Blader door transcripties » Stadsarchief Mechelen

archieftoegang 2, inventarisnummer 938, pagina 28

Gielis Vrancx
Dale, Ghoeten. Laureys vanden Beempt vanden tselve voir deen helft
ende Gielis van Wilgaerden ende van Weeldeken van svaders wegen Lodewyc
van Baker ende Jan van Petegem vander moeder wegen, als momboiren
ende inden name van allen den wettigen kynderen van wylen Janne vanden
Leemputte, die hy van Machilden van Berlaer synen wive vercregen heeft
et oic die sy in hen vervingen voir dander helft, hebben bekent
dat sy gehadt ende ontfangen hebben van Gielisen Vrancx tzestich
gouden Peters te wetene XVIII stuvers voir elken Peter gerekent, die
de selve Gielis henlieden vut saken vanden coepe van zekeren goeden
onder Rymenam gelegen sculdich ende tachter was, Ende daeraf
hebben de voirscreven Lureys ende oic de voirscreven momboiren inden
name ende voir haer deelen als boven quytgeschonden los vry ende
ledich, Aerde Cleynaerts tot des voirscreven Gielis Vrancx behoef
ende alle andere dies quitancie behoeven, geheelic ende al, Ende
daer toe hebben de selve momboiren inden name als boven
gelooft oft gebuerde dat den voirscreven Gielissen by des voirgenoemde
wylen Jans vanden Leemputte kynderen boven genoemt in haerlieden
gedeelte vanden voirscreven goeden, eenigen stoot oft achterdeel gedaen
worden in toecomenden tyden, dat sy alsdan den selven Gielisen
daeraf ende van allen anderen costen die hy daeromme soude moeten
lyden, altyt scadeloes quythouden ende ontlasten zelen sonder
eenich wederseggen
XVIIIa may
Jan Rabboots
Dale, Wynkele, Katheline van Schoeten, met Janne Wageman
haeren man ende momboir, heeft vercocht Janne Rabboots
haer tweederdendeel van eenen stuck lants oft blocx metten
toebehoirt
gronde, dairaf tderde derdendeel Kerstaende Sander houden
int geheele omtrent drie vierendeel, gelegen inde prochie
van Hombeke, tusschen des goidshuys van Lelyendale erve
aen deen zyde ende Jans van Assche erve aen dander zyde
streckende achterweerts tot aent Middelvelt. A Domino Mechliniensi, Waranderende.
op een pondt thien scellinge payments vuten voirscreven geheele
stuck lants oft blocx jaerlicx gaende
Assignavit XVIII Peters
XXVII may tempore simile
infirmaria infra
Wyele, Hamme. Janne Vrancx tot behoef vanden crancken heeft verreyct
Een huys metten hove gronde dat wylen Janne Hoeckaert
toe plach te hoeren, gelegen te Heffene byde Zenne, tusschen wylen
kynderen
Peter Ambachts erve aen deen zyde ende Andries de Witte erve
Ex censu
XIX may tempore simile
Wouter vander
Varent
Wynkele, Hamme. Aerdt Cleynaerts tot behoef van Wouteren vanden
Varent heeft verreyct een huys metten gronde, dat wylen
Peteren van Rykenrode toe plach te hoiren, gelegen inde
Bakenstrate tusschen Rommond Ymbrechts erve ende Lysbetten
sMoors erve, Ende een stuck lants metten gronde dat
oic den voirscreven wylen Peteren toe plach te hoiren, houdende
omtrent een vierendeel ende driendertich Roeden, gelegen
buyten de Brueselpoorte, tusschen wylen Willem Bellens erve
ende de gemeyn strate. Ex censu
XIX may tempore simile
Jan van Hamme
Visschere
Wynkele, Hamme. Jan van Hamme Visschere, heeft verreyct een huys metten
hove ende met eenen stucken lants daer aen liggende dat wile
Mathysen Stuers toe plach te hoiren houdende omtrent een
vierendeel gelegen houwegen tusschen de Heerstrate ende
Anthonis Hood erve, Ende een half buender lants dat
oic der voirscreven Mathys toe plach te hoiren, gehoude
omtrent een half buenderst:t;, gelegen in Hombekerbroeck tusschen
der weduen wylen Henricx Keermans erve ende der taflen
des Heylichs Gheeste van Sinte Rommond erve. Ex pactu
ut supra
Heer Lodewyc van
Cothem priester
Dale, Duffle. Heer Lodewyc van Cothem priester, heeft verreyct
twee cronen erffelicx chys die Andries van Steenwynckele
ende die hy hadde
toe plagen te hoiren, op een huys metten gronde de
Polbetaen geheeten, dat Peteren Gheerd toebehoirt gelegen
opten Soutwerf tusschen Jan Gheel Gheylens erve aen
deen zyde ende Henric Ghootens erve, aen dander zyde
voir scult die hem de voirscreven Andries van Steenwynckele
oic betaelde
tachten
sculdich st:t; was ende in
ut supra tempore simile
Magriete van
Steynemolen
tot behoeff van Magriete van Steynemolen
Wynkele Hanne Gielis van Steynemolen, heeft verreyct een stuck
lants metten gronde, dat Godevaerde Yswyn toe plach te
hoeren, houdende omtrent een buender gelegen te Heffene
opten Cleynen Hofacker, tusschen Jans Stalen erve ende
wylen den Denys Lambeerts erve streckende de tot aent strate
Ex partu
ut supra tempore simile