Blader door transcripties » Stadsarchief Mechelen

archieftoegang 2, inventarisnummer 950, pagina 221

Peter Cools
Voesdonck, Hulst. Jan van Haeght, heeft vercocht Peteren Cools de
helft vanden derdendeele, die hy hadde ende hem byder doot van
wylen Janne Maes synen neve toecomen gebleven ende verstorven
is, in eenen wytham metten gronde etcetera houdende omtrent een
dachmale luttel min oft meer, gelegen tot Barblegheem
tusschen Ostens van Oeyenbrugge erve aen deen zyde ende des
gasthuys erve vander Heyliger Drievuldicheit by Sinte Kathelinen poirte
van Mechelen staende, aen dander zyde ende de Zenne aldair aen
dander zyde. A Domino Mechliniensi, Waranderende. Op achtien scellinge payments
Assignavit IX Peters eens
VI novembris
Jan van Hazeldonck
alias Cleerken
Item. Henrick van Haeght heeft vercocht Janne van Hazeldonck
diemen heet Jan Cleerkens hovenere, de helft vanden derdendeele die
zy hadde ende hem byder doot van wylen Janne Maes synen neve toecomen
ende verstorven is, in eenst:t; inden Wytham met synen toebehoirten boven
gescreven. A Domino Mechliniensi, Waranderende. ut supra.
Assignavit X Peters
Ut supra
Augustyn de Monick
Hoot hoot, Stocman. Joes van Droelaer, heeft vercocht Augustinen de Mane
drie gouden Andries gulden, elken van dien tot veertich groten Vlaems gelts
gerekent, erffelix chys, Te heffene altyt tot Sinte Martensmisse
vutgenomen Sinte Martensmisse naestcomende, Op ende aen syn huys metten
hove, ende met eenen anderen huyse dair achterstaende ende oic metten gronde etcetera
gelegen in Sinte Kathelinen strate tusschen R Rommond Pomperlincx
erve aen deen zyde ende Hubrecht Ryps erve aen dander zyde. A Beato
Rumoldo, Waranderende. Op Sesse opte weerde van Sesse scellingen ende acht
penningen grooten Brabants gelts, Ende twee gouden Rynsgulden vanden
voerscreven pryse, dair jaerlix voir vutgaende, met alsulker condicien, dat
de voerscreven Joes sal moegen lossen ende quiten, altyt als hem dat gelieven sal
de voerscreven drie gouden Andries gulden des voerscreven chys, met eenen gulden
van dien te male ende elken daer af met sestien geliker gulden eens
ende met vollen chyse
Assignavit den XXVI denier
IIII novembris
Henrick van Beys
Voesdonck, Hulst. Barble van Ghee Guyle, wylen Jans dochter
cum tutore, heeft vercocht, Henricken van Erps, de tot synen ende
Lysbetten vander Heyden syns wyfs behoef, Een huys metten hove
ende met eender heymelicheit dair achter staende ende oic metten gronde etcetera
gelegen inde Leckene, tusschen Alyt Yngelbrechts erve aen deen
zyde ende Ymbrechts de Roevere erve aen dander zyde. A Domino Mechliniensi,
Waranderende. Opte weerde van eenen chysgulden ende vier pond payments daer noch
Assignavi
VI novembris
Peters van Steynemoelen
uxor
Hulst, Stocman. Godevaert van Steynemoelen wettich soon van wylen
Godevaert van Steynemoelen, Seggende ende ons te kennen gevende, dat
Seger van Steynemoelen syn brueder vut synen goeden wille ende met
synen propren penningen gecocht heeft tot synen live, opten tweentwintichsten
dach van julio int jaer ons heeren dusent vierhondert negenentachtentich
lestleden, Twintich scellinge ouder groten Turnoyse vander munten des
Conincx van Vranckerycke, jaerliker lyfpensien, Opte stad van Mechelen
Behoudelic den selven Peterenst:t; ende jouffrou Lossien Ghooten synen wive
ende den langhstlevende van hen beyden, haer heffen dair inne
Ende om dat zy weder gebruyken woude goeder trouwen totten voerscreven
Segeren synen brueder ende synen voirscreven wive, Soe heeft de voerscreven Godevaert
van Steynemoelen st:t; gewilt geordineert ende vuterlic begeert, voir hem syn
hoir ende nacomelingen, oft gebeurde byden wille goids, dat hy storven
ende van levenden live ter doot quame voir den voerscreven Segeren synen broeder
ende jouffrou Lossien synen wive oft den langhstlevenden van hen beyden
dat in dien gevalle de selve Seger syn broeder ende jouffrou Lossien
syn wyf ende de langhstlevende van hen beyden van ende vut allen
synen haeffeliken ende erffelike goeden wair die na syn doot
bevonden zelen worden, alle jaer alsoe lange als zy ende de
langhstlevende van hen beyden alsdan leven selen, hebben, heffen ende
ontfangen zelen, gelike Twintich scellinge ouder groten Turnoyse
jaerliker lyfrenten, sonder we wederseggen van iemande, om
welken synen wille, ordinancie ende begeerte, te volbringen, Ende
om der meerder zekerheit den voerscreven Segeren ende synen wive dair
af te doene, Soe heeft hy dair voir verbonden ende te pande geset
alle syne haeffelike ende erffelike goeden metten gronde etcetera bynnen etcetera
wesene ende gelegen, die zy nu ter tyt heeft ende hier namaels oic hebben
ende vercrigen sal
VIII novembris
de selve
Item. Jouffrou Marie van Steynemoelen beghine, wylen Godevaerts dochter
Seggende ende ons te kennen gevende, dat Zeger van Steynemoelen haer broeder vut
synen goeden wille ende met synen propren penningen gecocht heeft tot haeren live opten
tweentwintichsten dach van julio ont haer ons heeren dusent vierhondt negenentachtentich
lestleden, Twintich scellinge ouder groten Turnoyse vander munten des Coninck van
Vranckerycke, jaerliker lyfpensien, Opte stad van Mechelen. Behoudelic den
selven Segeren haeren brueder ende jouffrou Lossien Ghooten synen wive ende den
langhstlevende van hen beyden, haer heffene dair inne, Ende om dat sy weder
gebruyken woude goeder trouwe totten voirscreven Segeren haeren brueder ende synen
voirscreven wive, Soe heeft de voerscreven jouffrou Marie van Steynemoelen gewiltst:t;
geordineert ende vuterlic begeert voir haer haer hoir ende nacomelingen, oft
gebeurde byden wille goids dat sy storve ende van levenden live ter doot
quame voirscreven den voerscreven Gegen haeren brueder ende jouffrou Lossien synen wive
oft den langhstlevene van hen beyden, dat in dien gevalle, de selve