Blader door transcripties » Stadsarchief Mechelen

archieftoegang 2, inventarisnummer 950, pagina 212

naer der divisen recht
Alan Theeus et uxore
Voesdonck, Keyenoogge. Jan vanden Vlyete ende Lysbeth de Riddere syn
wyf tot Reeth ende Jacop vanden Vlyete syn brueder tot Schelle
ongevrydt
woenende, hebben gelooft ende elc van hen besunder ende voir al te
geven te betalen ende tot Mechelen te leveren, Allem Ther ende
Lysbetten Mys synder huysvrouwen, vut zaken vander verpachtingen
van eender stede met huysingen hove wynnende lande ende anderen syn
toebehoirten, geheeten tgoet te haer tot Reeth gelegen, die de voerscreven
Jan vanden Vlyete ende syn wyf tegen den voirgenoemde Allem ende synder
huysvrouwen te pachte genomen hebben, den tyt ende termyn van
twaelf jaeren lange geduerende ende deen na dander ter stont volgende
die inne gaen ende beginnen zelen tot Kersmisse naestcomende, ende
van dan voirtaen zelen gedueren, den selven tyt ende termyn, alle Jan
van dien altyt tot Kersmisse, daeraf achtien veertelen Rogs goeden
ende custbare Mechelscher maten ende twee pondt grote Brabants
gelts dairaf den jersten termyn van betalingen syn sal van
Kersmisse naestcomende over een jaer dair naer ter stont volgende
Ende dat sy voirtaen voldoen ende volbringen zelen alle de
vorweerden, die indest:t; in twee crographen dair op tusschen
de voerscreven partien gemaect, dairaff elc van hen een heeft begrepen
ende bescreven staen, Sonder eenich wederseggen van welke gelooften de voerscreven
Jan ende syn wyf hebben gelooft den voergenoemde Jacop scadeloes quyte houden
ende tontlasten
XVI augusti
Margriete Melys et Jan
dochter
lange in Vos Goessen vander Most heeft vercocht Margrieten
Melys weduen van wylen Cornelis vander Most tot haeren behoef als
tot haer tocht ende oic tot behoef van Lysbetten vander Most haer dochter
als tot haer erffelicheit, Een huys metten hove gronde etcetera houdende
omtrent int geheele een half buender, gelegen tot Hombeke, Ende
Bersserstrate tusschen Jan Marien van Yetegem erve aen deen
zyde ende des goidshuys van Cortenberge erve aen dander zyde
A Domino Mechliniensi, Waranderende. Opte weerde van vier scellinge ende negen penningen
grote Brabants gelts dair vutgaende
Assignavit XIIII Peters eens
XVIIIaaugusty
Jan van Anthoven
Hulst, Stockman. Machiel vanden Bossche, heeft opgedragen ende overgegeven
tot behoef van Janne van Lanchoven, vyf Rynsgulden, elken van dien
tot veertich groten Vlaems gelts gerekent erffelix chys, die hy hadde op
desselfs Jans stuck lants met eenen huyse daer op staende ende met
eenen wyngaerde dair aen liggende ende oic metten gronde etcetera gelegen
buyten Sinte Kathelinen poirte tegen der infirmarien vanden Crancken
beghinen staende bynnen den beghynhove van deser stad moelen over
tusschen der selver infirmarien erve aen deen zyde ende Bertelmeus
Roest erve aen dander zyde. A Domino Mechliniensis, Waranderende etcetera.
XX augusty
Machiel vander Bossche
Hulst, Stockman. De voirgenoemde Jan van Achoven, heeft bewesen, der
voerscreven Machielen vanden Bossche, vier gouden Andries gulden
elken van dien tot veertich groten Vlaems gelts gerekent, erffelicx
chys Te heffene altyt opten vyftienden dach van Augusto
Op ende aen tvoirscreven stuck lants metten huyse ende wyngaerde ende anderen
synen toebehoerten, boven gescreven. A Domino Mechliniensi, Waranderende. Op negen pondt
payments ende eenen gouden Rynsgulden ende eenen halven vanden voerscreven
huyse daervoir vutgaende
XX Augusti tempore simile
Marie ende Margriete Aens wettige kynderen van
Janne Arens ende van wylen Lauretten vanden Plasse synen wive
hebben Quytgesconden los vry ende ledich Kathelinen Coppens haer
stiefmoeder wettigen wive vanden voirgenoemde Janne Arens tot behoef
vanden selven Janne Avens haeren man van allen den haeffelike
goeden die hem
Jan van Riemen
lange in Lange in Katheline van Dieghem met Janne vanden Dale haeren
man ende Digne van Diepenne haer zuster hebben bekent, dat zy
gehadt ende ontfangen hebben van Janne van Ryemen, de somme van
Achtenveertich Peters elken van dien tot sessendertich groten Vlaems
gelts gerekent, ende dat vut zaken van hueren daerst:t; vanden coepe
vanden erffeliken goeden henlieden gebleven ende verstorven van wylen
Kathelinen vander Hoeven haer moeder, Ende prochie van Heyst gelegen
dair inne zy den voergenoemde Janne van Ryemen voir schoutet ende scepenen
van Heyst gegoedt ende geerft hebben, van welker sommen van Achtenveertich
Peters vanden voerscreven pryse, hebben de voerscreven gesusteren Quytgesconden
los vry ende ledich, den voerscreven Janne ende alle andere dies quitancie
behoeven geheelic ende al
XI augusti tempore simile
Jan Avens ende
Katlyne oppens syn wyf
Lange, Vos. Marie ende Margriete Avens wettige kynderen
van Janne Avens ende van wylen Lauretten vanden Plassche synen
wive hebben Quytgesconden los vry ende ledich Kathelinen Coppens
haer stiefmoeder wettigen wive vanden voirgenoemde Janne Avens
tot behoef vanden selven Janne haeren man van allen den
haeffeliken goeden, die hen byder doot vanden voerscreven wylen
Lauretten haer moeder ende desselfs Jans iersten wive, doen
zy leefde, in eeniger manieren toecomen gebleven ende verstorven
syn ende alle andere dies quitancie behoeven
XIX augusti
testamente Anthonis
van Gheenigen
Lange Senos, Vos. Anthoenis ge van Gheeringen wettich soon van wylen
Cornelis van Gheeringen, heeft geconfirmeert gelaudeert ende van weerden
gehouden, alsulken scheydinge ende deylinge als tanderen tyden tusschen
hem ende synen bruederen ende synst:t; zusteren voir scepene van Mechelen geschiet