Blader door transcripties » Stadsarchief Mechelen

archieftoegang 2, inventarisnummer 950, pagina 176

van Ysschot
Peter Dekens alias
Lange, Cale. De voergenoemde Aert Guedens ende Goedele sPoirters syn
wyf, hebben vercocht Peteren Annekens diemen heet van Yssche
tvoergenoemde huys met synen voerscreven toebehoerten, Ende tstuck lants
boven gescreven. A Domino Johanna vander Aa, Waranderende. Op vier
veertelen Rogs, vyf capuynen, Seven oude grote Turnoys
twee penningbroede, Eenen maeydach, ende twee pondt acht
scellinge payments, dair vutgaende
Assignavit IIII gulden erffelicx
XXVI denier
V novembry
Jan Myn heere
Keynoege, geheeten Jan Mutsaert ende Willem de Neve van des vaders
Henrick vander Moelen ende Yngelbrecht vander Schellen vander moeder
wegen, als momboeren ende inden name van Janne Mutsaerts wylen
Jacop Mutsaerts ende wylen Gheertruyden Denys syns wyfs soon
die infra annos, die zy in hen vervingen, hebben Quytgaende
los vriede
Janne Myn heere den jongen ende alst:t; van allen den haeffelike
die de hem byder doot vander voerscreven Gheertruyt synder moeder
des voerscreven Jans Myns hueren wyf doen zy leefde in eeniger
manieren, toecomen gebleven ende verstorven zyn ende alle andere die
quitancie behoeven, geheelic ende al
VII January
Adriaen de Hondt, heeft voir ons bekent, dat
gehadt ende ontfangen heeft van Margrieten van Belle weduen
wylen Wouteren tSermertens, de somme van viventwintich gouden
Rynsgulden ende eenen halven, elken van dien tot veertich groten Vlaems
gelts gerekent ende vier der geliker groten, als voir de lossen
ende afquitinge van acht scellinge grote Brabants van alsulken
drientwintich gelike scellinge grote Brabants erffelix chys, de
hij heeft Op ende aen der voerscreven weduen tSermartens ende haer
twee
kynderen huyse metten hoven gronde etcetera gelegen deen neven dan
inde Yuedestrate opten hoeck vanden Stoefstraetken aldair van
welken viventwintich Rynsgulden ende eenen halven ende vier groten
vanden voerscreven pryse ende oic vanden voerscreven acht scellingen groten Braban
des voerscreven chys, heeft de voirgenoemde Adriaen de Honde Quytgaende
los vry ende ledich, der voergenoemde weduen, haer voirgenoemde twee
ende alle andere dies quitancie behoeven, geheelic ende al
Assignavit den XXVI denier
t recht
Peter Nys
zy
Cale, Rode. Jan van Culixrode, heeft bekent dat hy gehadt
ontfangen heeft van Peteren Nys, de somme van veerthien groten Brabants
gelts als voir de lossinge ende afquitinge van vier veertelen Rogs
goedingechelscher maten erfpachts, die hy de voerscreven Jan hadde Op
huys metter schueren hove gronde etcetera den selven Peteren toebehoeren
gelegen buyten der Oversterpoirten inde Broeckstrate van wel
sommen van veerthien pondt der voerscreven groten ende oic vanden voerscreven
vier veertelen Rogs des voerscreven pachts, heeft de voirscreven hy
Culixrode, Quytgesconden los vry ende ledich, den voerscreven Peter
van toebehoeren
Nys syn voirscreven huys ende alle andere dies quitancie behoeven
ende al
Assignavit XIIII Rinsgulden
XX
sloot de Poirte
Rode, Geylen. Jan Masman diemen heet vanden waer, heeft vercocht
Lanseloet de Poirtere, Sesse gouden Rynsgulden elken van dien tot
inderen halven
veertich groten Vlaems gelts gerekent erffelix chys Te heffene altyt
huysen metten hoven gronde ende anderen hueren toebehoerten, gelegen
tot Kersmisse Op ende aen des voerscreven Jans vanden Watere, Seven
deen neven dandere buyten der Hanswycpoirten inde Rechtstrate
tusschen een cleyn straetken, geheeten straetken van Waes aen
deen zyde ende Rommond Bellens erve aen dander zyde. A Domino Johanne
vander Aa, Waranderende. Op Seven ende eenen halven gulden vanden voerscreven
pryse dair jaerlix voir vutgaende
Assignavit den XVI denier
VII January tempore simile
Symon Huens
Rode, Gheylinck. Katheline Quisthouts wedue van wylen Gielis de Vos
heeft openbairlic voir ons bekent dat zy gehadt ende ontfangen heeft
van Symoen Huens den jongen, de somme van hondert ende thien
gouden Rynsgulden elken van dien tot veertich groten Vlaems gelts
gerekent, die de selve Symoen, den voergenoemde wylen Gielis de Vos vanderen
tyde bekent heeft tot zekeren termine te betalen, van welker sommen van
hondert ende thien gouden Rynsgulden vanden selven pryse, heeft de
voerscreven Katheline de wedue Quytgesconden los vry ende ledich den
voirscreven Symon Huens ende alle andere dies quitancie behoeven geheele ende al
ut supra
Clemmens alias
Herman
Borch, Lange, Junior, Lysbeth van Ghiele wedue van wylen Willem Bercman
ende Henrick Meerman, wettich soon van Henricken Meerman ende van
Beatris van Ghele synen wive ende der voerscreven Lysbetten zuster
hebben Quytgesconden los vry ende ledich, Gielis Lemmens diemen
hiet Wageman van allen den haeffeliken ende beruerliken goeden
die den selven Lysbetten ende Henricken, byder doot van wylen Magriete
van Ghele der selver Lysbetten zuster, desselfs Henrix moeyen ende
des voerscreven Gielis Lemmens wyf doen zy leefde in eeniger manieren
gebleven ende verstorven moegen zyn ende die zy henlieden met
haeren testamente tanderen tyden gemaect ende gelaten heeft ende alle
andere dies quitancie behoeven, geheelic ende al
anuary tempore simile
Boeyenhals
Keynoege, Rode, Jaspar Boeyenhals ende Katheline Strekens zyn wyf
hebben Terve gegeven Janne Boeyenhals haeren sone, Een huys met
eender plaetsen ende eenen wege neven tselve huys liggende ende oic metten
gronde etcetera gelegen inde Coestrate tusschen wylen Machiels vander
Heyden erve dat nu Joes Vrancx toebehoirt, aen deen zyde ende
wylen Henrix van Haenwych erve, dat nu den selven Janne toebehoirt
aen dander zyde. A Conventu de Lelyendale, Te besittene, op eenen
jaerliken ende erffeliken chys van elf gouden Rynsgulden, elken van
dien tot veertich groten Vlaems gelts gerekent, Ende die te betalene
altyt tot Sinte Jansmisse, dair af den jersten termyn van betalingen
syn sal tot Sinte Jansmisse naestcomende, Ende opten voirchys van
thien pondt payments daer vutgaende, met condicien, dat dat
voerscreven Jan Boeyenhals sal moegen lossen ende quiten, de voerscreven elff
Rynsgulden des voerscreven chys in deser manieren, Te wetene, de
Twee dairaf, naer de doot vanden ghenen ierst stervende vanden