Blader door transcripties » Stadsarchief Mechelen

archieftoegang 2, inventarisnummer 938, pagina 26

Jan vanden Bode
et uxore
Goeten, Expoele. Jacop tSermertens huyvetters heeft opgedragen, tot behoef
van Janne vanden Rode ende Margrieten Guedens synen wive, een
huys metten hove gronde dat Barblen, Gielis Lansloot vanden
Vliete wive toehoirde gelegen inde Molenstrate tusschen eenen
wech gaende totten water aldaer aen deen zyde ende den voort
aen dander zyde, gelyc ende in alder manieren Aerdt Cleynaerts
tot des voirscreven Jacops behoef tvoirscreven huys metten hove tanderen
tyden voir achterstelligen chys die de selve Jacop daer op heeft
wettelic vutgewonnen ende verreyct heeft. A Domino Mechliniensi, Waranderende etcetera
Behoudelic den selven Jacoppen synen chyse ende allen anderen die
chys op hebben
V aprilis tempore simile
Magriete Broes
Cale, Wyele. Rommonde, Willem Anthonis ende Margriete scaeren diemen
heet Bellens, inden name van hen selven Janne va Pauwels
ende Jan vanden Bossche van svaders wegen ende oic de voirscreven Rommond
Bellens ende Aerdt Mathys vander moeder wegen, als momboiren ende
inden name van Janne Augustinen Jasparen Baltaser Lysbetten
ende Kathelinen Bellens, des voirscreven Rommonde bruederen ende zusteren oude
haer jaeren van discreciecien wesende die sy in hen vervangen hebben
Ende hebben quytgeschonden los vry ende ledich, Margrieten
Croes weduen wylen Henricken Smet diemen heet Bellens der
selver kynderen moeder van allen den haeffeliken goeden, die
den voirgenoemde kynderen Bellens byder doot vanden voirscreven wylen
Henricken Bellens haerlieder vader ende der selver weduen man
doen hy leefde in eeniger manieren verstorven mogen syn
ut supra tempore simile
priester
Heer Peter Scheelkens
voir hen ende voir haerst:t; nacomelingen, oft gebuerde byden wille goeden
Zoeten, Expoele. Aerdt Verstraten ende Lysbeth Salle syn wyf hebben gelooft
inhove
dat Aerdt Verstraten haerer beyder sone voir heer Peteren Scelkens priester
die tot desselfs Aerd des soons live gecocht heeft opte stad van
soene
Mechelen, thien scellinge ouder groten Turnoyse lyfpensien dat in
dien gevalle hy den voirscreven heer Peteren soe lange hy alsdan leven
sal, jaerlicx gelden ende betalen zelen, gelike thien scellinge ouden
groten lyfpensien, tot twee terminen tsiaers daeraf den yersten termyn
syn ende by beghynen sal bynnen eenen halven jaer naer des voirscreven
Aerds des soons doot ende den anderen termyn bynnen eenen halven jaer daer
naer ende soe voort van jaer te jaer ende van termine te termine alsoe lange
als de voirscreven heer Peter leven sal, Ende omder meerder zekerheit den
selven heer Peteren daer af te doene, Soe hebben de voirscreven Aert ende
syn wyf daer voir verbonden ende te pande geset alle haere haeffelike
ende erffelike goeden metten gronde bynnen etcetera gelegen die sy nu
hebben ende namaels hebben ende vercrigen zelen. A Domino Mechliniensi,
V aprilis tempore simile
alle inden selve
Joerdaen de Lepele
Wynkele, Duffle. Andries van Ghele diemen heet vander Strate, heeft
vercocht Joerdane de Lepelmakere diemen heet Inden Ezel Een
stucxken bempts metten gronde, houdende omtrent een
vierendeel gelegen in Hombekerbroeck, tusschen Bartelmeus vanden
Bossche ende Jans van Yetegem streckende tot aent Vrybroeck
A Domino Mechliniensi, Waranderende sonder eenigen last van chyse oft anderen commer
daer vutgaende, Ende om der meerder zekerheit den voirscreven Jordane
vander selver waerscap te doene, Soe heeft de selve Andries daer
voir verbonden een block metten gronde houdende omtrent
een buender, gelegen tot Gheerdegeem inde Rechtestrate van
Zempse, tusschen de selve strate aen deen zyde ende een
cleyn straetken aldaer aen dander zyde st:t; op anderhalve
veertele Rogs daer voir vutgaende. A Domino Mechliniensi,
Assignavit XXXVII Rinsgulden
X aprilis tempore simile
Wouter Peters
by consente ende bywesen van Janne vander
Wynkele, Duffle. Jan Peters Wouter Peters sone heeft quytgeschonden los sper
vry ende ledich, den selven Wouteren synen vader van allen den momboir
haeffeliken goeden die hem byder doot van wylen Kathelinen lants
synder moeder ende des voirscreven Wouters wyf doen sy leefde in eenige
manieren verstorven syn
XIII aprilis
deselve ende Jan
vander Spreet
officiate van
na
Item. De voirscreven Jan Peters heeft bekent dat hem de voirscreven Wouter
vanden
syn vader ende oic Jan V preet syn momboir goede rechtveerdige
Rekeninge ende bewys gedaen hebben van allen alsulken haeffelike
goeden als hem byder doot vander voirscreven synder moeder verstorven syn
hem byder doot van wylenst:t;
Ende oic van alsulken penningen als hy vele
Dierick Peter wylen Lysbeth Verspreet, Peteren Peters des voirscreven Jans
brueder in haeren testamente gemaect ende gelaten heeft ende
die vanden voirscrevenst:t; selven Janne al nu byder doot vanden selven
Peteren synen brueder toecomen ende verstorven syn, Ende daeraf
ende oic van allen anderen moeyenissen sommen van penningen ende
andere dingen die hy den voirscreven synen vader ende Janne Verspreet
vut saken vanden voirscreven Regimente oft anderssins soude mogen
doen oft heysschen, heeft de voirscreven Jan Peters quytgeschonden los
vry ende ledich den selven Wouteren synen vader ende Janne Verspreet
ende alle andere dies quitancie behoeven geheelic ende al
ut supra