Blader door transcripties » Stadsarchief Mechelen

archieftoegang 2, inventarisnummer 950, pagina 157

Jan Hemele et uxore
Lange roeder Jacop vanden leene, heeft vercocht Janne Hemelyns
Een huys tot synen ende Adelyen sHantzitters syns wyfs behoef
Een huys met eenen grooten hove gronde etcetera gelegen opte Veemarct
tusschen Jans vanden Dorpe erve aen deen zyde ende Henrick de Moer
erve aen dander zyde, streckende achterweerts den voerscreven hof met
eender poirten tot opte Hergracht, A Domino Mechliniensi, Waranderende. Op een
gouden Rynsgulden, elken van dien tot veertich groten Vlaems gelts
gerekent dair vutgaende, Ende op alsulken last dat tselve
huys metten hove onderpant es ende bliven sal, voir thien geliken
Rynsgulden vanden voerscreven pryse vut des voerscreven Jacops huyse
tGuldenhoot geheeten op aldaer by Sinte Loys Capelle gelegen
jaerlix gaende
Assignavit X Rinsgulden
XI ut tempre simile
Henrick Huyghs
Lange dair moeder Andries Huyghs, heeft vercocht Henricken Huyghs syn
Neve vyf gouden Rynsgulden ende eenen halven, elken van dien
tot veertich groten Vlaems gelts gerekent, erffelix chys, Te heffene
altyt opten tweentwintichsten dach van Augusto, Op ende aen
des voerscreven Andries huys metten gronde etcetera gelegen opte Mylane opte
hoeck vander Molenstraten, tusschen de selve strate aen deen zyde
ende Jans vanden Damme diemen heet van Beneden erve, aen dander
zyde, streckende achterweerts met eenen anderen huyse tot inde voerscreven
Molenstrate tusschen tselve jerste huys aen deen zyde ende des
voirscreven Jans vanden Damme erve voirscreven aen dander zyde. A Johanne
de Muysene filio quondam Johannes Bastarde, Waranderende. Op eenen capuyn
dair voir vutgaende
Assignavit den XI denier
XXIII augusty
Heer Jan vanden Bossche
priester
Lange, Junio, Rode, Gheerd Mompelier ende Andries Herregot van deen
vaders wegen ende Jan Gheylen ende Hubrecht Ryps vander moeder
wegen, als momboren ende inden name van Lysbetten Boeyenants
Jan Boeyenants, ende wylen Barblen Ryps syns wyfs dochter
infra annos etcetera die sy in hen vervingen, hebben vercocht
heeren Janne vanden Bossche priester, Tderdendeel, dat sy
hadde ende dat haer byder doot van wylen Lodewycken Ryns
haeren goeyheere gebleven ende verstorven is, in Een huys endest:t;
de Mane geheeten metten hove etst:t; borreputte gronde etcetera
gelegen inde Aedegemstrate gele tusschen Jans van Ghele
erve, aen deen zyde ende wylen Henricx de Cale erve aen
dander zyde, in alle daest:t; A Domino Mechliniensi, Waranderende. Op sesse
sessendertich
gouden Peters elken van dien tot ve groten Vlaems
gelts gerekent, vuten voirscreven geheelen huyse daer jaerlix gaende
Assignavit IIII gulden erfelicx
den XXVI denier
XXVIIIst:t;
Jan vander Donct
Muysene, Keynooge, Jacop de Scheppere, heeft vercocht Janne vander Donct
vier scellinge ende vueghen penninge groten Brabants gelts erffelix chys
die hy hadde Op e desselfs Jans twee huysen, dat een wyve is
metten hove gronde etcetera gelegen inde Molenstrate tusschen wylen
heeren Peters Rycke priesters erve aen deen zyde ende der weduen ende
kynderen erve van wylen Willem vander Nuwermoelen, aen dander
zyde. A Domino Mechliniensi, Waranderende etcetera.
Assignavit den XVI denier
XXVIIaaugusty
poorte
heere Jan van Halle priester, heeft vercocht Peter
Haeschman, drie veertelen Rogs goede etcetera Mechelscher maten erffelicx
pachts die hy hadde op desselfs Peters huys metten hove duyfhuyse
dair op staende ende oic metten gronde etcetera houdende omtrent een half
buender gelegen tot Hombeke inde Werffelstrate tusschen tot aen
deen zyde ende sHeeren strate aldair aen dander, Ende op syn huys
metten hove gronde etcetera gelegen in Sinte Kathelinen strate tusschen
Rommond Pomperlincx erve aen deen zyde ende Jans vander Moelen erve aen
dander zyde. A Domino Mechliniensi, Waranderende etcetera.
Assignavit nulla
Zeger Ferman
Rode, Gheylen, Wouter van Floerssem beyder, heeft vercocht Zegeren Ferman
drie gouden Rynsgulden, elken van dien tot veertich groten Vlaems gelts gerekent
erffelix chys, die hy hadde ende d hem byder doot van wylen jouffrou
Kathelinen van Floerssem beghinen synder zuster gebleven ende verstorven
zyn, Op des voerscreven Zeghers huys metten hove gronde etcetera gelegen
inde Aedegheemstrate tusschen heer Philips Kerman Ridders erve
aen deen zyde ende Jans vander Meere erve aen dander zyde
A Domino Mechliniensi, Waranderende etcetera.
Assignavit den XXVI denier
XXVIII augusty
Jan vander Hoeven
Item. Jouffrou Lysbeth van Steynemoelen met Peter Boots hueren
man, heeft vercocht Jan vander Hoeven, achtien gouden Rynsgulden
elken van dien tot veertich groten Vlaems gelts gerekent erffelix chys
die zy hadde Op des voerscreven Jans huys oft woeninge, tHoefyser
geheeten metten plaetsen hoven stallen, ende anderen huysen dair by ende achter
staende ende oic metten gronde etcetera gelegen over de Corenmarct ende hof
Hooghstrate tusschen een erve geheeten den Bruynenbaert, Janne Crabbe
barbier toebehoerende aen deen zyde ende Jans vanden Venne plattynmakers
erve aen dander zyde streckende achterweerts met eender poirten tot
opten Gansdrechs ende oic met drie anderen huysen, tot inde Penningstrate
A Domin Mechliniensi, Waranderende etcetera.
Assignavit den XXVI denier
supra tempore simile
Keynoege, Gheylen, Marten Scals diemen heet Daneels heeft Terve
gegeven, Jacoppen van Axele den jongen, Een huys den Witten Hert
geheeten metten hove ende met eenen anderen huyse int eynde vander
selven hove liggende ende oic metten gronde etcetera gelegen in Onser
Vrouwenstrate tusschen Peter Ghysbrechts erve aen deen zyde ende der