Blader door transcripties » Stadsarchief Mechelen

archieftoegang 2, inventarisnummer 950, pagina 15

deselve
van Velthoven, thien scellinge oude grooten Turnoysen de wetene
der selver heer
driendertich groten Brabants gelts voir elken scellingen gerekent
jaerliker ende erffeliker renten, die sy hadden opte stad van Mechelen
ende hen byder doot van wylen Kathelinen tSermartens haerlieder
moeder toecomen ende verstorven syn jaerlix tot twee termynen vallende
ende verschinende, Te wetene deen helft dairaf opten sevenentwintichsten
dach van meerte ende dander helft opten sevenentwintichsten dach van
septembry gelyc den brief dair af gemaect ende bezegelt metten groten
zegel vander voerscreven stad dat clairliker vutwyst ende begrepen heeft
welke erffeliker renten de voirgenoemde vercoopers met alle den rechte dat
sy dair aen hadden puerlic tot behoef vander voerscreven weduen vertegen
tot desen
hebben promittens, Waranderende etcetera. Ende hier inne heeft Henrick de Lange
selve
een der rentmeesteren vander voerscreven stad, behoudelic der voerscreven stad
he inne haeren rechte syn consent gegeven
Jan
de wedue wylen
Gielis Cluppel
Lange, Keynooge, Machiel Cluppel ende Peter Cluppel syn brueder van svaders
wegen ende Jan Daems ende Peter Thys vander moeder wegen als momboiren
van ende inden name van Machiel, Janne, Gielise ende Rommonde Clippel wylen
Gielis kynderen inden name vanden selven kynderen infra annos etcetera hebben
quytgesconden los vry ende ledich, Lysbetten Thys wedue des voerscreven wylen
Gielis Cappels ende moeder vanden selven kynderen van allen den haeffeliken
goeden die hen byder doot vanden voergenoemde wylen Gielis haeren vader
die man was doen hy leefde vanden voerscreven Lysbetten der weduen in
eeniger manieren toecomen ende verstorven syn en alle andere dies quitancie
behoeven geheelic ende al
X January tempore simile
De kynderen wyf
Gielis Cluppels
Item. De voirgenoemde wedue dat den voergenoemde momboren tot behoef vanden
voirgenoemde kynderen sesthien pont groten Brabants gelts Te betalene eenenyegeliken
vanden selven kynderen voir syn gedeelte vander voerscreven sommen soe wanneer
elc van hen tot synen jaeren van discrecien gecomen sal syn. A Dominc
Ende soe lange heeft de voergenoemde wedue gelooft de voergenoemde haer kynderen met
haer bynnen haeren huyse te houdene ende hen ende elken van hen te geven
ende te verleenen eten drincken cleren ende schoenen ende andere haere
nootdorsten tot haeren behoeften diemen ende hen oic ambachten te
doen leeren hen orboirlic synde sonder mindernisse vander voerscreven sommen
oft eenich wederseggen, Ende om der meerder zekerheit den voerscreven ho
haeren kynderen vander betalingen der voerscreven scult ende vanden anderen
gelooften boven gereet te doene, Soe heeft de selve wedue den
voerscreven momboiren, tot behoef vanden selven kynderen dair voir
ende tonderpande geset
verbonden alle haer haeffelike goeden waer die bevonden zelen
worden die sy nu ter tyt heeft ende hier namaels oic hebben ende
vercrigen sal
ut supra tempre simile
^
Henrick Ryelens
alias Boys ende syn
wyf
Corteryke, Vos. Jan Papelere heeft opgedragen ende overgegeven tot
behoef van Henrick Ryelman diemen heet Boys ende Margrieten
vander Beke syns wyfs, Een huys metten hove gronde etcetera gele dat
tanderen tyden den selven Henricken toebehoert heeft gelegen buyten
der Aedegheempoirten inde Rechtstrate tusschen desselfs Henricx ende
syns wyfs ander erve oft ganck aen deen zyde ende Jan Arens diemen
heet Spierinck erve aen dander zyde streckende achterweerts tot des
selfs Henrix ende syns wyfs ander grooten hove. A monialibus
Waranderende etcetera Jacop van Oprode tot behoef vanden voerscreven Henricken ende
syns wyfs fuit adheridatus
XXIIII January
Jan van Haselden
ende syn wyf
tot behoef van Janne van Haseldonck diemen heet Cleerken ende
Item. De voergenoemde Jan Papelere heeft opgedragen ende overgegeven
Kathelinen van Steynemoelen syns wyfs eenen hof metten gronde etcetera
gelegen buyten der Aedegheempoirten indest:t; in een cleyn straetken
achter tgoidshuys van Bethanien, tusschen desselfs Jans van
Haseldonck erven aen beyde zyden. A Monialibus, Waranderende. Op sesthien
scellinge Loevens dair vutgaende
ut supra tempore simile
Jacop de Borger
die syn wyf
Lange, Vos. Jan Rabboots heeft vercocht Jacop de Borgere tot
synen behoef ende oic tot behoef van Margrieten Persoens syns
wyfs vier gouden Peters elken van dien tot sessendertich
groten Vlaems gelts gerekent, Ende vier gouden Rynsgulden
elken van dien tot veertich der selver groten Vlaems gelts gerekent
erffelix chys die de voerscreven Jan Rabboots hadde, op ende aen alle
de erffelike ende omberuerlike goeden metten gronde etceterast:t; den voerscreven
Jacop ende synde wive toehoerende bynnen etcetera, de helft van eenen
huyse de Borse geheeten metter plaetsen gronde etcetera die toe te
behoeren plach wylen Adriaen Persoens ende nu den voerscreven Jacoppen
ende Margrieten synen wive toehoerende gelegen achter tvleeschuys
van Mechelen opten hoeck vander jerster Vleeschouwerstraten
tusschen de selve aen deen zyde ende thuys Sinte Marien geheeten
aen dander zyde, Ende op ende aenst:t; alle de erffelike ende onberuerlike
goeden metten gronde etcetera bynenst:t; den voerscreven man ende wyf toebehoerende
bynnen etcetera gelegen. A Domino Mechliniensi, Waranderende etcetera.
Assignavit den XXVI denier
XXI January tempore simile