Blader door transcripties » Stadsarchief Mechelen

archieftoegang 2, inventarisnummer 950, pagina 141

Mensa Petry
Cale, Roebosch, Lysbeth Saerts wedue van wylen Janne vander
Beke, heeft bekent dat zy van Anselmus Roelants ende Janne de
Meyere als proviseurs vander taflen des Heylichs Geests der
prochiekerken van Sinte Peters bynnen Mechelen voldaen ende
gecontenteert is vander helft van alsulken twaelf gouden Ryns
gulden te wetene veertich groten Vlaems gelts voir elken van dien
gerekent jaerliker lyfpensien, als Jan vander Nuwermoelen ende
Jan Reyers diemen heet Delssenere oic proviseurs doen ter tyt der
selver taflen des Heylichs Geests tanderen tyden voir behoutet
ende scepene van Mechelen tot haeren live, Op alle desselfs Heylichs
Geests erffelike ende onberuerlike goeden bewesen hebben, naer
vutwysen der scepenen brieve dair op gemaect, Quytgescondenst:t;
los van ende ledich der selver taflen sevende ende lydende
mits desen, de selve Lysbeth, dat sy van nu voirtaen, soe
lange sy leven sal vanden voerscreven twaelf Rynsgulden
jaerlix met Peter dan de sesse gulden vander selver
des Heylich Geests
taflen opbeuren noch heffen en sal Quytscildene de
selve Lysbethst:t; Lysbeth, den voergenoemde Anselmus ende Janne
totter selver taflen des Heylich Gielisst:t; behoef vanden selven
voirscreven
Sesse Rynsgulden, als vander helft vanden Peteren twaelf
der voirscreven lyfpencien
Rynsgulden de voerscreven goeden, ende alle andere geheelic ende al
XXIII may tempore simile
de selve
Item. Jan Saerts voir hem selven, Lysbeth Saerts syn dochter
met Henricken Moeleman haeren man oic voir haer selven ende oic
inden name van Kathelinen Smeets haer zuster absent die zy
in haer verving, heer ende Jan Saerts gebruederen wylen Henricx
kynderen, als erfgenamen vander vaderliker zyden van Lysbeth
Saerts weduwe wylen Jans vander Beke, Lysbeth Neefs wylen
Wouter Neefs dochter, die hy van wylen Machtilden haere
synen wive vercregen, heeft met Wouteren vanden Broeke haeren man
ende Margriete Neefs zuster vander voirscreven Lysbetten Neefs met
Janne Wellens haeren man, als erfgenamen vander moederliker
zyden vander voerscreven Lysbetten Saerts der weduen, hebben quytgesconden
los vry ende ledich, den voerscreven Ancelmus Roelants ende Janne de Meyere
als proviseurs ende tot behoef vander voirgenoemde taflen des Heylichs
Geests vander sommen van vierentwintich ponden groten Brabants
gelts, die Jan vander Nuwermoelen ende Jan Reyers diemen heet
Pelssenere doen ter tyt proviseurs der voerscreven taflen des Heylichs
gelft Geests inden name vander selver tanderen tyden te wetene
opten vierden dach van Augusto int jaer ons heeren dusent
vierhondert sessentachtentich lestleden voir behoutet ende
scepene van Mechelen bekent hebben sculdich synde ende gelooft
naer de doot vander voerscreven Lysbetten Saerts der weduen, den
erfgenamen van haers vaders ende moeder zyden te betalen
naer vutwysen des scepen briefs daeraf gemaect kennende
ende lydende de voirgenoemde quytscilders inder manieren als boven
dat zy vander voerscreven sommen van vierentwintich ponden der selver
grote geheelic ende al voldaen ende betaelt syn, Gelovende oic mede
dat zy der voerscreven taflen, naer der selver Lysbetten der wedue
doot, nemmermeer vut saken vander voerscreven s scult moegen heysschen
noch aenspreken en zelen in gheender manieren, alle argelist daerinne
vutgescheyden
XXIII may tempore simile
Aert ende Jan Saerts
Item. Jan Wellens, Wouter vanden Broeke ende Henrick Moelemans
dat Aerde ende Janne Saerts wylen Henricx kynderen, acht pond groten
Brabants gelts Te betalen, na de doot van Lysbetten Saerts
wedue wylen Jans vander Beke ende niet eer, ad opten etcetera
Ende dair voire hebben zy verbonden, alle haer haeffelike
goeden waer die bevonden zelen worden, die zy nu tertyt
hebben ende hier namaels oic hebben ende vercrigen zelen
ut supra tempore simile
Relicta ende Henrick de Bruyne
Steynemolen, Oyenbrugge. Jan de Bruyne, wylen Jans sone, Lysbeth de
van Bruyne syn zuster met Marten Saestens haeren man ende Margriete
de Bruyne haerlieder zuster met hebben Quytgesconden los
vry ende ledich, Margrieten Tyechelers weduen van wylen
Henricx de Bruyne, van allen den haeffeliken goeden, die
selven
henlieden byder doot vanden wylen Henricken haeren brueder
ende der selver Margrieten der weduen man doen hy leefde
in eeniger manieren, toecomen gebleven ende verstorven syn
ende alle andere dies quitancie behoeven, geheelic ende al
XXV may tempore simile
Cornelis Ghevaerts
Ingelram, Rode, Goesens Gheerincx, heeft vercocht Cornelis
Gheeraerts scepman, Eenen hof metten gronde etcetera gelegen inde
Nonnestrate in een cleyn straetken aldair, tusschen Aerts van
Morchoven erve aen deen zyde ende der weduen ende kynderen erve van
wylen Mathys Colaerts aen dander zyde. A Domino Mechliniensi, Waranderende. Op den
pond vyfthien scellinge payments daer vutgaende
Assignavit X Rynsgulden
XXVII may tempore simile
Heer Aert van Post XX stuver
ende Alyt vanden Driessche
Roebosch, Rode. Lambrecht vanden Eynde heeft vercocht wylen vanden
Driessche tot haeren live ende oic tot behoef ende ten live van heer Aert van
Most diemen heet Faes priester ende tot des langstlevende live van hen
beyden, Twee gouden Peters elken van dien tot sessendertich groten
Vlaems gelts gerekent, jaerliker lyfpensien Te heffene altyt tot
twee termynen, Te wetene deen helft dairaf tot Kersmisse ende