Blader door transcripties » Stadsarchief Mechelen

archieftoegang 2, inventarisnummer 950, pagina 193

Katlyne vanden Dorpe
Keyenoege, Rode. Bartelmeus sBeren, ende Katheline sBrueders syn wyf
hebben vercocht Kathelinen vanden Dorpe wedue wylen Peters
Van Orssele, Een huys met eenen cleynen hove gronde etcetera gelegen
inde Coestrate tusschen Jan Crabbe erve aen deen zyde ende de
poirte ende plaetse van Meester Roelants Wyaerts huyse aen
dander zyde. A Domino Mechliniensi, Waranderende. Opte weerde van vyftien scellinge
groten Brabants gelts dair vutgaende, Ende op alsulken last dat
tselve huys metten selven cleynen hove altyt medepant syn ende
bliven sal, voir alle den chys gaende jaerlix vut des voerscreven stad
Crabbe huys ende Meester Roelants huysen voirgenoemt
Assignavit VI Rinsgulden erffelicx
den XXVI denier
II aprilis
Reyne Vrancx
Muysene, Lange, sevoor. Bartelmeus van Eyke, wettich soon van wylen
Willem van Eyke diemen heet Mast heeft openbairlic voir ons
vut synen vryen wille geconfirmeert gelaudeert geratificeert ende van
weerden gehouden, alsulken vercoep vander helft van eenen huyse
metten hove ende synen toebehoerten over de Tyechelen inde
Jan de
Ouden Moelenberch gelegen, als h tanderen tydest:t; tyden Te wetene
opten tweeden dach van Septembry lestleden Reyneren Vrancx gedaen
heeft, Ende oic tveerthien ende gelooften van wairscapen, den selve
Reyneren na vutwysen vanden scepenen brieve dair op gemaect, geschiet
Ende heeft dair toe de voergenoemde Bartelmeus gelooft dat hy dien vercocht
veerthien ende gelooften van wairscapen altyt voir hem syn hoir ende
nacomelingen, vast gestentich ende van goeder weerden houden sal ende
dair tegens nemmermeer doen seggen oft comen in gheender manieren
Alle argelist vutgescheiden, Ende dair voir heeft zy hem verbonden
ende te pande geset, alle syne haeffelike goeden waer die bevonden
zelen worden, die hy nu tertyt heeft ende hier namaels oic hebben
ende vercrigen sal
VIIa pris
Jan Smet
Lange toe, Lange, Vos. Margriete vander Beke wedue van wylen
Anselmus van Meerbeke cum tutore als een tochtenersse, Ende
Anselmus van Meerbeke haer soon als erfgenaem, hebben
vercocht Janne Smet Willenwevere, vier gouden Andries
gulden, elken van dien tot veertich groten Vlaems gelts gerekent
erffelix chys Te hebbene altyt tot Kersmisse, dairaff den
jersten dach van betalingen syn sal tot Kersmisse naestcomende
Op ende aen der voirgenoemde tochtenerssen ende erfgenaem, helft van
Eenen huyse oft woeningen metten hove bogaerde plaetsen
gronde ende allen anderen zinen toebehoerten, geheeten tHof van
Hofstaden, gelegen inde Vettersham ende Augustynstrate
opten hoeck van aender straten gaende ten Beerthoutshove
weert tusschen de selve strate aen deen zyde ende de
vutganck vanden huyse, dat den kynderen des heeren van Gaessele
toebehoert aen dander zyde, Ende op alle dander der selve
tochtenerssen ende erfgenaem erffelike goeden metten gronde etcetera
bynnen etcetera gelegen, Ende oic op alle haer haeffelike goeden van
die bevonden zelen worden, die sy nu tertyt hebben ende
XIa aprilis XVc Sint Pascha
De selve
hier namaels oic hebben ende verre erve. A Domino Mechliniensi, Waranderende.
Opte weerde van drie pond grote Brabants gelts ende op all
gouden Rynsgulden, vanden voerscreven pryse, die de voerscreven Jan
Smet, opte voerscreven goeden ende op dander helft vanden voerscreven
huyse de met synen voerscreven toebehoerten erffelic heeft ende
heft dair jaerlix voir vutgaende, met alsulker condicien
dat de voerscreven wedue ende haer soon, de voirgenoemde vier gouden Andries
gulden, met selen moegen lossen noch quiten, dat ten
Eynde vanden acht toecomende jaeren ende dat als elken gulden
dairaff met sestien geliker gouden Andries gulden van
alsulken pryse als sy nu ter tyt by onsen genadich heere, den
staten van synder genaden landen geordineert syn te ontfangen
Voirtaen hebben de voerscreven wedue ende haer soon gelooft, dat
sy, Vincent van Meerbeke haeren soon ende brueder als hij te
lande gecomen sal syn, alsulc ende in dien hebben zelen, dat
zy syn voerscreven helft vanden voerscreven huyse met synen voirscreven
toebehoerten mede te pande setten sal, voir de voergenoemde vier
gouden Andries gulden des voerscreven chys chys, sonder eenich
wederseggen, Ende dair voir hebben sy verbonden, alle haer
voerscreven haeffelike goeden
IX aprilis tempore simile
Pascha
Jan vander Aa
Cale, Keyenooghe. Heer Jacop de Moor diemen heet Inden Pallemboom priester
heeft bewesen Jan Barbier tot behoef van Janne vander Aa wylen
Gheerds vander Aa soon, Eenen gouden Leeuw Te wetene, tzestich
groten Vlaems voir dien gerekent erffelix chys Te heffene
altyt tot Kersmisse daer af den jersten ve termyn van betalinge
syn sal tot Kersmisse naestcomende, Op ende aen syn hoeve metten
hove landen beempden bosschen ende allen anderen jaeren toebehoerten
gelegen inde prochie van Hevere tusschen der weduen ende
kynderen erve van wylen Anthoenis van Heffene aen deen zyde
ende Willem de Weend erve aen dander zyde. A Domino Mechliniensi, Waranderende.
met alsulker condicien, dat de voerscreven heer Jacop den voerscreven gouden
Leeuw des voerscreven chys sal moegen lossen ende quiten altyt als hem
dat gelieven sal, met sestien geliken gouden Leeuwen ende met
vollen chyse
hic het locum contractus Johannes vander Straten ende post XXIII
Marty positus
Xa aprilis
es vander Beke
Yngelram, Cale. Sebastiaen vanden Venne, heeft vercocht Jaspar vander
Beke, Twee huysen metten gronde etcetera gelegen deen neven dandere
inde Nyeuwstrate opten hoeck van eenen cleynen straetken, tusschen
tselve straetken aen deen d zyde ende wylen Jans de Pape diemen
heet Kerstiaens erve aen dander zyde, streckende achterweerts tot
desselfs Sebastiaens ander erve aldair tyt selve straetken gelegen
A Domino Mechliniensi, Waranderende, die Rommond van Afscheyde gelooft heeft op
Sesse scellinge payments, dair vutgaende
Assignavit XXXII stuvers erffelicx
den XXVI denier
Aprilis tempore simile