Blader door transcripties » Stadsarchief Mechelen

archieftoegang 2, inventarisnummer 950, pagina 126

Valentyn de Gorttere, heeft vercocht Jan Zegers
met half der een voir ende
Een hofstad metten gronde etcetera gelegen inde Zeelstrate tusschen
desselfs w Valentyns ander erve aen deen zyde ende Jaspar
Boydens erve aen dander zyde streckende achterwerts totter Heergen
aldair. A Domino Mechliniensi, Waranderende. Op vyftich scellinge payments daer vutgaende
de scheydinge den
kynderen Blancke
Beringen Roebosch, Rommond Peter, Jacop Katheline ende Jehanne Blancke
wettige kynderen van wylen Anthoenis Blancke ende van Gheertruyt
Speelberch synen wive hebben openbairlic voir ons bekent dat
sy by bywesene wetene wille ende hulpen van Peteren vander Zennen
Janne vander Zennen synen sone ende van Willem Speelberch haeren momboeren
alle de goeden bynnen der stad ende vryheit van Mechelen wesende
ende gelegen, die henlieden byder doot vanden voerscreven wylen Anthoni
Blancke haeren vader gebleven ende verstorven syn, mincken gescheyden
Rommond ende Peter Blancke voir haer deel ende part der voerscreven
ende gedeylt hebben inder manieren hier naer verclaert alsoe dat
by crachte vander selver scheydingen ende deylingen, de voirgenoemde
goeden, hebben houden ende besitten zelen, Twaelf chysgulden
erffelix chys, Op twee hangen met haeren toebehoerten, Jacoppen
de Beckere Visschere toebehoerende gelegen opten Zoutwest:t;
int Hooghstraetken byden Zoutwerf deen neven dandere. Item
dat de voerscreven Jacop Blancke by crachte vander selver scheydinge
ende deylingen voir syn part ende deel der voerscreven goeden oic
hebben houden ende besitten sal, Twee chysgulden erffelicx
chys, op een huys met synen toebehoerten, dat wylen Godevaert
de Vryese toe plach te hoeren, ende dat nu synen wive ende kynderen
toebehoert ende tweede Vleeschouwerstrate gelegen Item
twee gulden van Florencien ende eenen halven oic erffelix chys op
een huys metten synen toebehoerten dMoeleken geheeten, toebehoorende
Jan de Eertstekere in Sinte Kathelinen strate tegen Sinte Katheline
kerchof over gelegen, Ende eenen chysgulden oic erffelix chys
op een huys met synen toebehoerten, dat Macharys van
de
Outersgate toe plach te hoeren, ende dat nu toebehoert der stad
van Mechelen by thuys den Beyaert geheeten gelegen
Ende dat oic de voirgenoemde Katheline ende Jehanne Blancke
voir haer deelen der voirgenoemde goeden by crachte vander selver
scheydingen ende deylingen, hebben houden ende te samen besitten
zelen, Acht scellinge ouder groten Turnoyse vander munte etcetera
des conincx van Vranckerycke erffeliker renten opte voirscreven
stad van Mechelen vallen ten termynen inden brieve dair op
gemaect begrepen, in welker scheydingen ende deylingen met
begrepen ende syn, de goeden ende bosschen ende renten, te Wildebroeck
tot Zempst ende tot anderen plaetsen inde vryheit van Mechelen gelegen
Mare syn ende bliven staende onverdeylt tusschen de voerscreven kynderen, om
die onder hen allen int gemeyn gehaven ende ontfangen te worden
de
te
welke scheydinge ende deylinge der voirgenoemde goeden hebben de
voirgenoemde Rommond, Peter, Jacop Katheline ende Jehanne Blanck
gelooft voir hen hair hoef ende nacomelingen, te houden vast
gestentich ende van goeder weerden ten eeuwigen dagen ende
dair tegens nemmermeer te doen, te seggen, oft te comen, Te
gheender manieren, alle argelist vutgescheyden
Isuper:t;
momboer der selve
kynderen Blancke
Beringe, Roebosch. De selve Rommondt Peter, Jacop Katheline ende Johanne
Blancke, hebben openbairlic voir ons bekent dat hy de voerscreven
Peter ende Jan vander Zennen ende Willem Spoelberch haere
momboeren goede ende rechtverdige rekeninge ende bewys gedaen
hebben van allen den goeden, bynnen ende buyten der voerscreven stad
ende vryheit van Mechelen wesene ende gelegen, die henlieden
byder doot vanden voerscreven wylen Anthoenis Blancke haeren
vader gebleven ende verstorven syn, Ende oic van al tgene
van dien goeden
dat sy daer ontfangen ende vutgegeven moegen hebben ende
dairaf ende van alle der moeyten quellingen ende heysschen
die zy den voerscreven haeren momboeren vut zaken van dien
goeden in eeniger manieren souden mogen doen, hebben
alle de voircreven kynderen Quytgesconden los vry ende ledich
ende
den voergenoemde endest:t; Peteren vander Zennen ende Willem
Spoelberch haer momboeren ende alle andere dies quitancie
behoeven geheelic ende al
ut supra
Willem Reyers
ende syn wyf
Lange, Yngelram. Aert vander Elst wylen Thomaes sone voir hem selve
ende oic inden name van Peteren vander Elst synen brueder absent wesene
die hy in hem verving, hebben de selve Aert om te doen dat hier
naer volght vanden selven Peteren synen brueder volcomend macht
gelyc ons dat by eender procuracien bezegelt metten zegel ten zaken
vander voerscreven stad van Mechelen gebleken heeft ge ende Gielis
vander Elst oic syn broeder voir hem selven, de selve Aert ende
Gielis vander Elst van svaders waten inden name van Thomaes
ende Margrieten vander Elst wylen Henricx kynderen vander Elst
brueder doen hy leefde vanden voergenoemde gebruederen vander Elst
by bywesene ende van Aerde van Diest een der commoingmeesteren
vander voerscreven stad van Mechelen, die hier inne by gebreke
van momboeren vander moeder zyden vanden selven over jaerden
kynderen syn consent gegeven heeft voirde helftst:t; hebben
vercocht Willeme Reyers Tymmerman ende Kathelinen Smets Henre
dochter synen wive tvierendeel van eenen huyse metten hove gronde
ende, dwelck hen byder doot van wylen Magrieten wylen Jan
verstorven es
Diericx soons dochter cramere, gelegen in Sinte Kathelinen strate
tusschen Willems de Kemmere erve aen deen zyde ende de zelve
een huyse geheeten de Zwane toebehoerende Machielen vanden
Broeke aen dander zyde. A monialibus, Waranderende. Opte weerde
van derthien scellinge groten Brabants gelts vuten geheelen
huyse jaerlix gaende
XXIII Peters
Assignavit XXVII Peters
III marty tempore simile