Blader door transcripties » Stadsarchief Mechelen

archieftoegang 2, inventarisnummer 950, pagina 145

Laureys ende Katlyne Peeten
ende verstorven syn ende dat eenyegelyc van hen, syn deel ende part
dair af gehadt ende ontfangen heeft, Ende hebben dair om de
voirgenoemde Laureys ende Katheline syn zuster by haers voirgenoemde man
consente Quytgesconden malcanderen los vry ende ledich van allen
den selven goeden, Gelovende mede, de selve Laureys ende Katheline
met haeren voerscreven man, oft gebeurde, dat Katheline Yuetens oic
haerlieder moeye henlieden eenigen stoot oft belet dade, in haer
eeniger manieren inde voirgenoemde goeden, dat zy alsdan tgene dat dan
aff aengewesen sal worden, gelyc haer gulden ende betalen zelen
sonder eenich wederseggen
X Juny tempore simile
Henrick van Eygen
ende die henlieden byden
selfs Henricx doot soude
moegen verstorven
Steynemoelen Rode. Peter ende Matheus van Afscheyde gebruederen, hebben
Quytgesconden los vry ende ledich, Aerde Coeman tot behoef van
Henricken van Eyghen van allen den haeffeliken goeden, die
henlieden byder doot van wylen Kathelinen van Afscheyde haer
zuster ende des voerscreven Henricx tweede wyf doen zy leefde
in eeniger manieren toecomen gebleven ende verstorven syn ende alle ander
des quitancie behoeven geheelic ende al
ut supra
Jacop ende Kerstiaen Thys wettige kynderen van
wylen Jan Thys ende van wylen Kathelinen Suenen, diemen
et cum uxore
Libery Cornelis Looft
die sy nu ter tyt
deen vanden
anderen vercregen
hebben ende hier
namaels des
vanden Anden
vercrigen zelen
Cale, Roebosch, Cornelis Loot ende Lysbeth Hannemans syn wyf hebben
gewilt ende openbairlic voir ons geordineert dat alle haer kynderen
alsoe wel meyskens als knechtkens ende knechtkens als meyskens
evengelyc ende in geliken deele ende porcien hebben houden ende deylen
zelen alle haer haeffelike ende erffelike goeden bynnen etcetera wesende
ende vuyten
ende gelegen, die na eenyegelycx doot van hen beyden, zelen
bliven
XVI Juny
Wouter van Voesdonck
Beringen, Rode. Machiel vanden Moirtere, wettich soon van
wylen Jan vanden Moirtere, heeft bekent dat hy gehadt ende
ontfangen heeft van Woutere van Voesdonck Rentmeester
de voerscreven stad, de somme van eenen hondert gouden Ryns
guldenen, elken van dien tot veertich grooten Vlaems gelts
gerekent, die deselve Wouter, den voergenoemde Machielen vut
zaken vanden coepe van sinen huyse met synen toebehoerten
opte Wollemarct by Gielis Vrancx huys gelegen, tegen hem
tanderen tyden gedaen, sculdich ende tacht was, Ende van
dier sommen van eenen hondert gouden Rynsguldenen
vanden voerscreven pryse, heeft de voerscreven Machiel, Quytgesconden
los vry ende ledich den voergenoemde Wouter van Voesdonck ende
alle andere dies quitancie behoeven, geheelic ende al
XVI ut may
Cale, Rode. Jacop ende Kerstiaen Thys wettige kynderen van wylen
Jan Thys ende van Kathelinen seven diemen heet vander Hagen
synen wive hebben by bywesene willest:t; ende volcomen consente vander
selver Kathelinen haere moeder ende van Godevaert de Coninck nu ter
Cristoffel van goeden
tyt haeren man vercocht Cristoffel van Pudegheem, haer
thien scellinge groten erffelix chys, die zy hadden, Op een huys
oft woeninge metter schueren hove lande ende met vier cleynen huysen
dair aen staende ende oic metten gronde etcetera den selven Cristoffelen
toebehoerende, gelegen buyten der Coepoirten aenden Nyeuwen Steenwech
aldair, tusschen Godevaert Gebeurs erve aen deen zyde ende Machiels
vanden Bossche erve, aen dander zyde. A Domino Mechliniensi, Waranderende etcetera.
Assignavit den XXVI denier
XVI Juny tempore simile
Wouter Staes
Steynemoelen Rode, Margriete Martens met Anthoenis sCreve haeren man ende
Lysbeth Martens haer zuster cum tutore hebben Terve gegeven Wouteren
Faes Cleermakere, Een huys metten hove Brandenborch geheeten, dat
goeden
Janne vanden Hoeyest:t; toe plach te hoeren, gelegen in Sinte Kathelinen strate
tusschen thuys de Roese geheeten toebehoerende Lysbetten van Grympen
aen deen zyde ende Claes Ghysels erve aen dander zyde, comende
achterweerts met eenen anderen huyse tot in een cleyn strate tgevenendal
geheeten ende totten vliete toe aldair. A Beato Rumoldo. Te besittene op eenen
jaerliken ende erffeliken chys van sesthien scellingen groten Brabants gelts
Ende die te betalene altyt tot Sinte Jansmisse vutgenomen Sinte Jansmisse
nu naestcomende, Ende opten voerchys van dertich scellinge Loevens
twee pond thien scellinge payments ende van thien scellingen ende
neghen penningen, der voergenoemde groten Brabants gelts dair vutgaende
met alsulker condicien, dat de voerscreven Wouter sal moegen lossen ende
quyten altyt als hem dat gelieven sal, den voirscreven sestien scellinge groten
chys
der voergenoemde htot drie malen ende elken penninge dairaff met
sesthien geliker penningen ende met vollen chyse
Assignavit VII Rynsgulden erffelicx
den XXVI denier
ut tempre simile
Aert Coeman et uxor
Yngelram, Rode. Aert Cooman ende Lysbeth van Eyghen syn wyf
hebben gelooft ende elck van hen besunder ende voer al, dat sy
Aerden Cooman ende Lysbetten de Coelenere, synen wive ende des
voerscreven Aerts vader ende moeder, altyt scadeloes quyt houden ende
ontlasten zelen vander betalingen van alsulken vier gouden
Rynsguldenen elken van dien tot veertich grooten Vlaems gelts
gerekent, erffelix chys, als deselve Aert Cooman ende Lysbeth de
Coelenere syn wyf opten twaelfsten dach van deser tegewoirdige
maend van junio lestleden, ter beden vanden voerscreven Aerden haeren
soon ende om daer hem metten penningen daeraf gecomen
te gevenen vercocht hebben op den zestigen gebroeders
in Sinte Rommonds kerken, op haerlieder huys inde Coestrate
van Mechelen
gelegen gelyc dat inder scepenen brieve daer op gemaect
claerlike begrepen staet, Ende dat sy oic den voerscreven erffeliken
chys, als hem dat moegelyc syn sal te doene, lossen endest:t; quiten
zelen ende tvoerscreven huys daeraf oic lossen sonder eenich wederge
Ende daervoer hebben in den voerscreven Aerden den vader verbonden
ende te pande geset alle haere haeffelike goeden, waer die
bevonden zelen worden, die sy nu hebben ende hier namaels
oic hebben ende vercrigen zelen
XIII tempore simile