Blader door transcripties » Stadsarchief Mechelen

archieftoegang 2, inventarisnummer 950, pagina 108

de tafle van Sinte
Katlynen
Steynemoelen, Consaert Jannes Boots tot behoef vander taflen des
Heylichs Gheests der prochiekerken van Sinte Kathelinen
heeft verreyct Een stuck lants metten gronde etcetera houdende
omtrent drie vierendeel, dat den kynderen van wylen
Rommond Tys toe plach te hoeren, gelegen tot Leest opten
Rennecoutere, tusschen de Heerstrate aldaer aen deen zyde
ende Margrieten van Hasselt erve aen dander zyde. Ex
partu
III septembris
de
scheydinge der kynder
de
de Wilde
Hergracht
een achterwaerts tot
Steynemoelen Rode, Thomaes de Wilde, wettich soon van wylen Laureys de
wynde, aen deen zyde, Lysbeth de Wilde syn zuster aen dander zyde ende
Alyt de Wilde oic haerlieder zuster aende derde zyde, hebben openbairst:t; by
bywesene wetene wille ende volcomen consente van Kathelinen van Oelegheem
weduen vanden voirgenoemde wylen Laureys de Wilde haer moeder openbairlic
voir ons bekent dat zy mynliken ende vriendeliken gescheyden ende
gedeylt hebben alle de erffelike goeden bynnen der stad ende vryheit van
Mechelen gelegen, die henlieden byder doot vanden voirgenoemde wylen Laureys
de Wilde haeren vadere gebleven ende verstorven syn, ende die hen oic
byder doot vander voergenoemde Kathelinen van Oelegheem haer moeder bliven ende
versterven zelen, inder manieren hier naer verclaert, Alsoe dat by crachte
van dier scheydingen ende deylingen, de voirgenoemde Thomaes voir syn deel ende
part der voirgenoemde goeden hebben houden ende besitten sal, Een huys metten
hove ver op volderen ende allen anderen synen toebehoirten
gelegen buyten der Neckerspoelpoorten inde Mandestrate, tusschen Gielis
Laureys erve aen deen zyde ende Jans vanden Broeke erve aen dander zyde
Opte weerden van Twee scellinge ende anderhalven penning groten Brabants
ten last vander
van
de
ende op twee gouden Rynsguldenen, elken van tot vyf scellingen der selver
van
groten Brabants gelts gerekent, erffelic ende op acht scellinge der selver
groten Brabants lyfrenten, dair jaerlix vutgaende, Ende twee mottoenen
van drie mottoenen erffelix chys, op een huys metten hove ende anderen sinen
toebehoirten, toebehoerende Janne Wabbel gelegen buyten der voirgenoemde
Neckerspoelpoorten, tussche inde Vryesestrate, tusschen Vranck Wabbels
desselfs Jans Wabbels vader erve aen deen zyde ende des voirgenoemde Gielis
Laureys erve aen dander zyde. Item dat de voirgenoemde Lysbeth de Wilde
by crachte vander voerscreven scheydingen ende deylingen voir haer part ende deel
der voergenoemde goeden oic hebben houden ende besitten sal, Twee huysen dat
Sesse woeningen nu ter tyt syn met eender poirten voir met eenen hove
ende borreputte achter die huysen liggende ende oic met allen anderen haeren
toebehoirten, gelegen buyten der Zantpoirten, tusschen des heeren
gekenden
strate aen deen zyde ende Claes ende Laureys de Dryvere erve aen dander
ende last van
zyde. Op vier chysgulden ende anderhalf pond payments erffelest:t; ende twee
van
capuynen erffelic ende op Seven scellinge sesse penninge grote Brabants
lyfpensien staende te live van Lysbetten Wouters daer jaerlix vutgaende
Deselve
Ende eenen mottoen vander voirgenoemde drie mottoenen erffelix chys, opt
voirgenoemde huys inde voerscreven Vryesestrate gelegen, den voerscreven Janne
Wabbel toebehoerende, Ende dat de voirgenoemde Alyt de Wilde voir haer
part ende deel der voirgenoemde goeden by cracht vander voirgenoemde scheydingen
ende deylingen oic hebben houden ende besitten sal, Eenen bogaert houdende
omtrent een vierendeel met eenen woen huyse ende duyfhuyse dair op staende
ende oic met allen anderen synen toebehoirten, gelegen buyten der Coepoorten
op tHeydeken, tusschen Wouters van Boxthuyne diemen heet Appelman
erve aen deen zyde ende der kynderen erve van wylen Henricken de
Moldere aen dander zyde, opten last vander weerden van Twee scellingen
ende anderhalven penning groten Brabants erffelic ende van Seven scellingen
sesse penningen groten der selver groten lyfrenten, staende ten live vander voirgenoemde
Lysbetten Wouters dair jaerlix vutgaende. Behoudelic der voergenoemde Kathelinen
der weduen haer moeder in alle de voirgenoemde erffelike goeden haer tocht
paysselic ende vredelic te gebruykene haer leven lange geduerende, Ende dat
naer der selver Kathelinen der weduen doot de voergenoemde Thomaes, Lysbeth ende
Alyt de Wilde haere kynderen der evengelyc ende in geliken deele hebben
ende deylen zelen alle der selve haer moeder haeffelike goeden, die naer haer
doot boven haer wettige sculden costen van haer vutvaert ende boven haere
legaten overschieten zelen in eeniger manieren zelen bliven, welke
scheydinge ende deylinge der voirgenoemde goeden hebben de selve Thomaes
Lysbeth ende Alyt de wylde gelooft voir hen haer hoir ende nacomelingen
te houden eeuwelic vast gestentich ende van goeder weerden, ende dair tegen
nemmermeer te doen te seggen oft by anderen doen doen oft seggen in gheender
manieren alle argelist vutgescheyden
eptembry tempore simile
Rommondt Huens
Goevaert, Roye. Andries de ende Jan de Blare gebruederen hebben by
bywesene ende volcomen consente van Janne van Bonicrode, Cornelis van
haren ende Janne Goyheers devercocht Rommonden Huens
Een huys metten hove ende met eenen stuck lants dair aen liggende ende oic
metten gronde etcetera houdende omtrent een buender, gelegen tot Battele tusschen
Ambrosius Lauwers erve aen deen zyde ende Machiel Stevens erve aen dander
comende
zyde Ende een he stuck beempts metten gronde etceterast:t; met eenen weghe
de totter strate toe gronde
drieder gaende gronde etcetera houdende omtrent een half buender luttel min oft
meer, gelegen aldaer, byde Dele tusschen der weduen ende kynderen erve
van wylen Symoen Huens aen deen zyde ende der weduen ende kynderen erve
van Henricken Bellens aen dander zyde. A Domino Mechliniensi, Waranderende. Op vyf capuynen
vuten voerscreven huyse met synen voirscreven toebehoirten, ende op vier chysgulden
vuten voirscreven stuck beempts jaerlix gaende
Assignavit elf
den X denier
X septembry