Blader door transcripties » Stadsarchief Mechelen

archieftoegang 2, inventarisnummer 950, pagina 144

eenegelyc
dien, dat des voirgenoemde Rommonts by voirkinderen eenyegelic van
des voerscreven Reynouts kynderen van synen voerscreven voirbedde, ter
stont na syn doot, hebben ende aenveerden zelen van ende vut
allen den voerscreven haeffeliken goeden, Twee pond grote Brabants
gelts eens, dair mede de selve Reynout ende syn voirscreven wyf
oic wouden ende vuterlic begeerden, dat de selve voirkinderen vutbliven
zelen, sonder eenich recht oft deel, in haer voergenoemde vercregen
meer
haeffelike ende erffelike goeden te moegen heysschen ende hebben in
eeniger manieren, ende dat sy daer af geheelic ende al verrooft
syn ende bliven, zelen, En dien dat sy van haeren moederliken
goeden, wel versien waeren, ende haeren voerscreven vader, dairaff
quitancie gegeven hebben
V Juny
Dambacht vanden
Buydragers
Oeyenbrugge, Cale. Jan vander Most, heeft opgedragen tot behoef
vanden ambachte vanden buydeldragers inder stad van Mechelen
syn veerthien scellinge groten Brabants gelts jaerlix ende erffelix chys
die hy hadde Op een huys metten hove gronde etcetera toebehoerende
Adriaen de Pottere gelegen inde Aedegheemstrate tusschen desselfs
Adriaens ander huys aen deen zyde ende der kynderen huys van wylen
Janne vanden Velde aen dander zyde. A Domino Mechliniensi, Waranderende etcetera. Op alsulkenst:t;
condicie Jaspar vander Beke ende Crispiaen Ryps als gesworene
ende tot behoef vanden voerscreven ambachte, waeren dair inne gegoedt
Op alsulken condicie, dat de gesworene vanden selven ambachte altyt
by tyden wesende verbonden zelen syn ende bliven metten voirgenoemde
erffeliken chyse, te doen doen ende celebreren voir de zalicheyt
vanden zyelen vanden voergenoemde Janne vander Most ende van synen
ouden, alle weken des vrydaeghs, ten eeuwigen dagen, opten
inder capellen van Battele opten outaer vanden Heyligen Cruce
eene erffelike misse vanden selven Heyligen Cruce, by eenen verbaren
priester, die zy dair toe nemen ende ordinen zelen, sonder eenich
wederseggen, Ende oft gebeurde dat dien erffeliken chys
in toecomenden tyde gequeten worde, dat alsdan de selve geswoirlic
metten penningen dairaf comende sculdich zelen syn ter stont
gelike de veerthien scellinge groten erffelic op goeden pant
te coepene ende die inder voerscreven manieren te bekeeren
XI juny tempore simile
prima february
Cale, Rode. Aert Coeman, ende Lysbeth de Coelenere syn wyf, hebben vercocht
heer Peteren Persoens priester tot behoef vanden tzestich gebrueder inden
kerken van Sinte Rommonds, vyf gouden Rynsgulden, elken van
dien tot veertich groten Vlaems gelts gerekent erffelix chys Te heffen
altyt tot twee terminen, Te wetene deen helft dairaf tot Kersmisse
ende dander helft tot Sinte Jansmisse, dairaff den jersten termyn
van betalingen syn sal tot Kersmisse naestcomende, Op ende aen haer
ende Coestrate
huys metten hove gronde etcetera gelegen opten hoeck vander Langer byef
tusschen de selve Byest aen deen zyde ende Jozynen Coemans haerer
dochter huys, aen dander zyde. A Domino Mechliniensi, Waranderende. Op drie gelike gouden
Rynsgulden, daervoir vutgaende
XII tempore simile
Jan vander Elst
Pot Retro
a
suo loco
Keynemoelen Rode, heer Wouter van Heesbeen priester Cureyt der prochiekerken
van Sinte Kathelinen bynnen Mechelen, heeft vercocht Janne vander Elst
van Male
ende Kathelinen was synen wive, vier gouden Rynsgulden, elken van
dien tot veertich groten Vlaems gelts gerekent erffelix chys, die hy hadde
Op een huys metten hove gronde etcetera, den selven Janne ende synen wive
toebehoerende, gelegen int Gruenendal, tusschen Peters van Ietegeem
huyvetters erve aen deen zyde ende Barblen Zeels erve aen dander zyde
streckende achterweerts totten water toe. A Beato Rumoldo, Waranderende etcetera.
Assignavit den XXVI denier
Juny tempore simile
Katlyne vander Beke
Yngelram, Rode. Jan van Hevere wylen Jans van Hevere soon, heeft
Quytgesconden los vry ende ledich Kathelinen vander Beke synder moeder
van allen den haeffeliken goeden, die hem byder doot vanden selven
wylen Janne synen de vader ende der voerscreven Kathelinen der weduen
man doen hy leefde in eeniger manieren toecomen gebleven ende verstorven
ende alle andere dies quitancie behoeven gulden
XV Juny tempore simile
Jan Quayvoet
Item. Jan van Halen diemen heet Joes, heeft vercocht Janne vanden
Steene, diemen heet Quayvoer, Een huys metten hove ende een met eenen
duyfhuyse dair op staende ende oic met gronde etcetera, dat Kathelinen ende
Marien Bels gesusteren toe plach te hoeren, ende dat de voerscreven Jan van Halen
tanderen tyden tegen henlieden vercregen heeft gelegen inde Penningstrate
opten hoeck vander Yperstraten, tusschen de selve strate aen deen zyde
ende Jans de Gorttere erve aen dander zyde. A Domino Petro de Herbays
milite, Waranderende. Op twintich scellinge Loevens, eenen goeden mottoen ende
drie gouden Rynsgulden elken van dien tot veertich groten Vlaems gelts
gerekent, dair jaerlix vutgaende
Assigna
ut supra
Pot Retro
Jan Wysschaven
Cale, Rode. Jacoppen wylen, heeft vercocht Janne Wischaven, Een huys
metten hove gronde etcetera gelegen inde Hanswyckstrate tusschen Jan
Joes erve aen deen zyde ende Gielis van Wilgiaerden erve aen dander
zyden streckende achterweerts tot eenen bogaerde toebehoerende jouffrou
Barblen van Duffle diemen heet Berthout, A Domino Mechliniensi, Waranderende. Op
drie chysgulden ende tzestedeel van eenen geliken chysgulden, sesse
ouder groten Turnoyse, sesse pond payments ende twee gouden Peters
elken van dien tot sessendertich groten Vlaems gelts gerekent, dair
jaerlix vutgaende
Assignavit III Rinsgulden ende XXI stuvers
erffelic den XXVI denier
XVII Juny
Yngelram, Rode. Laureys Yuetens ende Katheline Yuetens syn zuster met
Janne Lyedekens haeren man, hebben openbairlic voir ons bekent dat
zyn mynliken gescheyden ende gedeylt hebben, alle de haeffelike goeden
die hen beyden, byder doot van wylen Alyt Yuetens haere moeyen gebleven