Transkripte durchsuchen » Stadtarchiv Mechelen

Archivzugang 2, Inventarnummer 950, Blatt 197

Heer Peeter vander Hoeven
priester
Lange, Junior, Rode, heer ende Meester Peter vander Hoeven heeft
verreyct, Een huys metten hove gronde etcetera dat Florys van
Dingenen toe plach te hoeren, gelegen inde Drapstrate tusschen
der kynderen tSerghysels erve aen deen zyde ende der weduen ende
kynderen erve van wylen Peters vanden Houwe aen dander zyde
streckende achterweerts totten water toe. Ex censu
Castia infra
Lange Rode, dande Roggault heeft opgedragen syn tocht, die
hy hadde, in Een stuck beempts metten gronde etcetera gelegen tot
Oudegheem, tusschen der kisten erve staende bynnen deen
beghynhove van Mechelen aen beyde st:t; aende twee zyden ende
tans de Heelt erve aende derde zyde. A Domino Mechliniensi, Juravit tot
van Anthoenis ende Gheeraert Regault synen kynderen, dier
ierst inne geerft werden, Ende dair naer hebben de
selve Anthoenis ende Gheraerdt Ragault vercocht jouffrou
Kathelinen sBeren, ende Lysbetten sBeckers beghinen, als meestersse
te
ende behoef vander voerscreven kysten, tvoirgenoemde stuck beempts
metten gronde etcetera boven gescreven, waranderende d sonder eenigen
last van chyse dair vutgaende
XIIII may
Jan vanden Rode
Muysene, Lange, jouffrou Anna vanden Rode wylenst:t; beghyne wetene
dochter van wylen Peteren vanden Rode ende van wylen Kathelinen
de Lange diemen heet Papegaey syns wyfs cum tutore, heeft
Opgedragen ende overgegeven tot behoef van Janne vanden Rode
onsen medescepen haeren broeder, alle alsulke erffelike goeden
metten gronde etcetera bynnen etcetera gelegen, als haer byder doot
van haeren voirscreven vader ende moeder in eeniger manieren verstorven
moegen syn. A Domino Mechliniensi, Waranderende etcetera.
ut supra
Jouffrou vanden Rode
Item de voerscreven Jan vanden Rode, heeft bewesen, der voerscreven soon
Annen synder zuster, Sesse gouden Peters elken van dien tot
sessendertich groten Vlaems gelts gerekent, alsulke erffelic
chys Te betalene altyt tot Sinte Jansmisse, die vutgene
dairaf den jersten termyn van betalingen syn sal van Sinte
Jansmisse naestcomende over een jair dair naer volgende Op ende
aen alle syne erffelike goeden bynnen etcetera gelegen, die hy nu
ter tyt heeft ende hier namaels oic hebben ende vercrigen sal
A Domino Mechliniensi, Waranderende etcetera, met condicien, dat de voerscreven Jan
de voirscreven sesse Peters des voerscreven chys sal moegen lossen
ende quiten altyt als hem dat gelieven sal tot twee malen
ende niet min ende elken van dien met achtien geliker Peters een met
oic
vollen chyse, Ende al te wetene datst:t; want de voerscreven jouffrou
Anne ende meyningen es, geprofessie nonne te wordene, inde
goidshuyse van Sinte Brugitten tot de memonde ende by als
sy aldaer byden wive goids gepasseert geprofessyt warde
ende de voerscreven rente van Sesse Peters in al oft in deele
afgequeten werde, dat alsdan ende in dien gevalle de
Regeerders oft Regissen desselfs goidshuys, de penningen
van dier quitingen comende, sculdich zelen syn, weder aen te
leggene aen andere erfrenten, om tot eeuwigen dagen, den
goidshuyse, ontquytbaer te blivene
ut supra tempore simile
Jan Breugelman heeft opgedragen syn tocht die zy
hadde, Eenen Ende helft van Eenen huyse metten gronde etcetera geheeten
Scaecbert gelegen inde Befferstrate tusschen der capitulen erve van
Sinte Rommonts bynnen Mechelen aen deen zyde ende wylen Willem Barbier
erve aen dander zyde streckende achst:t; met eenen gange totter Mylanen toe
A Domino Mechliniensi, Juravit tot behoef van Clemencien meert, dier ierst inne
gegoedt wardt, Ende dair naer heeft de selve Clemencie met
Aerden Faes haeren man vercocht den voirscreven Janne Breugelman
der voergenoemde helft vanden voerscreven huyse met synen voerscreven toebehoerten
boven gescreven van welken huyse dander helft den selven Janne
toebehoert, Waranderende etcetera
Assignavit XXX Rynsgulden
Jan van Thyelt
Langhe, Rode, Wouter Aerts Willewevere heeft vut zaken van
wysselingen, voir een ander huys inde Jeudestrate opten hoeck
vander Volkaertstrate gelegen, Opgedragen tot behoef van Janne
van Thielt, lynenweve, Een huys dat twee huysen plagen te syne
metten hove gronde etcetera gelegen in Sinte Jans prochie, de voerscreven Volkaertstrate
tusschen Gielis van Steynemoelen erve aen deen zyde ende Jans van
Goubergen erve, aen dander zyde. A Domino Johanst:t;
A Domino Mechliniensistaende, Waranderende. Op twee gouden Peters elken elken van dien tot
sessendertich groten Vlaems gelts gerekent, dair vutgaende
ut supra tempore simile
Wouter Aerts
Item. De voirgenoemde Jan van Thielt heeft oic vut zaken van wisselingen
voir een ander huys inde Volkaertstrate gelegen, Opgedragen tot
behoef vanden voerscreven der Wouteren Aerts, Een huys metten hove
gronde etcetera gelegen inde Jeudestrate opten hoeck vander voirscreven Volkaertstrate
tusschen de selve strate aen deen zyde ende Willem Tay erve aen
dander zyde. A Johan de Muysene filio quondam Johannes bastarden, Waranderende.
Op vier chysgulden, acht pondt payments ende seven scellinge groten
Brabants dair vutgaende
Assignavit XVIII Rynsgulden
supra tempore simile