Blader door transcripties » Stadsarchief Mechelen

archieftoegang 2, inventarisnummer 950, pagina 17

Jan Ambachts
syn zuster
Borch, Voesdonck. Jan van Boxthuyne wylen Jans van Boxthuyne
soon heeft vercocht Janne Ambacht ende Kathelinen ambachts
synder zuster tot haeren live ende tot des langhstlevende live van
hen beyden twee gouden Peters de wetene sessendertich groten
Vlaems gelts voir elken van dien gerekent jaerliker lyfpensien
Te heffene altyt opten jersten dach van meerte Op ende aen
des voerscreven Jans van Boxthuyne stuck lants metten gronde etcetera houdende
omtrent een half buender gelegen tot Heffene op acht Hofacker
tusschen de voerscreven kynderen ambachts erve aen deen zyde ende
wylen Jacop Eynaerts kynderen erve aen dander zyde, Op een halve
veertele ervenen ende eenen Turnoyse dair jaerlix voir vutgaende
Ende op syn stuck beempts metten gronde etcetera houdende omtrent een
half vierendeel gelegen aldair in Nederbroeck tusschen Anthonis
de Borger erve aen deen zyde ende Jan Bogaerts erve aen dander
zyde, sonder eenigen last van chyse dair jaerlix voer vuyte. A Domino Mechliniensi,
en behoudelic dien dat de voerscreven Katheline levabit et inde disponet
met alsulker condicien, dat de voerscreven Jan van Boxthuyne, sal
mogen lossen ende quiten altyt als hem dat gelieven sal de voergenoemde
twee gouden Peters der voerscreven lyfpensien met twintich der
selver Peters eens ende met volder lyfpensien
Lange, Borch
hebben bewesen
gouden Peters
van dien gelts
prima marty
Jan vander Bossche
Lange, Borch. Jan vanden Bossche ende Katheline Cottens syn wyf
tot synen live
hy hebben bewesen Janne vanden Bossche haeren wettigen soone achtien
gouden Peters de wetene sessendertich groten Vlaems gelts voir elken
van dien gerekent jaerliker lyfpensien Te heffene altyt tot Sint
Jansmisse ende tot Kersmisse op ende aen haere twee huysen metten
gronde etcetera geheeten den Groten ende cleynen Sleutel gelegen deen
neven dandere opte Hoochstrate tusschen wylen Jans van
Oeyenbrugge erve aen deen zyde ende Jans vanden Bloke erve
aen dander zyde. A Domino Mechliniensi, Waranderende. Opte weerde van dertich
scellinge groten Brabants gelts dair jaerlix voir vutgaende
Smet
Margriete Grymmaers Diericx dochter cum tutore heeft vercocht
Gheerde vanden Eynde wylen Gheerds sone, Een huys metten hove gronde etcetera
gelegen buyten de Bruesselpoirten inde Rechtstrate tusschen een huys
de kerke geheeten toebehoerende der weduen ende kynderen van wylen Janne
de Vos aen deen zyde ende Peter Gheylens erve aen dander zyde, A benefic de
Zellaer, Waranderende. Op drie chysgulden ende vivennegentich scellinge
payments dair vutgaende
Assignavit XXX Peters eens
ende syn wyf
Laureys van Polle
Borch, Vos. Lanseloet de Poirtere heeft vercocht Laureys
van Pollaer ende Kathelynen Marssie synen wive, Een huys
metten hove gronde etcetera gelegen inde Knevelstrate in Onser
Vrouwen prochie, tusschen desselfs Laureys ander erve aen
deen zyde ende Joes van Beneden erve aen dander zyde. A Domino Mechliniensi,
Waranderende op derthien groote ende acht myten Brabants daer vutgaende
Assignavit XXVIII Rinsgulden
VI tempre simile
Jan Ghys ende syn
wyf
Lange, Borch. Jan Ghys ende Lysbeth Hoeymaers syn wyf
seggende dat sy gheen wettige kynderen en hadden ende
hebben daer om voir ons gewilt ende openbaerlic geordineert
dat de langhstlevende van hen beyden, soe lange die alsdan leven
sal paysselic ende vredelic sal gebruyken alle der haeffeliker ende
erffeliker goeden bynnen der stad ende vryheit van Mechelen
wesende ende gelegen, die sy nu tertyt tsamenst:t; hebben ende
tsamen
namaels oic hebben ende vercrigen zelen. Behoudelic dien dat
alle de voirgenoemde goeden na des langhstlevende doot vanden voerscreven
Janne ende synen wive blivende toecomen ende verstorven zelen
haeren gerechten erfgenamen dien die goeden naden rechte vander
selver stad sculdich zelen syn toe te comen ende te versterven
haeren
oft den ghenen dien sy deselve goeden samentlic met testamenten
oft anderssins geven ende maken zelen, welke ordinancie wy ende
oic Aert van Diest. Jan vander Hoeven, Jan vander Hulst Reynout Keynooge ende Gielis de Vos
onse medescepen, by crachte vanden statute tanderen tyden, dair
op gemaect geconfirmeert ende geapprobeert hebben ende by onser
oudermoeder macht confirmeren ende approberen alle argelist vutgesceyden
IX marty
Lysbeth vander Hoeven
Hulst, Vos. Meester Jan Boots capuyn heeft verreyct tot behoef
van Lysbetten vander Hoeven syns wyfs vier vier sestedeele van
eenen huyse metten hove gronde etcetera dat toebehoerde, Kathelinen van
actie gelegen Monser Vrouwenstrate tusschen
Expedita et
XIII tempore simile