Blader door transcripties » Stadsarchief Mechelen

archieftoegang 2, inventarisnummer 950, pagina 139

Anne de Hanswyck
Lange, Rode. Jan Freynaert tot behoef vanden goidshuyse van
Hanswyck, heeft verreyct, Een hofstad dair een huys op heeft
plegen te stane, dat wylen Wouteren de voercoepere toe
plach te hoeren gelegen buyten der Hanswycpoirten, ende
Rechtstrate tusschen Jans vander Beke erve aen deen zyde
ende der weduen ende kynderen erve van Bartelmeus Cants erve
aen dander zyde
Ex censu
XIII may tempore simile
Barble de Leeuw
Item. Barble de Leeuw heeft verreyct, Een huys metten
plaetsen hove ende anderen huysen dair achter staende, dat Reyner
de Leeuw toe plach te hoeren, gelegen inde Lange Scipstrate
tusschen der kynderen erve van wylen Joes vander Heyden
aen deen zyde ende Gheertruyden vanden Wynkele erve
aen dander zyde. Item een huys gelegen aldair test:t; tegen
tvoerscreven huys over dat den voerscreven Reyner toe plach te hoeren
tusschen Jans vander Heyden huys, aen deen zyde ende des
selfs Reyners hof aen dander zyde, Ende den selven het
gelegen oic aldair, die oic den voerscreven Reyneren toe plach te
hoeren, tusschen tvoerscreven leste huys aen deen zyde ende
Peters de Leeuw erve aen dander zyde
Ex censu
ut supra tempore simile
fabrica Johanne
Wouter van Voesdonck, Jan de Lange, Gielis de
Vos ende Jacob Robyns, als rentmeesters ende inden name vander
stad van Mechelen, by bywesene ende consente van
eender commoingmeesters vander selver stad ende oic by gemeynen
overdrage van ons onse medescepenen, dekenen ende geswoirnen
in onser Raidcameren samentlic naer gewoenliker manieren
vergadert wesende, Oic mede vut crachte vander ghiften
der selver stad, by onsen alregenadichsten heeren den Roomsschen
Coninck vanden geconfisqueerden goeden den Ingesetenen
vander stede ende Quartiere Bruessele toebehoerende gegeven
naer vutwysen synder genaden brieve dairaff wesende
hebben vercocht Lodewyck van Heyst als proviseur ende tot
behoef vander fabriken de prochiekerken van Sinte Jans
bynnen Mechelen, achtien scellinge ende sesse penninge groten Brabants
gelts erffelix chys, die Gommaer van Ginglegem van Londerssele
ende ende neghen scellinge ende drie penninge oic Brabants, desselfs
chys, die Rommondt van Ginglegeem des voerscreven Gommaers brueder
van Bruessele hadden, Op een huys oft stoene metten gronde etcetera
gelegen by tkerchof vander voerscreven Sinte Jans kerken, in een
cleyn straetken aldair, n tusschen Gielis de Weend erve aen deen
zijde ende Aelbrecht van Amstel erve aen dander zyde
A Domin Mechiniensi, Waranderende etcetera.
Aert de Weerde
Lange, Rode. Jan de Schoezittere, heeft Terve gegeven Aerd de
weerde, Een huys metten hove gronde etcetera gelegen op Neckerspoele inde
Ballemansstrate tusschen Laureys Yuetens erve aen deen zyde ende der
capelryen van Sinte Anthoenis inde Neckerspoelkerke erve aen
dander zyde. A Domino Mechliniensi. Te besittene op eenen erffeliken chys van
Twee gouden Rynsgulden elken van alle dien tot veertich groten
Vlaems gelts gerekent, Ende die te betalene, altyt tot Sinte
Jansmisse, dair af den jersten termyn van betalingen syn sal
van Sinte Jansmisse naestcomende, over een jair dair na volgende
Ende opten voirchys van neghen scellinge Loevens ende negen scellinge
payments dair vutgaende, met alsulker condicien, dat de
voirscreven Aerdt sal moegen lossen ende quyten al de voerscreven twee
gouden Rynsgulden des voerscreven chys altyt als hem dat gelieven
sal, met eenen halven Rynsgulden male, ende elken gulden
dairaff met sesthien geliker gulden ende met vollen chyse
Assignavit vyf Rynsgulden eens
#
XVIII may
Lambrecht vanden Eynde
Steynemoelen Oeyenbrugge, Henrick Vuystaert heeft vercocht Lambrechten vanden
ende Lysbetten sConincx synen o
Eynde Jans sone, Een huys metten hove gronde etcetera gelegen inde
Bruesselstrate tusschen des goidshuys van Perke erve aen deen
Anthonis
zyde ende Aerts van Vuthem erve aen dander zyde. Gode
Oeyenbrugge, Waranderende. Op twee chysgulden, twee pond payments
eenen capuyn ende drie oude groten Turnoyse ende op vier gouden Ryns
gulden, elken van dien tot veertich groten Vlaems gelts gerekent
die ter quitingen staen metst:t; elken gulden daeraf met sesthien
der geliker gulden, dair jaerlix vutgaende voertaen hebben
ende syn wyf
de voergenoemde Lambrecht gelooft de voerscreven vier Rynsgulden des
tegen
voirscreven chys tegenst:t; Janne vander Byest barbier die de selve dair
op heeft te lossene ende af af te quitene tusschen dit ende Sinte
Jansmisse naestcomende ende desselfs Henricx ander erffelike goeden
die voir de selve vier gulden verbonden staen, dairaff scadeloos
voirtest:t; tontheffene ende tontslanen sonder eenich wederseggen
X may tempore simile
Jan Samels
Item. Joes Vrancx als een tochtenere ende Jorys Consaert ende
Meester Peter van Cruybeke van svaders wegen ende Jan Wagewyns
diemen heet de Zagere vander moeder wegen als momboeren ende
inden name van Cornelis, Agneeten, Lysbetten, Kathelinen ende Annen
Vrancx, des voerscreven Joes kynderen infra annos, die sy in hem
vervingen, als erfgenamen, hebben Terve gegeven Janne
Sammele, Een stucxken lants oft beempts geheeten den Aenorp
oft gemeyne metten gronde etcetera gelegen buyten den Wykete byde
Calchoven beghinende van eenen stuck beempts die wylen Jan
Bertels toe plach te hoerene ende die nu den selven Joesen ende synen
ende
kynderen toehoert, tusschen de tot streckende metten eenen eynde
totter Delen ende metten anderen eynde tot aen sHeeren strate