Blader door transcripties » Stadsarchief Mechelen

archieftoegang 2, inventarisnummer 950, pagina 158

Jacop van Axele
kynderen erve van wylen Janne Loys aen dander zyde streckende
achterweerts tot Jan Goessant erve. Ab Anthonio de Oeyenbrugge
Te besittene, Op eenen jairliken chys van elff gouden Ryns
gulden, elken van dien tot veertich groten Vlaems gelts gerekent, Ende
die te betalene altyt tot Sinte Jansmisse dairaf den jersten
termyn van betalingen syn sal tot Sinte Jansmisse naestcomende
Ende opten voirchys van Twee capuynen, twee scellinge Loevens
Sesse pond payments, drie chysgulden des
dair vutgaende, met alsulker condicien, dat
de voerscreven Jacop sal mogen lossen ende quiten altyt als hem dat
gelieven sal, de voerscreven elf Rynsgulden des voerscreven chys
met drie gulden te male ende elken en van dien, met sesse
geliker gulden ende met vollen chyse
XXIII augusty
de
Mathys van Beringen
Oeyenbrugge, Rode. Valentyn de Gorttere, heeft vut zaken van wysselinge
voir een ander erve inde Nokerstrate gelegen, Opgedragen tot behoef
van Mathys van Benignen, Een huys met eender hofstad ende oic metten
hove gronde etcetera gelegen inde Zeelstrate tusschen Jan Zegers erve
aen deen zyde ende Pauwels vander Donct erve aen dander zyde
A Domino Mechliniensi, Waranderende. Op eenen capuyn eenen scelling Loevens ende neghen
pond payments, dair vutgaende
ultima augusti
Valentyn de Gorttere
Keyenoege, Heyen, de voerscreven Mathys van Beringen, heeft oic vut haeren
van wisselingen voir een erve endest:t; huys inde Zeelstrate gelegen
Opgedragen tot behoef vanden voerscreven Valentyn de Gorttere, Een
huys metten hove gronde etcetera gelegen inde Nokerstrate tusschen
des gasthuys erve vander Heyliger Drievuldicheit by Sinte Katheline
poirte, aen deen zyde ende Jan Godevaerts erve aen dander zyde
A Johannes de Muysene, filio quondam Johannes bastarde, Waranderende. Op vyf scellinge
vier penninge ende eenen helling groten Brabants gelts, daer vutgaende
XXVIII augusty
Jan van Hoevorst
borch lange, Jacop Loot ende Remeyn van Hoevorst van svaders wegen
ende Gielis de Blaeuwe ende Daneel Snellinck vander moeder wegen
als momboeren ende inden name van Machielen Philips Jehannen Denyse
Lysbeth, Margrieten ende Kathelinen van Hoevorst Jans van Hoevorst
kynderen infra annos etcetera, die sy in hen vervingen, hebben quytgesconden
los vry ende ledich, den selven Janne van Hoevorst van allen den haeffelike
goeden die henliedest:t;, den selven kynderen byder doot van wylen Janne
Belianen haer moeder, die wyf was doen zy leefde, desselfs Jans haers
vader in eeniger manieren gebleven ende verstorven mogen syn, ende alle
andere dies quitancie behoeven
partu
Item. De voirgenoemde Jan van Hoevorst dat de voirscreven momboeren
totter voirscreven kynderen behoef, Seven pond groten Brabants gelts Te betalen
Libery Johannes van
Hoevorst
vanden voirscreven Comman
den voerscreven kynderen elken van hen voir syn gedeelte, soe wanneer
hy gecomen syn sal tot synen jaeren van discrecien, Ende soe lange
heeft de selve Jan gelooft alle de selve syne kynderen met hem
bynnen synen huyse te houden syn hen eten drincken cleederen ende schoenen
ende alle andere haer nootdorsten hen behoevende te geven ende te ver eenen
sonder eenich wederseggen ende sonder mindernisse der selver scult
Ende om der meerder zekerheit den selven synen kynderen vander
voerscreven scult ende oic van des voerscreven staet te doene, Soe heeft hy
dair voir verbonden, alle syne haeffelike goeden waer die bevonden
zelen worden, die hy nu ter tyt heeft en hiernamaels oic
hebben ende vercrigen sal
ut supra
Jan van Hoevorst
vorch lange in de voirgenoemde momboeren inden name vanden voerscreven kynderen
hebben geconsenteert ende gewillekeurt dat de voergenoemde Jan van
Hoevorst de vader sal gebruyken ende inne heffene, alle alsulken
erffelike ende onberuerlike goeden ende oic de renten ende pachter
bosschen ende andere goeden bynnen ende buyten der stad ende vryheit van
Mechelen gelegen als den selven kynderen byder doot vander voergenoemde
Jehannen haer moeder toecomen ende verstorven, toter tyt toe dat
elc vanden selven kynderen gecomen sal syn tot synen jaeren van discrecien
Behoudelic, dat soe wanneer eenich vanden selven kynderen, totten
selven synen jaeren van discrecien gecomen es, dat hy alsdan dien
kynde overgeven ende bewysen sal, syn gedeelte van allen den
selven goeden, behoudelic oic oft gebeurde, dat de selve Jan van
Hoevorst voir hier ende bynnen ver huwende ende een wyf trouweede
die eenige van synen voirscreven kynderen met ender manieren belasten
woude, alsoe dat dat die met haer met conste gewoenen
gewarie
ende de voerscreven momboeren dairaff wettelikest:t; Kermisse hadde, dat
in dien gevalle, de voerscreven Jan de vader van dien scheyden sal
hem overgevende syn ende den voerscreven momboeren overgeven, om
tselve kint te bestaden, ten coste ende ten laste vanden selven Janne
voir haeren
den vader, die nochten de voergenoemde vruchten vanden gedeelte van dien
kynde behouden ende gebruyken sal
ut supra tempre simile
Hubrecht Ryps wylen Lodewycx soon, heeft vercocht
heer Janne vanden Bossche priester, Tderdedeel van Eenen huyse de
Mane geheeten metten hove borreputte gronde etcetera gelegen inde
Aedegheemstrate tusschen Jans st:t; van Ghele erve aen deen
zyde ende wylen Henricx de Cale erve aen dander zyde. A Domino Mechliniensi,
Waranderende. Op Sesse gouden Peters elken van dien tot sessendertich
groten Vlaems gelts gerekent, vuten voerscreven geheelen huyse jaerlicx
gaende
Assign