Blader door transcripties » Stadsarchief Mechelen

archieftoegang 2, inventarisnummer 938, pagina 33

Jan Reyers alias Esse
et al
Reyere Brueder hebben
Zoeten, Expoele. Machiel ende Jacop de Elssene, geheeten als
opgedragen tot behoef van Janne de Elssene ende van Janne ende
ge Elssene haeren oem ende van Janne ende Jacopen Reyers alias
twee
Elssene synen kynderen alle recht dat zy hadde in een huysen
metten hove gronde etcetera gelegen deen neven dander op Neckerspoele
inde Rechtestrate tusschen des huys vanden Begaerden erve
aen deen zyde ende Jacop Muyls erve aen dander zyde. A Domino Mechliniensi,
Waranderende etcetera
VII July tempore simile
Jan Steenwegge
et uxore
Item. De voirscreven Jan Reyers alias Elssene, als de vader als een
tochtenere ende oic de voirscreven Jan ende Jacop Reyers syn kynderen
als erfgenamen, hebben terve gegeven Janne Schuerwegge
zovere
ende Lysbetten Sever synen wive de voirgenoemde twee huysen
metten hove gronde boven genoemt. A Domino Mechliniensi. Te besittene
op eenen erffeliken chys van twee gouden Peters ende eenen
halven vander munten, te wetene XXXVI groten Vlaems gelts
betalen
voir elken der selve Peters gerekent Te heffene altyt tot
Sint Jansmisse daeraf den yersten termyn van betalingen syn
sal tot Sint Jansmisse naestcomende, Ende opten voirchys vanden
weerden van twee gelike gouden Peters daer vutgaende
met condicie dat de voirscreven Jan Schuerwegge ende syn wyf
sculdich zelen syn te quitene den anderhalven Peters vanden
den halven Peter daer af tot Sint Jansmisse naestcomende. Item
voirscreven twee Peters ende eenen halven des voirscreven chys, Te wetene
den al anderenst:t; Peter daeraf, bynnen vier jaeren daer naer te
een
stont vervolgende, Ende den voirscreven anderen Peteren zelen de
voirscreven Jan ende syn wyf mogen quyten altyt als hem dat gelieven
sal, Te wetene elken Peter vanden voirscreven twee ende eenen
twintich
halven Peters met achtene geliker Peters eens met
vollen chyse daer voir te betalen
VI July
Receptor
al
Anthoenis Boom
Heergys. Jan vanden Wouwe wylen Willems sone vanden
Wouwere inden name van hem selven, ende oic inden name van
Willeme vanden Wouwe synen brueder absent wesende die hy
in hen verving, heeft vercocht Anthonisen Boom, Een huys
metten hove gronde etcetera geheeten Scaecberct gelegen
buyten der Oversterpoorte inde Rechte strate tusschen heer
Jans vanden Beckene priesters erve aen deen zyde ende
Aerd vander Hoeven erve aen dander zyde. A Domino Mechliniensi, Waranderende.
op twee chysgulden ende derthien pondt payments erffelic
ende vier peters lyftochten daer vutgaende
VII July
Lysbeth van Riemen
Hamme, Ex. Rommond de Groote ende Henrick Mathys van svader
wegen ende Jan van Rommen ende Merten van Riemen syn sone
vander moeder wegen als momboiren ende inden name van Mertene
weduwe wylen des voirscreven Henricx Spapen van allen den haeffelike
sPapen wylen Henricx Spapen sone infra annos dien sy in hen vervingen
hebben quytgeschonden los vry ende ledich, Lysbetten van Riemen
goeden die den voirscreven Merten Spaen haeren sone byder doot
vanden selven wylen Henricken synen vader ende der selver weduen
man doen hy leefde in eeniger manieren verstorven mogen
syn
IX July tempore simile
de selve
Horma, Peter Katheline Spaen, metten voirscreven Henricke Mathys haere
man ende Lysbeth Spapen van zuster met Rommond Caluwaerts oic
haeren man hebben quytgeschonden los vry ende ledich, Lysbetten
haerer stiefmoeder
van Riemen wedue wylen des voirscreven Henricx Spapen van Hallen
den haeffelike goeden die hen byder doot vanden selven wylen
Henricken haeren vader ende de der selver weduen man
we doen hy leefde in eeniger manieren verstorven mogen syn
ut supra
Jorys Caluwaerts
Ghote, Ex. Margriete vander Cammen, wedue wylen Jan Caluwaerts
inden name van haer selven, Ende Willem Ymbrechts Wouter
Hermans ende Anthonis vanden Hove als momboiren ende onder
name van Lysbetten Caluwaerts des voirscreven wylen Jan Caluwaerts
dochter infra annos etcetera die sy in hen vervingen, hebben bekent dat
henlieden Jorys Caluwaerts des voirscreven wylen Jans brueder ende
de voirscreven weduen man doen hy leefde goede ende rechtveerdige
Rekeninge ende bewys gedaen heeft van alsulken bewinde
ende Regimente als hy gehadt heeft van alsulken haeffelike
goeden als achter den voirscreven wylen Janne Caluwaerts de voirscreven
weduen man ende achter wylen Philips Caluwaerts der voirscreven
Lysbetten onder vader gebleven syn, Ende daer af ende oic van
alle der moeyenissen ende quellingen die sy den voirscreven Jorysen
vut zaken vanden voirscreven bewinde oft anderssins soude mogen
doen oft heysschen, Soe hebben de voirscreven wedue ende momboirs
inden name als boven quytgeschonden los vry ende ledich
den voirscreven Jorysen ende alle andere dies quitancie behoeven
geheelic ende al
XI July tempore simile
Magriete vander
cammen
Item. De voirscreven Jorys Caluwaerts ende Anthonis vanden Hove
van svaders wegen ende de voirscreven Willem Ymbrechts ende Wouter
Hermans vander moeder wegen als momboiren ende inden name
vander voirscreven Lysbetten de dochter infra annos etcetera die sy in hen
vervingen hebben quytgeschonden los vry ende ledich, de voirscreven
Margrieten de weduen van allen den haeffeliken goeden
die de voirscreven Lysbetten byder doot vanden voirscreven wylen Janne
Caluwaerts haeren vader ende der selver weduen man voir
hy leefde in eeniger manieren verstorven mogen syn
ut supra