylen Gielis de
Hertoge cum tutore inden name van haer selven als eene
tochtenersse ende oic inden name van Thomaes, Kathelinen
ende Jehannen de Hertoge haeren kynderen die sy by crachte van
eender procuracien daer opst:t; oft constitucien daer op voir
notaers ende getuygen gemaect gelyc ons dat claerlic
bleke, in haer vervinghe, Ende oic inden name van
Gielisen de Hertoge haeren soon, absent ende buyten lands wesende
die sy oic in haer vervinghe alsoe erfgenamen, heeft
vercocht heer Anthoenis Hoots priester Canonick der kerken
van Sinte Rommonds bynnen Mechelen, als executeur vanden
testamente ende vutersten wille van wylen heeren ende Meester
Janne van Borhem oic priester ende Canonick doen hy leefde
vander voerscreven kerken, tot behoef van heer ende Meester
Symoen vander Suys proost de voerscreven Sinte Rommond
kerken, drie gouden Rynsguldenen elken van dien tot
veertich grooten Vlaems gelts gerekent erffelix chys
die de voirgenoemde tochtenersse ende erfgenamen hadden op een
huys metten hove plaetsen gronde etcetera dat den voerscreven wylen
heer ende Meester Janne van Borhem toe plach te hoerene ende
de selve
dat nu den selven heer ende Meester Symoen vander Sluys
toebehoert gelegen inde Beghinenstrate tusschen Kathelinen
gelekens erve aen deen zyde ende Jans van Hamme ende
synder kynderen erve aen dander zyde, streckende achterweerts
met eenen vutgange tot aende Mylane. A Domino Mechliniensi, Waranderende etcetera.
XXVIII novembris
de kynderen Jan Mathys
vanden ander vercregen
die sy nu ter tyt deen
hebben ende hier
namaels oic deen
anden anderen zelen
moegen vercrigen
Hulst, Cornaert. Jan Mathys oude schoemaker ende Margriete
we vander Eert syn wyff hebben gewilt ende openbaerlic voir
als knechtkens ende knechtkens als meyskens, Evengelyck
ons geordineert dat alle haere kynderen alsoe wel meyskens
ende in gelyken deele ende porcien, hebben houden aenveerden
gelegen, die naer eensyegelicx doot vanden voerscreven Janne
ende deylen zelen alle haere haeffelike ende erffelike goeden
bynnen der stad ende vryheyt van Mechelen wesende ende
Mathys ende Margrieten synen wive haeren ouderen in eenige
manieren zelen bliven
XXIII novembris
vanden anderen
die sy nu ter tyt deen
Jan Blieck ende Lysbeth van Buyten syn wyf hebben gewilt
ende openbairlic voir ons geordineert, dat alle haere kynderen alsoe wel
meyskens als knechtkens ende knechtkens als meyskens evengelyck
ende in gelyken deele ende porcien, hebben houden aenveerden ende deylen
zelen, alle haere haeffelike ende erffelike goeden bynnen der stad
ende vryheit van Mechelen wesende ende gelegen, die naer eensyegelyc
doot vanden voerscreven Janne ende Lysbetten syne wive haeren ouderen in
eenige manieren zelen bliven
Serander convent
Dyest, Hulst. Jouffrouwe Lysbeth Zeels beghyne cum tutore heeft
Coe geheeten
opgedragen ende overgegeven tot behoef vanden ^ de Sevanders
convente staende bynnen den beghynhove van Mechelen vier
chysguldenen erffelicx chys, die sy hadde opte helft van
eenen huyse metter plaetsen endest:t; vetterien gronde etcetera
toehoerende der weduen van wylen Symoen vander Byest ende
haerer dochter ge gelegen inden Vettersham, te in Sinte
Rommonds prochie van Mercheelenst:t; tusschen Gommaers de Poorte
erve aen deen zyde ende Aert Mathys erve aen dandere zyde
A Domino Mechliniensi, Waranderende. Wouter de dochter tot des voerscreven Convents
behoef waerter inne geerft
XXIII novembris