Blader door transcripties » Stadsarchief Mechelen

archieftoegang 2, inventarisnummer 950, pagina 199

De selve
metten hove gronde etcetera gelegen inden Nyeuwen Bruel, tusschen
Jan Cranaerts erve aen deen zyde ende Peters de Leen erve
aen dander zyde, Opte weerde van vyf Peters, elken van
dien tot vier scellingen ende sesse penningen der voerscreven groten
Brabants gelts gerekent, dair voir vutgaende, Ende op des
voerscreven Peters bogaert ende stuck beempts metten gronde etcetera ende
deen neven dandere tot Hevere, tusschen een cleyn straetken
aldair aen deen zyde ende des goidshuys van Muysene erve
aen dander zyde, Opte weerde van drie gelike Peters
vuten selven bogaerde ende stuck beempts jaerlycx voir vutgaende
A Domino Mechliniensi, Waranderende etcetera.
Assignavit den XXVI denier
XXIII tempre simile
Willem Bolders
Willem
Keyenoege, Gheylinck. Jan sVolders wettich soon van Een sVolders ende
wylen Margrieten van Aken synen jersten wive heeft vercocht, den
selven volders synen wive vader ende Yden van Lint nu ter
tyt synen wive Twee derdedeelen vander helft van Eenen huys
metten gronde etcetera gelegen neven de Veemarct opten hoeck vander
Pertmarct tusschen de selve Peetmarct, aen deen zyde ende
wylen Jacops vanden Leene erve aen dander zyde. A Domino Mechliniensi, Waranderende etcetera.
ut supra
de Cureyt ende capelaen
Item. Cornelie Henricx wedue van wylen Andries van
Boechout, diemen heet Pryck cum tutore, heeft bewesen, heer Willem
sCosters priester tot behoef vanden Cureyt ende capellanen vanden
prochiekerken van Onser Liever Vrouwen staende inder stad van Mechelen
voir have ende haers voirgenoemde mans jaergetyde, dat sy ten eeuwigen
dagen voir haer beyder zelen salicheit, inder selver kerken dat
ende celebreren zelen, met vigilien commendacien ende missen van
Requin, tot alsulken dagen als die zelen jaerlicx zelen vallen
Twee chysgulden erffelix chys Te heffene altyt tot Sint
Jansmisse Kersmisse, dairaff den jersten termyn van betalinge
syn sal tot Kersmisse naestcomende, Op ende aen der voerscreven wedue
huys metten hove gronde etcetera geheeten de Clocke, gelegen inde
Overstestrate byde Corenmarct tusschen Cristiaens van
Relegeem erve aen deen zyde ende Jans vanden Perre erve aen dander
zijde. Ab Anthonio de Oeyenbrugge, Waranderende. Op drie chysgulden
eenen halven ende sessendertich scellinge payments, dair voir vutgaende
ut supra
Henrick Dyelkens
Item. Jan Witrycx heeft vercocht Henricken Dekens zone
huys metten hove gronde etcetera gelegen inden Gulden Bodem, tusschen Jan
Kenens erve aen deen zyde ende Aerts van Morchoven erve aen dander
zijde. A Beato Rumoldo, Waranderende etcetera.
Assignavit XVIII Rinsgulden
ut supra
Jan vander Hulst
Keyenooge, Rode. Jan vander Hulst, heeft verreyct, Een huys metten hove
gronde etcetera, dat Janne Cools toe plach te hoeren, gelegen inde
Kerchofstrate tusschen Jan Bruynincx erve aen deen zyde ende thien
Ghilsmans erve aen dander zyde. Ex censu
XXVI may
Jan Andries
Keyenoege, Gheylinck. Jan de Lange doude onse medescepen ende
Jan vander Moelen diemen heet int Schale als proviseurs ende inden
name vander taflen des Heylichs Geests vander kerken van Sinte Rommonts
bynnen Mechelen hebben vercocht Janne Andries, negenthien scellinge
grote Brabants gelts erffelix chys, die de selve tafle hadde, Op des
voerscreven Jan Andries huys metten gronde etcetera gelegen inde Tweede
Vleeschouwersstrate tusschen Jans vander Berct erve aen deen zyde
ende der kynderen erve van wylen Alaert Alaerts ervest:t; aen dander
zijde. A Domino Mechliniensi, Waranderende etcetera.
XXVII may
Hubrecht vanden Venne, heeft opgedragen ende overgegeven
tot behoef van Andries Huyghs, de helft van Eenen huyse den
Roesboom geheeten metten hove gronde etcetera
Andries Huyghs
Pot Retro suolio
Cale, Keyenooghe. Hubrecht vanden Venne ende Heylwych Huyghs syn wyf
hebben vercocht Andries hyOpgedragen ende overgegeven tot behoef
van Andries Huyghs haer drie vierendeelen die sy hadden in een
huys metten hove gronde etcetera den Roesboom geheeten, gelegen in
Sinte Kathelinen strate tusschen Rommonts vanden Ryele erve aen
deen zyde ende Jans van Couwenberge erve, aen dander zyde streckende
achterweerts totten watere. A Beato Rumoldo, Waranderende. Op vyftien
chys chysgulden ende vyftien scellinge payments vuten voerscreven
geheelen huyse metten hove jaerlix gaende
XI tempore simile
Wouter Stuers wylen Jan Stuers soon ende Jehanne Stuers
syn zuster met Janne Scermers haeren man ende Katheline Stuers haerlieder
zuster cum tutore voir hen selven, Ende oic heer Symoen Roebosch
Reyner Heymans
Lange Sen borch, Lysbeth ende Cornelie van Beringen wylen Jans van
Beringen ende wylen Kathelinen van Dueren syns wyfs kynderen
hebben Quytgesconden los vry ende ledich, Reyneren Heymans weduere
vander selver wylen Kathelinen haere moeder van allen den haeffeliken
goeden, die der voerscreven Lysbetten ende Cornelien byder doot vander
voerscreven wylen Kathelinen haer moeder ende desselfs Reyners wyf
doen sy leefde in eeniger manieren toecomen gebleven ende verstorven
moegen syn, ende alle andere dies quitancie behoeven, geheelic ende al
III may
Henrick vander Brugge
Lange, Keyenooge, Margriete van Bornem, met Aelbrechten vanden Berge
haeren man ende Katheline van Bornem haer zuster cum tutore hebben
vercocht Henricken vander Bruggen haerlieder oem, alle haerlieder recht
ende deel, dat sy hadden int vierendeel van Eenen huyse metten hove
gronde etcetera gelegen, over de Corenmarct ende Overstestrate tusschen
Gheerdts van Diest erve aen deen zyde ende Rommonts de Beckere erve
aen dander zyde. A Domino Mechliniensi, Waranderende etcetera.
Assignavit VIII Peters eens
I