Browse transcripts » City Archives Mechelen

archive access 2, inventory number 938, page 8

Balle ende Marie
van Heffene
Ghoeten, Expoele. Anthonis van Heffene wylen Vrancx sone, heeft
gegeven ende bewesen Barbelen ende Marien van Heffene natuerlic
kinderen wylen Jorys van Heffene haer desselfs Anthonis brueder
doen hy leefde, die de selve wylen Jorys van wylen Barbelen
vander Hoeven gecregen hadde, achte ende eenen halven gouden
Peters vander munten etcetera te wetene, sessendertich groten Vlaems gelts
voir elken daer selve Peter gerekent, jaerliker ende erffeliker renten
Te heffene over hebbene, altyt tot Kersmisse, dairaff den jersten
termyn van betalingen syn sal van Kersmisse naestcomende overe
jaer dair naer volgende, Op ende aen des voirscreven Anthonis van
Heffene goet oft hoeve geheeten Oliviers goet metten huysen
hoven landen eeusselen vorrelen bosschen wynemolen gronde
ende alle andere haer toebehoirten, alsoe de selve hoeve metten
van
selve toebehoirten inde prochie van heven gelegen is. A Domino Mechliniensi, Waranderende.
met alsulker verwen der condicien, by alsoe eenich vanden
voirgenoemde natuerlike kinderen storven ende aflivich worden, sonder
wettige gebeurte van te liven levende blivende gewonnen
achter te latene, dat van tgedeele van dien alsoe sterven
toecomen ende versterven sal opten anderen te live blivende
ende oft beyde de selve natuerlike kinderen, sonder wettige gebet
inde voirscreven manieren storven, dat in dien gevalle, de voirscreven op
geheele erffelike rente, toecomen ende versterven sal den
gerechten ende wettigen erffgenamen des voirscreven h wylen
Jorys van Heffene haers vaders in oic voir vorweerde ende
ondersproken, dat de voirscreven Anthonis van Heffene, de voirscreven
erffelike rente, sal mogen lossen ende quyten tot eenen male aldaer
als hem dat gelieven sal, voir de somme van hondert ende
ve
voirscreven naer
vyftich gulden Peter, der weerde voirgenoemde den Henrick Adriaen
kinderen de met vollen chyse te betalene, ende Hubrecht vanst:t;
tot behouff vanden selve kinderen heeft daerinne geerft gewee
XXVI decembry
Jan Rabboots
Ghooten, Esse. Jan de Bruyne heeft vercocht Janne Rabboots twee
gouden Rynsgulden goede etcetera te wetene XL groten Vlaems gelts
voir elken der selver Rynsgulden gerekent erffelic chys Te
heffene altyt tot Kersmisse daeraf den yersten termyn van
betalingen syn sal van Kersmisse naestcomende over een jaer
daer naer volgende, Op ende aen des voirscreven Jans drie huysen
metten gronde gelegen deen neven dander opten vliet tussche
Jan
Henricx de Cuypere erve aen deen zyde ende wylen Wouter
Jans erve aen dander zyde, Op negen scellinge groten de
voir vutgaende, Ende op des voirscreven Jans huys metten gronde
gelegen inde Aedegemstrate opten hoeck vanden Penningstrate
tusschen de selve strate aen deen zyde ende der wedue wylen
Jan van Voesdonck erve aen dander zyde, opte waer
van tweentwintich scellinge groten Brabants daer voir vuten
A Domino Mechiniensi, Waranderende etcetera.
Assignavit den XV denier
XXVI denier
Jan vanden Venne
Dale, Duffle. Adriaen ende Claes sPapen gebruederen van hen selven
ende Claes vander Straten inden name van Kathelinen Spiken synen wive
ende des voirscreven Adriaens ende Claes zuster, absent wesende die hy hem
vernueght, Peter de Beckere wylen Daneels sone, inden name van hen
selven oude oic inden name van Adriaene, Janne, Claes, Joes Willeme
ende dierwive sBeckers synen bruederen ende zusteren absent wesende die hy
oic in hen verving, hebben bekent dat zy gehadt ende ontfangen
hebben van Janne vanden Venne droechscheerder, de somme viventwintich
scellinge ende zesse penninge grote Brabants gelts vut zaken vanden
afcoope van hueren gedeelte van drie veertelen Rogs erffpachts
inde prochie van Lyessele gelegen, henlieden byder doot van wylen
Kathelinen Borremans voers haerlieder nichten, toecomen ende verstorven
Ende hebben daeraf de voirscreven bekende inden name als boven
quytgeschonden los vry ende ledich, den voirscreven Janne vanden Venne
ende alle andere dies quitancie behoeven geheelic ende al, Geloven
Voort de voirscreven bekende inden name als boven, voir hem ende voir
haer nacomelinge altyt soe wanneer zy des vanden voirscreven Janne
vercocht zelen worden, te comen voir heer ende hof, daer den
voirscreven pacht gelegen is ende dies aldaer wettelic te verthien
tot des voirscreven Jans ende synder nacomelinge behoef alsoet behoiren
sal sonder eenich wederseggen
XIIIa
Daems Smede
Dale, Schooff. Heer Jan van Lanchem priester heeft vercocht Janne Daeme
Smet, thien scellinge Lovens erffelic chys, Te heffene altyt tot
Kersmisse, Op ende aen des voirscreven heer Jans twee huysen metten
hove gronde gelegen deen neven dander op Neckerspoele inde
Beghynenstrate tusschen Kerstiaene de Roeve erve aen deen zyde
ende Anthonis van Scotteputte erve aen dander zyde. A Domino Mechliniensis, Waranderende.
op thien veerthien scellinge groten Brabants gelts daer voir
vutgaende
Assignavit
XVIII decembry
Lysbeth van Berbele met Peteren Huyghs haeren
man, heeft bekent dat heer Jan van Berbelaer huer vader
dueghdelic vernueght ende voldaen heeft, als van allen
alsulken gelosten