Blader door transcripties » Stadsarchief Mechelen

archieftoegang 2, inventarisnummer 950, pagina 149

metten gronde etcetera bynnen etcetera gelegen, die hy nu heeft ende hier
namaels oic hebben ende vercrigen sal. A Domino Mechliniensi, Waranderende etcetera. Met
alsulker condicien dat de voerscreven Jan van Cortryke sal mogen
lossen ende quiten altyt als hem dat gelieven sal, de voirgenoemde
vyf gouden Peters der voerscreven lyfrenten ende elken Peter
dairaff met thien geliker st:t; Peters ende met voller renten
VII tempore simile
Heer Gielis Willems priester beneficiaet van Zellaer
in Sinte Rommonts kerken, heeft Terve gegeven, Jehannen Pauwels
weduen van wylen Cluwaert Boykens, Een huys met eender
cleynder plaetsen gronde etcetera gelegen inden Nieuwen Bruel, tusschen
der capellen van Sinte Barblen huysen aen beyde zyden. A Domino Mechliniensi, te
besittene op eenen jaerliken ende erffeliken chys van sesthien
scellingen de ende drie penningen groten Brabants gelts, Ende die te
betalene, altyt tot Sinte Jansmisse, Ende opten voirchys van
drie chysgulden ende van vyf scellinge der voirgenoemde groten Brabants
dair jaerlix vutgaende, metten alsulker condicien, dat de voerscreven
Jehanne sal moegen lossen ende quiten altyt als haer dat gelieven
sal, de voergenoemde sesthien scellinge ende drie penninge der selver
groten ende elken penninge dairaff met sesthien geliker penningen
eens met vollen chyse
Peter van Steynemoelen
Lange, Rode, Wouter Faes Cleermakere heeft vercocht Peteren van Steyne
onsen medescepenen, drie gouden Rynsgulden, elken van dien tot veertien
groten Vlaems gelts gerekent erffelix chys, Te heffene altyt opten
sevenden dach van julio, Op ende aen des voirscreven Wouters huys metten
hove gronde etcetera Brandenborch geheeten, gelegen in Sinte Katheline
strate, tusschen thuys de Roose geheeten toebehoerende, Lysbetten van
Grympen aen deen zyde ende Claes Ghysels erve aen dander zyde
comende achterweerts met eenen anderen huyse, tot in een cleyn strate
tGruenendal geheeten ende totten vlyete toe aldair. A Beato Rumoldo, Waranderende.
Op dertich scellinge Loevens, twee pond thien scellinge payments
sessentwintich scellinge ende neghen penninge groten Brabants gelts ende
drie gelike gouden Rynsgulden vanden voerscreven pryse, dair jaerlicx
voir vutgaende, met condicien, dat de voirscreven Wouter Faes den voirscreven
chys niet en sal mogen quyten voir de loste vier haven geleden
synde ende alsdan met vollen chyse, ende den penninge vanden
sestien geliker penningen
van
VII Juny
Pauwels vander Donc
Yngelram, Rode, Alexander vanden Heykene, die inde lyfrente hier naer bescreven
syn disposicie heeft, heeft inden van hen selven ende oic inden name
van Matheuse ende Aerde vanden Heykene synen kynderen bekenst:t; die hy in
hem vervinge bekent gehadt ende ontfangen te hebbene van Pauwel
vander Donct, de somme van Twintich gouden Peters elken van
dien tot sessendertich groten Vlaems gelts gerekent, als voir de lossinge
ende afquitinge van twee gelike Peters jairliker lyfrenten, die
de voerscreven Pauwels ende wylen Margriete vanden Woelputte syn wyf
den voirgenoemde Alexander tot behoef ende ten live van synen voirgenoemde kynderen
ende vanden langhstlevende van hen beyden vercocht hebben, Op alle haer
erffelike goeden bynnen etcetera gelegen, Ende van dier sommen ende oic vander
voirgenoemde lyfrenten, heeft de voerscreven Alexander inden name van synen voirscreven
kynderen Quytgesconden los vry ende ledich, den voirscreven Pauwelsen ende
syn wive alle haer voirgenoemde goeden ende alle andere dies quitancie behoeven
geheelic ende al
VII July tempore simile
Meester Roelant Raduwe
Yngelram, Rode, Jan Mol, heeft vercocht den voeren
Meester Roeland Raduwaerts, vier chysgulden erffelicx
chys die hy hadde op des voerscreven Meester Roelands huys
metten hove gronde gelegen in Sinte Kathelinen strate
opten hoeck vanden Heembempt, tusschen den selven Heembempt
aen deen zyde ende Rommond Rabboots huys, aen dander
zyde, Ende op zekere andere erven, Pauwels vander Donct
toebehoerende, metten gronde etcetera. A Domino Mechliniensi, Waranderende.
ut tempore simile
Aert Preman
Yngelram, Roebosch, Remeys de Vos heeft vercocht Aerde Perremans, Twee
gouden Rynsgulden elken van dien tot veertich groten Vlaems gelts
gerekent erffelix chys, die hy hadde, Op des voerscreven Aerts huys metten
hove gronde etcetera gelegen opte Hoochstrate tusschen der weduen ende
kynderen erve van wylen Peteren van Coele aen deen zyde ende Joes de Smet
erve aen dander zyde. A Domino Mechliniensi, Waranderende etcetera.
Assignavit den XXIIIst:t; la
X July tempore simile
Claes vanden Rode
Item. De voirscreven Remeys heeft vercocht Claese vanden Rode
Twee gouden Rynsgulden, elken van dien tot veertich groten Vlaems
gelts gerekent erffelix chys, die hy hadde Op desselfs Claes stuck
lants metten gronde etcetera gelegen buyten der Hanswycpoirten tusschen
Coenraerts Smetsers erve aen deen zyde ende wylen Jan sCuypers erve aen
dander zyde, Ende op desselfs Claes stuck lants met eenen huyse dair
op staende ende oic metten gronde etcetera gelegen buyten dOverstepoirte byde
Leemputten aldair tusschen sHeeren strate aen deen zyde ende Anthoenis
Dekens erve aen dander zyde. A Domino Mechliniensi, Waranderende etcetera.
Assignavit den XVIIst:t; al
ut supra
hic heelic contractu de Machtilde ghoten
post XXa july positus
Heer Jan van Halle prise
Ingelram, Coesaert. Jan de Porttere wylen Gheelen de Peystere sone ende
Lysbeth de Peystere syn zuster met Peteren vander Moelen haeren man hebben
by consente ende bywesene van Thoryen sVoesters haere moeder, hebben
vercocht heer Janne van Halle priester, Twee gouden Rynsgulden
elken van dien tot veertich groten Vlaems gelts gerekent erffelix chys
Te heffene altyt tot Sinte Jansmisse Op ende aen der voerscreven Jans ende
Lysbetten de Perstere huys metten hove gronde etcetera gelegen inde Naustrate