Blader door transcripties » Stadsarchief Mechelen

archieftoegang 2, inventarisnummer 950, pagina 125

Claes Boeyenhals
Yngelram, Rode. Claes de Greve, als rentmeester ende inden
name van jouffrou Jehannen vander Aa, die hy in hem
verving, hebben de selve Claes om tgene te doen dat hier
naer bescreven staet volcomen macht vander selver jouffrou
Jehannen, gelyc ons dat by eender procuracien dair op gemaect ende
bezegelt metten zegelen van zekeren mannen vanden Leenhove
de
ons genadige heeren gelyc ons dat claerlic blyck heeft opgedragen
tot behoef van Claesen Boyenhals, Eenen hof metten gronde
die wylen Janne Martens toe plach te hoeren, ende die dese voerscreven
Claes de Greve totter voirscreven jouffrou Jehannen behoef voir
achterstelligen chys, die de selve jouffrou Jehanne daerop heeft
wettelic vutgewonnen ende verreyct heeft gelegen buyten den
Bruesselpoirten inde Rechtstrate, tusschen Jan Papeleurs erve
aen deen zyde ende Jacops de Vos erve aen dander zyde. A Domino Mechliniensi,
Waranderende etcetera. Behoudelic de voerscreven jouffrou Jehannen dair op
haeren voirscreven chyse ende allen anderen die voer ende nachys op hebben
XX february
Jan de Lanoy
Yngelram Rode, Wouter van Voesdonck, Jan de Lange ende Jacop Robyns
als rentmeesters ende inden name vander stad van Mechelen by
bywesene ende consente van Aerde van Diest een der commoingmeester
der selver stad ende oic by gemeynen overdrage van ons onse mede
dekene ende geswoirende, in onser Raidcameren samentlic naer gewoenlike
manieren vergadert wesene, oic mede vut crachte vander ghiften
der selver stad by onsen alregenadichsten heeren des Roomsschen Conincx
vanden geconfisqueerden goeden, den Ingeseten der stad ende quartien
van Bruessel toebehoerende gegeven, naer vutwysene synder genade
brieven, dairaff verleent hebben vercocht Janne de Lannoy
Een huys metten hove vutgange ende met twee cleynen huysen achter
op tkerchof van Sinte Kathelinen vutcomende ende oic metten groten
dat toebehoert heeft Vrancken de Pape ende Pauwelen Roost syn
wive, woenende bynnen der voerscreven stad van Bruessel, gelegen opte
dekenye tusschen Roese zyne erve aen deen zyde ende ze
de cape
van Sinte litten in Sinte Kathelinen erve erve
vander Eyken priester erve aen dander zyde. A Domino Mechliniensi, Waranderende. Opte
chys daer vutgaende
Assignavit
XX february
Aert Mathys
Lange. Rode, Jacop van Afscheyde, heeft vercocht Aerden Mathys
neghen gouden Rynsgulden elken van dien tot veertich groten Vlaems
gelts gerekent erffelix chys Te heffene altyt opten twintichsten
dach van februario, Op ende aen des voerscreven Jacops huys metten hove
vetterien ende met eenen werchuyse tegen tselve huys overstaende ende oic
metten gronde etcetera gelegen inden Vettersham inde Corte Ridderstrate
Lange
tusschen Cornelis van Rymenam erve aen deen zyde ende Jacops de
deselve
Monick erve aen dander zyde, Ende tvoerscreven werckhuys es oic gelegen
aldair, tusschen Jans van Rymenam erve, aen deen zyde ende Jans de
Vos erve aen dander zyde, Opte weerde van meesthenentwintich
scellingen groten Brabants gelts ende neghen gouden Rynsgulden
vanden voerscreven pryse, die de voerscreven Aert op tselve huys jaerlicx
ende erffelicx heeft ende heft daervoir vutgaende, Ende op tderdendeel
van eenen huyse metten gronde ende anderen synen gele toebehoirten
Corthadde
gelegen inden voerscreven Vettersham inde st:t;strate tusschen
der kynderen erve van wylen Gheerd van Leest en aen deen zyde
ende Jans de Poirtere erve aen dander zyde. Op Sesse oude groten
Turnoyse vuten selven geheelen huyse jaerlix voir vutgaende
A Domino Mechliniensis, Waranderende etcetera.
february tempore simile
Hanswyck
tgoidshuys van
Cale, Rende. Jouffrou Katheline van Liets wedue van wylen Peteren
vanden Dale, cum tutore heeft Opgedragen, broeder Denys de Weend heeftst:t;
Religieus des goidshuys van Hanswycke tot behoef vanden selven
van Hanswyck
goidshuyse, Een hofstad dair vier huysen oft cameren op plagen te stane
metten hove eeussele gronde etcetera die wylen Peteren Lodewycx toe plach
te hoiren, ende die heer Cleynaerts tot behoef vander voerscreven jouffrou
Kathelinen tanderen tyden voir achterstelligen chys, die de selve jouffrou
Katheline dair op heeft, wettelic vutgewonnen ende verreyct heeft
gelegen buyten der Hanswycpoirten inde Rechtstrate tusschen Jans
van Wyelenbeke erve aen deen zyde ende Symoens de Meyere erve aen
dander zyde. A Domino Mechliniensi, Waranderende. Behoudelic der selver jouffrou Katlyne
dair op haeren voerscreven chyse ende allen anderen dier voirende nachys op hebben
Beneden Denys de Weend priester tot des voerscreven goidshuys behoef waert
inne gegoet
Xa marty
de wedue Jans
de Smet
Lange, Coesaert Jaspar ende Hubrecht Smet gebruederen wylen Jan Smeets
des jongen kynderen, voir hen selven Willem van Springele van svaders
wegen, Gheerdt de Blauwe ende Jan Reyers diemen heet Delssene vander
moeder wegen als momboeren ende inden name van Janne Rommonde ende Peteren
Smet oic gebruederen vanden voirgenoemde Jaspar ende Hubrechten infra annos die
sy in hen vervingen, hebben bekent dat sy gehadt ende ontfangen hebben van
Lysbetten Beermans wedue van wylen Janne Smet den ouden, de somme van
hondert Rynsgulden, elken van dien tot veertich groten Vlaems gelts gerekent
die de voergenoemde wylen Jan Smet doude, den voerscreven wylen Janne Smet den
jongen synen sone tanderen tyden, te wetene opten elfsten dach van meye
tyt jaer van eenentachtentich lestleden voir scepene van Mechelen
bekent heeft, sculdich synde, waer af ende voirtaen van alsulken
haeffeliken goeden, als den selven kynderen, byder doot vanden voerscreven wylen
Janne Smet den Ouden haeren onder vader in eeniger manieren verstorven mogen
syn, hebben de voergenoemde Jaspar ende Hubrecht voir hen selven ende de voergenoemde
momboeren inden name vanden selven Janne Rommonde ende Peteren Quytgesconden
los vry ende ledich de voirgenoemde Lysbetten Bercmans der weduen ende alle andere
dies quitancie behoeven, geheelic ende al
marcy tempore simile