Blader door transcripties » Stadsarchief Mechelen

archieftoegang 2, inventarisnummer 950, pagina 142

De selve
dander helft tot Sinte Jansmisse dairaff den jersten termyn van
betalingen syn sal tot st:t; Kersmisse naestcomende Op ende aen deen
voerscreven Lambrechts huys metten hove gronde etcetera gelegen inde
Tesselstrate tusschen des goidshuys van Percke erve aen deen zyde
ende Aerts van Vuthem erve aen dander zyde. Ab Anthonio de
Oeyenbrugge, Waranderende. Op twee chysgulden twee pond payments
eenen capuyn ende drie oude groten Turnoyse ende op vier gouden Ryns
gulden elken van dien tot veertich der voerscreven groten Vlaems gelts
gerekent daer jaerlix voir vutgaende
XXVI may tempore simile
de kynderen Alaerts
Consaert Roode. Lysbeth sLeeuws met Rommond Yngels haeren man
sy heeft vercocht Janne Vleming, als momboir ende tot behoef van
Thomaes, Lysbette, Urssele, Margriete ende Machielen Alaerts wylen
Alaert Alaerts wettigen kynderen, die hy van wylen Lysbetten
soens synen jersten wive vercregen heeft ende oic tot behoef
van Janne ende Barblen Alaerts, desselfs wylen Alaerts na kynderen
die hy van Kathelinen Gast synen lesten wive vercregen heeft ende
oic mede tot behoef vander selver Kathelinen Gast, Een huys
metten gronde etcetera gelegen inde Tweede Vleeschouwersstrate
tusschen wylen Godevaerts de Vryese erve aen deen zyde ende
der voerscreven kynderen ander erve aen dander zyde. A Domino Mechliniensi, Waranderende.
Op twee capuynen ende de weerde van neghen scellinge ende
Sesse penninge groten Brabants gelts daer jaerlix vutgaende
Assignavit XI Rynsgulden erffelicx
den XXVI denier pro heyst
XXI may tempore simile
Jan Mol
Lange, Cale. Jan Stappaert wylen Jan Stappaerts soon
heeft opgedragen ende overgegeven tot behoef van Jan Mol
Een huyse metten hove gronde etcetera dat wylen Jan Witte
toe plach te hoeren, gelegen inde Jeudestrate, tusschen de
selfs Jans ander erve aen deen zyde ende Jans de Zeelandere
erve aen dander zyde streckende achterweerts totten water
toe, A conventu de Lelyendale, Waranderende etcetera opten chys daer jaerlicx
vutgaende
II juny tempore simile
Anselmus Bellens et uxore
Actum in domino
Beringen Oeyenbrugge, Anselmus Bellens ende Katheline de
Roye syn wyf Seggende dat sy gheen wettige kynderen en hadden
Ende hebben dair om gewilt ende openbairlic voir ons geordineert
dat de langhstlevende van hen beyden, soe lange die alsdan leven sal
paysselic ende vredelic sal gebruyken alle der haeffeliker ende
erffeliker goeden met gronde etceterast:t; bynnen etcetera wesende ende gelegen
die sy nu ter tyt hebben ende hier namaels oic hebben ende vercrigen zelen
Ende metten selven haeffeliken goeden in synder noot moegen disponeren
ende ordineren, den wederseggen van iemande ende oic den rechten
ende coustumen dairaf ter contrarien onderhouden niet tegenstaende
Behoudelic dien, dat alle de voergenoemde goeden na des langhstlevende doot
vanden voerscreven Anselmus ende Kathelinen syn wive blivende, toecomen
ende versterven zelen haeren gerechten erfgenamen, dien die goeden nu
den rechte vander voerscreven stad sculdich zelen syn toe te comen ende
te versterven, oft de ghenen dien sy de selve goeden samentlic
met testamente oft anderssins geven ende maken zelen, welke
ordinancie wylen oic Lange, Yngele, Cale, Roebosch ende Rode
onse medescepen, by crachte vanden statute tanderen tyden dair op
gemaect geconfirmeert ende geapprobeert hebben ende by onser
ordinaerder macht confirmen ende approberen, alle argelist vutgescheyden
prima juny tempore simile
Jan Boxthuyne et uxore
Kerman, Beringen. Jan van Boxthuyne ende Katheline de Wachtere
syn wyf, Seggende dat sy gheen wettige kynderen en hadden, Ende
hebben dairomme gewilt ende openbaerlic voir ons geordineert dat de
langhstlevende van hen beyden, soe lange die alsdan leven sal paysselic
ende vredelic sal gebruyken, alle der haeffeliker ende erffeliker goeden
metten gronde etcetera bynnen etcetera wesende ende gelegen, die sy nu ter tyt hebben
ende hier namaels oic hebben ende vercrigen zelen, Ende metten selve
haeffeliken goeden in synder noot moegen disponeren ende ordineren
den wederseggen van iemande ende oic den rechten ende coustumen
dairaf ter contracien onderhouden niet tegenstaende. Behoudelic
dien, dat alle de voergenoemde goeden na des langhstlevende doot vanden
voerscreven Janne ende Kathelinen synen wive, blivende toecomen ende versterven
zelen haeren gerechten erfgenamen, die d goeden, na den rechte vanden
voerscreven stad sculdich zelen syn toecomst:t; te comen ende te verstervene, oft
den ghenen dien de sy deselve goeden samentlic met testamente
oft anderssins geven ende maken zelen, welke ordinancie wy
ende oic Muysen Steynemoelen Oeyenbrugge, Lange, Yngelram, Cale, ende Rode
onse medescepenen by crachte vanden statute tanderen tyden daerop
gemaect, geconfirmeert ende geapprobeert hebben ende by onser
ordinaerder macht confirmeren ende approberen alle argelist vutgescheyden
II Juny tempore simile
Jacop van Axele
Lange, Yngelram. Jan van Croenenborch we wylen Goessens van Croenenborch
sone ende Marie Tymmermans wylen Jan Tymmerman dochter syn nichte
met Joes vanden Velde haeren wettigen man ende momboir voir deen helft
ende Jehanne van Cockelbergh wylen Willems van Cockelberchs dochter
met Jan Maes haeren man, voir de twee vierendeelen vander ander helft
ende de selve Jan Maes inden name van Willeme van Cockelberge
der voerscreven Jehannen syns wyfs brueder beert wesende vander Lazarien
voir derde vierendeel
die zy in hem verving ende oic Jan de Predickere inden name van
Marien van Cockelberghe der selver Willems ende Jehannen zuster professe
int goidshuys vander derder ordinen inder stad van Antwerpen
hebbende de selve Jan de Predicere om tgene te doen dat hier naer
bescreven staet vander martest:t; mater ende gemeynen Convente
desselfs goidshuys volcomen macht gelyc ons dat byder
procuracien dair op gemaect ende bezegelt met desselfs goidshuys