Blader door transcripties » Stadsarchief Mechelen

archieftoegang 2, inventarisnummer 950, pagina 109

Cornelis van Haren
Jan van Bonicrode ende
Jan Goyheers
Item. De voirgenoemde Jan de Blare, dat den voerscreven Cornelisen van
haren Janne van Bonicrode ende Janne Goyheere, de somme van Eenentwintich
pond groten Vlaems gelts Te betalen totten terminen hierna volgende
Te wetene, Seven pond dairaf tot Kersmisse nu naestcomende. Item
Seven pondt tot Kersmisse dair naer sonder middel volgende, Ende dander
Seven pond dairaf tot Kersmisse alsdan dair naer oic sonder midde volgende
Ende ze hier vorre heeft hy verbonden, alle syne haeffelike ende
erffelike goeden bynnen etcetera wesende ende gelegen, die hy nu tertyt heeft
ende hier namaels oic hebben ende vercrigen sal
ut supra
Peter de Ruysschere ende Jacop de Ruyssche
gebruederen ende Barble de Ruysschere haerlieder zustere
weduwe wylen Bartel Baeck cum tutore hebben Terve
gegeven Henricken Coels ende Kathelinen Byns synen wive
metten gronde etcetera gelegen tot Neckerspoele inde Wygaertstrate
twee huysen met eenen bogaerde daer achterstaende ende oic
opten hoeck vander Bakelstraten, Tusschen de selve strate
aen deen zyde ende Jans van Stevele erve aen dander zyde
de
Te bezittene op eenen erffeliken chys van sesse gouden
Rynsguldenen, elken van dien tot veertich grooten Vlaems
gelts gerekent ende boven stuversst:t; Te heffene altyt tot
Sinte Jansmisse, daeraf, Ende opten voirchys van derthien
scellingen ende drie penningen grooten Brabants vuten voirscreven
twee huysen metten ven bogaerde jaerlix gaende. Behoudelic
dien gaeter min vute dat sal den voirscreven Henrick te Baten erve
ende gaetter meer vute dat sal hem afslach doen, met
alsulker weduen onditien, dat de voirgenoemde Henrick Coels
et syn wyf selen moegen lossen ende quyten, de voirgenoemde drie
gouden Ryns ende beven stuversst:t; des voirscreven chys, altyt als hen
dat gelieven sal met vanderhalven Rynsgulden te malen
ende met vollen chyse
Assignavit den XVI Rinsgulden XXI stuvers erffelicx
Henrick Cools ende
syn wyf
Roebosch, Rode. Peter de Ruysschere wylen Jans soon voir deen
derdendeel, Jacop de Ruysschere, syn brueder voer dander
de
derdendeel ende Barblen de Ruysschen de voirscreven Peters een ende
van
Jacops zuster ende weduwe wylen Bartelmeus Bake als een
tochtenersse, Ende Jacop Matheus ende Gielis Bake gebruederen
Roebosch, Rode, Barble de Ruysschere weduwe van wylen Jan
Bartelmeus Bake, cum tutore als een tochtenersse ende Jacop Matheus ende
Gielis Bake haere kynderen
inderen
de selve
de voerscreven
Ende Peter de Ruysse
w derselver Barblen
derdendeel, ende oic
brueder voer tweede
op Jacop de Ruysschere
zyn brueder voir te
derdendeel
ende Katheline Baecx haerlieder zuster met Jorys vander Strepen
haeren man ende Jacop Bake ende Jorys huys van svaders
wegen ende de voirgenoemde Peter ende Jacop de Ruysschere vander
moeder wegen als momboren ende inden name van Barblen
ende Lysbetten Bake, des voirscreven wylen Gielisst:t; Bartelmeus ende der
voirgenoemde weduwe dochteren ende oic de voirgenoemde Jacop Matheus
Gielis ende Kathelinen Bake, zusteren, onder haer jare van discrecien
wesende, die sy in hen vervingen, als erfgenamen voir
ende derdendeel hebben Terve gegeven Henricken Coels
hier
ende Kathelinen Byns synen wive, Twee huysen met eenen
bogaerde daer achterstaende gronde etcetera gelegen tot
Bakelstraten, tusschen de selve strate aen deen zyde ende
Neckerspoele inde Wygaertstrate opten hoeck vander
hadde
dat
Jans van Stevere erve aen dander zyde. Te bezittene
de
op eenen erffeliken chys van drie gouden Rynsguldenen
elken van dien tot veertich grooten Vlaems gelts gerekent
Te heffene altyt tot Sinte Jansmisse, Ende opten vorchys
van derthien scellingen ende drie penningen grooten Brabants
vuten voirgenoemde twee huysen metten bogaerde jaerlix gaende
Behoudelic dien oft daer min meer vutgaet dat sal de
voirscreven Henrick ende sinen wive afslach doen ende oft daer meer
min vut gaet sal hen te baten comen, met alsulker condicien
dat de voirgenoemde Henrick Coels ende syn wyf selen moegen
lossen ende quyten altyt als hen dat gelieven sal de voirgenoemde
drie gouden Rynsgulden des voirscreven chys, te twee malen ende
elken gulden daeraf met sesthien geliker Rynsgulden
Rome
ende met vollen chyse
Assignavit XL gulden erffelicx
novembry tempore simile
Meester Jan van Blaes
Yngelram, Roebosch, Cornelis Leeman, wettich soon van wylen Gielis
Kerman, heeft openbaerlic voer ons bekent dat Meester Jan van
Berlaer, weduen van wylen Kathelinen doot synen wive, hem wel
ende trouwelic vernueght gepaeyt ende te vreden gestelt heeft
afgerekent, tusschen hen beyden van allen den haeffeliken goeden
die deselven Cornelisen, byder doot vanden voergenoemde wylen Katheline
op synder moeder ende de voergenoemde Meester Jans lesten wive
gebleven ende verstorven moegen syn ende van allen dien haeffelike
goeden ende oic van al tgene, dat hy den voergenoemde Meesteren Janne
vut zaken van dien in eeniger manieren soude moegen heysschen
heeft de voergenoemde Cornelis Leeman Quytgesconden los vry ende
ledich den selven Meesteren Janne van Berlaer ende alle andere
dies quitancie behoeven, geheelic ende al
X septembry