Blader door transcripties » Stadsarchief Mechelen

archieftoegang 2, inventarisnummer 950, pagina 28

int Paradys
Jan Ramont alias
geheeten Winckele
Hulst, Coesaert. Machiel tSas van svaders wegen, Ende heer Rommond
vander Straten priestere ende Aert tSas vander moeder
weghen, als momboiren ende inden name van Janne
ende Margrieten Melys wylen Jan Melys kynderen onder
haer jaeren van discrecien wesende die sy in hen vervingen
hebben vercocht Janne Ramont diemen heet int Paradys
vier veertelen Rogs goede etcetera Mechelscher maten erffelicx
pachts, die de voirgenoemde kynderen Melys hadden op een besloten
bloch metten gronde etcetera den voerscreven Janne Rommonts
toehoerende gelegen aende Heystrate inde prochie van
Muysene tusschen des huys van Pytsenborch der
Duytscher haeren bynnen Mechelen erve aen deen zyde
ende Jan Suls erve aen dander zyde. A Domino Mechliniensi, Waranderende etcetera.
Assignavit Rinsgulden
XIII novembris
Jan Hacx ende syn
wyf
Hulst, Coesaert. Margriete tSas wedue van wylen Janne van
Heysbosch met Janne Fryken, nu tertyt haeren man, heeft
opgedragen haer tocht die sy hadde in een huys metten
hove gronde etcetera gelegen inde Aedegheemstrate tusschen
de Borgere
Jans Merssys beyderst:t; erve aen deen zyde ende des goidshuys
van Relegheem erve aen dander zyde. A Domino Mechliniensi, Juravit tot behoef
van Janne van Heysbosch haeren soon, dier ierst inne geerft
wardt, Ende daer naer heeft de selve Jan van Heysbosch
vercocht Janne Hacx ende Margrieten sBeckers synen wive
voirgenoemde huys metten hove gronde etcetera, Waranderende. Opte weerde
van vyfthien scellingen groten Brabants gelts dair jaerlicx
vutgaende
Assignavit VIII Rinsgulden erffelicx den XVI denier
ende VI Rinsgulden eens
ut supra
van Campenhout
De kynderen wylen Jacop
Voesdonc, Hulst. Willem sDekens tot behoef van Claes van Campenhout
ende van
wettigen kynderen van wylen Jacopen van Campenhout, des
voirgenoemde Claes brueder doen hy leefde, heeft verreyct de helft
van Eenen huyse metten hove ende twee cameren ende oic metten
gronde etcetera dat die Aerde vanden Hoede toe plach te
hoerene, gelegen deen neven dander inde Penningstrate
tusschen
Ex censu
XIII novembris
de wedue wylen
Vrancx van Halen
Voesdonc, Dyest. Dierick Loemans als rentmeester ende inden name
vanden goidshuyse van Bethanien staende buyten den mueren
van deser stad, hebbende de selve rentmeester vanden selven
goidshuyse om te doene tgene dat hierna volge volcomen macht
gelyc ons dat by eender procuracien besegelt met des gemeynen
convents desselfs goidshuys zegel gebleken es, by bywesene oic
van heeren Cristiaen Bloets pater vanden selven goidshuyse, heeft
Opgedragen ende overgegeven tot behoef van jouffrou Kathelinen van
Voesdonck wedue van wylen Aerts van Voesdonck dochter ende
wedue van wylen Vrancx van Halen, de erffelike goeden metten
gronde etcetera hier naer bescreven ierst een stuck hoflants houdende
omtrent anderhalff vierendeel, gelegen buyten der Aedeghempoirten
opt Heydeken neven een poirte aldair, tusschen der kynderen eenen
van wylen Jacop vanden Dale aen deen zyde ende Jan Walsschaerts
erve aen dander zyde streckende voirwaerts metten eenen eynde
tot Henrix vander Donct erve ende metten anderen eynde totter voerscreven
jouffrou Kathelinen erve, Item et noch een stuck hoflants
neven
houdende omtrent een half vierendeel, gelegen aldair by tvoerscreven
ierste stuck lants tusschen der voerscreven kynderen vanden Dale erve aen
deen zyde ende der voerscreven Jan Walsschaerts erve aen dander zyde
Item noch een stuck hoflants houdende omtrent anderhalf vierendeel
gelegen aldair neven de voerscreven twee stucken lants, tusschen der selver
kynderen vanden Dale erve aen deen zyde ende desselfs Jan Walsschaerts
erve aen dander zyde, Ende een stuck wynnenslants houdende
omtrent een half buender gelegen aldaer, tusschen der selver
jouffrou Kathelinen erve aen beyden zyden streckende achterweerts
tot des voerscreven goidshuys van Betalen. A Domino Mechliniensi, Waranderende etcetera.
XIII novemile
Jan ende Katlyne Cnoep
Pot Retro
eenigen, Vos. Jan vander Brugge, heeft vercocht
Janne Knoep tot behoef ende ten live van Janne ende
Kathelinen Hoes ende tot des lantst:t; synen kynderen ende
tot des langhstlevenden live van hen beyden, Twee gouden
Rynsguldenen elken van dien tot veertich grooten Vlaems
gelts gekent jaerliker lyfpensien, Te heffene altyt