Blader door transcripties » Stadsarchief Mechelen

archieftoegang 2, inventarisnummer 950, pagina 210

Jan de Rende
Petrate ut
loco
Yngelram, Rode. Jan de Rende, heeft verreyct, de helft van Eenen huyse
metter eender plaetsen ende poirten voir ende met twee anderen huysen dair
achter staende ende oic metten gronde etcetera die Janne Breugelman toe
plach te hoiren, gelegen over den Haverwerf leden den Craen
opte Dele, tusschen der weduen ende kynderen erve van wylen Janne
de Vogelere, aen deen zyde ende desselfs Jans ander erve aen dander
zyde
Ex censu
XXVII July
Victor van Merende
Ingelram, Keyenoege, heer Jan vander Eyken priester ende Adriaen vanden
Broeke diemen heet Musch, als executeurs vanden testamente ende
vutersten wille van wylen Ymbrechte vanden Broeke diemen heeft
inden name vander execucien vander selven testamente
Musch voir de verviere vyfstedeelen, de selve heer Jan ende Adriaen
als erfgenamen des voerscreven wylen Ymbrechts voir tvyfste vyfstendeel
vanden erve hier na bescreven, hebben vercocht Victor van Merende
de
Een huys geheeten den Nuweenkelder metten gronde etcetera, dat
den voirgenoemde wylen Ymbrechte toe plach te hoiren, gelegen aenden
Steenwech van Mechelen, tusschen thuys geheeten den Blanckaert
toebehoerende, Janne Cloet, aen deen zyde ende thuys dat te heeten
plach den Pollepel ende dat nu heet den Cleynen Draeck toebehoerende
Peteren vanden Velde, aen dander zyde streckende achterweerts tot
inde Beghinenstrate. A Domino Mechliniensi, Waranderende. Opte weerde van
seventhien ende eenen halven gouden Peters, te wetene sessendertich
groten Vlaems voir elken van dien gerekent ende drie pond payments
dair vutgaende
Assignavit
III augusty tempore simile
Heer Jan vander Eyken priester
heer Adriaen vanden Broeke
alias Mussche
de Victor heeft bewesen, den voerscreven heer Janne vander
Eyken ende Adriaenen vanden Broeke, negen gouden Andriesst:t; gulden
ende eenen halven
voir
Item. De Victor heeft bewesen den voerscreven heer Janne vander
Eyken ende Adriaenen vanden Broeke, negen gouden Rynsgulden
ende eenen halven, elken van dien tot veertich groten Vlaems gelts gerekent
erffelix chys Te heffene altyt tot twee terminen, Te wetene
deen helft dairaf tot Kersmisse ende dander helft tot Sinte
Jansmisse Op ende aen syn voirgenoemde huysst:t; dairaff den
jersten termyn van betalingen syn sal tot Kersmisse naestcomende
Op ende aen des voerscreven Victors huys den st:t;Nuwen Kelder geheeten
boven gescreven. A Domino Mechliniensis, Waranderende. ut supra.
ut supra
Jouffrou Heylwych vanden
Broeke alias Musschen
Item. De selve Victor heeft bewesen, den voirgenoemde heeren Janne
ende Adriaen vanden Broeke, tot behoef van jouffrou Heylwych vanden
Broeke diemen heet Musch beghynen, negen gouden Rynsgulden
ende eenen halven vanden voergenoemde pryse erffelix chys Te heffene
als boven, Op ende aen tvoerscreven huys den Nuwenbelder geheeten
A Domino Mechliniensi, Waranderende. etcetera
ut supra
Jan vander Kerchove et uxore
Heelt, Lange Senior. Jan vander Kerchove ende Katheline Loys syn wyf Seggende
dat sy gheen wettige kynderen en hadden, Ende hebben dair om gewilt
ende openbairlic voir ons geordineert, dat de langhstlevende van hen
de beyden, soe lange die alsdan leven sal, paysselic ende vredelic sal
gebruyken, alle der haeffeliker ende erffeliker goeden, bynnen der
voerscreven stad ende vryheit van Mechelen wesende ende gelegen, die sy nu
ter tyt hebben ende hiernamaels oic hebben ende vercrigen zelen, Ende
metten selven haeffeliken goeden in synder noot moegen disponeren
ende ordineren, den wederseggen van iemande niet tegenstaende behoudelic
dien, dat alle de voergenoemde goeden, na des langhstlevende doot vanden
wive
voerscreven Janne ende synen blivende, toecomen ende versterven zelen, haeren
gerechten erfgenamen, dien die goeden na den rechte vander voerscreven
stad sculdich zelen syn toe te comen ende te versterven, oft den
ghenen, dien sy de selve goeden tsamentlic oft met testamente
oft anderssins geven ende maken zelen, welke ordinancie wy ende oic
Borch, Lange, Junior, Yngelram, Keyenoege ende Gheylinck, onse
tyden
medescepenen, by crachte vanden statute tanderen daer op gemaect
geconfirmeert ende geapprobeert hebben ende by onser ordinander
macht confirmeren ende approberen, alle argelist vutgescheyden
IIII augusti
Aert Premans
Schooff, Lange. Rommond vanden Eynde wylen Willems vanden Eynde soon
heeft vercocht Aert Perremans, alle trecht ende deel, dat hy hadde
ende hem byder doot vanden voerscreven wylen Willemen synen vader ende oic byder
doot van wylen Janne vanden Eynde synen broeder gebleven ende verstorven
is, in alle de haeffelike ende erffelike goeden metten gronde etcetera bynnen
ende buyten etcetera wesende ende gelegen, die naer des voerscreven wylen Willems syns vaders
ende wylen Jans syns broeders doot, gebleven syn eniger manieren
A Domino Mechliniensi, Waranderende etcetera
Assignavit XXX Rinsgulden
V augusti
Jehanne Suessele
Lange in Keynooge, Machiel vanden Bossche ende Jan vanden Scryeke van
svaders wegen ende Ghysbrecht de Nestelere ende Jan de Nestelere
vander moeder wegen, als momboeren ende inden name van Janne
vanden Bossche wylen Jans sone stroedeckers, onder syne jaeren
de
van discrecien van wesende, die sy in hen vervingen, hebben
Quytgesconden los vry ende ledich, Jehannen susteleren weduen
vanden voerscreven wylen Janne vanden Bossche synder moeder van
allen den haeffeliken goeden, die hem byder doot vanden selve
wylen Janne synen vader ende der voerscreven weduen ierste man doen
hy leefde in eeniger manieren toecomen gebleven ende verstorven
syn ende alle andere dies quitancie behoeven
VII augusti