Transkripte durchsuchen » Stadtarchiv Mechelen

Archivzugang 2, Inventarnummer 938, Blatt 9

Ketele van Hamme ende
syn wyf
Schooff, Winck. Peter van Hamme ende Lysbeth Mons syn wyf Seggende
dat zy gheen wettige kynderen en hadden ende hebben daer van
voir ons gewilt ende openbaerlic geordineert dat de langhstlevende
van hen beyden soe lange die alsdan leven sal paysselic ende
vredelic sal gebruyken alle der haeffelike ende erffelikest:t; goeden
by waer die bynnen oft buyten der stad ende vryheit van Mechelen
bevonden zelen mogen worden, die zy nu tertyt hebben ende namale
hebben ende vercrigen zelen, den wederseggen van yemande oft
oic den rechten Loyen ende coustumen daeraf ter contrarien onderhove
alle de selve goeden na velinghschys
niet tegenstaende. Behoudelic dien dat ^ de doot vanden voirscreven
Peter ende synen wive blivende toecomen ende versterven zelen have
gerechten erfgenamen dien zy naer den rechte vander stad
sculdich zelen syn toe te comen ende te versterven, Oft den
ghenen dien zy die samentlic met testamente oft anderssins
geven ende maken zelen, welke ordinancie wy ende oic Duffle
ende Ghooten, onse medescepenen by crachte vanden statute tanderen
tyden daerop gemaect geconfirmeert ende geapprobeert hebben
Ende by onser ordinaerder macht confirmeren ende opberen, alle
argelist vutgescheyden
Magriete Meermans
Ghooten, Esse. Barble van Lake diemen heet Neefs dochter wylen Jans
van Lake diemen heet Neefs met Symoen Huens haeren man
heeft quytgeschonden los vry ende ledich, Margrieten meer
weduwe wylen des voirscreven Jans van Lake haeren stiefmoeder van
allen den haeffeliken goeden die haer byder doot vanden selve
wylen Janne van Lake haren vader ende dest:t; in eeniger manieren
toecomen ende verstorven syn
XXII decembry
Jan tSalle
Schooten es de Heylwych Stoops met eenen momboir haer met
rechte verleent heeft vercocht Janne tSolle, Een huys met
hove gronde, gelegen inde Zeelstrate tusschen een straetken
streckende totten water toe vader aen deen zyde ende Machie
Quaeypeters erve aen dander zyde. A Domino Mechliniensi, Waranderende. Op thien
scellinge groten Brabants gelts daer vutgaende
Assignavit C ende Rynsgulden
XXIII decembry
Heylwych Stappen
Item de voirscreven Jan tSolle Aerdt van Beneden doude ende
Janne vanden Dycke vetter, der voirscreven Heylwygen, hondert ende
twee Rynsgulden ende een halven goeder te wetene XL groten
Vlaems gelts voir elken de selve Rynsgulden gerekent
Te betalen tot Ompenen naestcomende, Ende hier voir hebben
zy verbonden alle haer haeffelike goeden die zy nu hebben ende
namaels hebben ende vercrigen zelen pont provisit alos
ut supra
Jan de Neve
Ghoot, Ex. Margriete Croes weduwe wylen Henricx Bellens die
inde lyfpensie hier naer bescreven haer heffen ende disposicie behouden
heeft met eenen momboir haer metten rechte verleent heeft
vercocht Jan inden name van Anthonisen ende Janne Smet diemen
heet Sst:t; Bellens haeren kynderen, die zy in haer verving
heeft vercocht Janne de Neve, Twee pondt grote Brabants
gelts jaerliker lyfpensien, die de voirscreven kynderen haer leven lange
geduerende hadden op des voirscreven Jans huys metten hove gronde
ende metten Ramen daerop staende ende oic metten gronde
gelegen opte Aenslagen gegracht tusschen Henricx van Cortryke
ende wylen Jans vanden Kerchove erve aen deen zyde ende Jans
van Battele erve aen dander zyde streckende achterweerts tot
des voirscreven wylen Jans vanden Kerchove erve, Ende voirtaen
op ende aen alle des voirscreven Jans andere erffelike goeden metten
gronde ende haven toebehoirten bynnen der stad ende vryheit
van Mechelen gelegen. A Domino Mechliniensi, Waranderende etcetera
XXII decembry tempore simile
Jan van Bruysel
Dale es. Wouter van Eyke beckere die inde lyfpensie
hierna bescreven syn heffen ende dispositie te hemweerts
behouden heeft, heeft vercocht Janne van Bruyse die
inden name van Adriane ende Machiele van Eyke synen kynderen
die hy in hem vervangen heeft heeft vercocht Janne van Bruessel
twee
drie veertelen Rogs ende drie muddeken Rogs jaerlycx lyfpachte
die de selve syne kynderen haer leven lange geduerende hadden op
ende aen desselfs Jans van Bruysteel huys metten hove gronde
gelegen buyten de Aedegempoorte inde Rechtestrate opten hoeck
vander Ridderstrate aldaer, tusschen de selve strate aen deen zyde
ende de weduen wylen Willem Bellens erve aen dander zyde
A Domino Mechliniensi, Waranderende etcetera
XXIII decembry
Jan van Bekelaer
Dale, Ghooten. Lysbeth van Berkele telke dochter Jans van Berkele
met Peteren Huyghs haeren man, heeft bekent dat huer de selve
Jan van Berkele haer vader, dueghdelic vernueght voldaen ende
te vollen te vreden gestelt heeftst:t; betaelt heeft van allen
alsulken toeseggene ende geloften als hy haer metten voirscreven
Peteren haeren man in huweliker vorweerden oft anderssins in
wat manieren het zyn mach, toegeseet ende gelooft heeft ende
daeraf ende oic van alsulken twee sacken Rogs goede ende
synde
custbaer Mechelscher maten, als hy de voirscreven Lysbetten haer dochter
eens gelooft hadde te betalene naer vutwysen van zekeren vorweerden
daeraf voir zeker mannen van Leenen geschiet, Soe heeft de selve
Lysbeth met haeren voirscreven man quytgeschonden los vry ende
ledich, den voirscreven Janne van Bekelaer haeren vader ende alle anderst:t;
dies quitancie behoeve van desen dage tot eeuwigen dagen
ende alle andere dies quitancie behoeven geheelic ende al
XXI decembry