Browse transcripts » City Archives Mechelen

archive access 2, inventory number 938, page 13

Casen van Outersgate
Wynkele, Hamme. Peter vander Nyen alias van Genuechten, heeft
Opgedragen tot behoef van Claesen van Outersgate, de helft
van twee huysen oft cameren metten hove gronde gelegen
deen neven dander inde Hooghstrate byde Overste poorte, tusschen
Jans vanden Kerchove aen deen zyde ende Willems vander
Hoeven erve aen dander zyde. A Johannes de Oeyenbrugge, Waranderende. Opten
heeft thien oude groten Turnoyse negen chysgulden ende drie vierendeel
van eenen chysgulden ende van twee capuynen daer vuytgaende
Behoudelic dien dat de selve helft vanden voirscreven huyse onderpant
nu voir dander helft vanden selven chyse
X January tempore simile
Henrick Boys
Wyele, Hamme. Lysbeth van Post wedue wylen Jans van Berthem met
eenen momboir haer metten rechte verleent heeft opgedragen haer
tocht die zy hadde in een huys metten hove gronde gelegen
buyten der Aedegempoorten inde Rechte strate tusschen Peters van
Waerloes erve aen deen zyde ende Jan Spierincx erve aen
dander zyde, Ende in eenen hof metten gronde gelegen aldaer
tegen tselve huys over tusschen des goidshuys van Betanien
erve aen deen zyde ende wylen Reyners de Coste ende Godevaerts
int Swaenken erve aen dander zyde. A monialibus, Juravit tot
Jouffrou
behoef van Cornelisen, Janne, Lysbetten ende Kathelinen van Berthem
haeren kynderen, de selve Jan ende Lysbeth tot haeren ende desselfs
Cornelis ende Katheline haeren brueder ende zuster behoef waerden
daerinne gegoedt, Ende daer naer hebben de voirscreven Jan van
Berthem voir deen vierendeel ende by de voirscreven jouffrou Lysbeth st:t;
beghine, met eenen momboir voir dander vierendeel vercocht
Henricken Boys tot synen ende Margrieten vander Beke syns wyf
behoef va haer twee vierendeelen vanden voirgenoemde huyse
metten hove ende vanden voirscreven anderen hove ende oic metten gronde
Waranderende. Op derthien oude grote Turnoyse ende vyfthien pondt
payments vuten voirscreven geheelen huyse metten hove ende op
sesthien scellinge Lovens vuten voirscreven geheelen hove jaerlicx
gaende
January tempore simile
Gielis Vrancx
Hamme, Ghoeten. Janst:t; Kerstiaen ende Katheline Lyedekens, Rommond
Lyedekens kynderen ende Jehanne Lyedekens haerlieder zuster met
Willeme van Relle haeren man voir hen selven ende oic
inden name van Joese ende Rommonde Lyedekens haerlieder brueder
absent wesende, die sy in hen vervingen, Ende oic de voirscreven Rommont
de van
syn brueder
Lyedekens ende Bartelmeus Lyedekens gebruederst:t; ende oic de voirscreven
Jan Lyedekens, Willem vanden Voorde ende Gielis de Meyere
de Neve
als momboiren ende inden name van Margrieten des voirscreven
Gielis Meyers ende wylen Lysbetten Lyedekens syns wyfs
dochter die de voirscreven kynderen Lyedekens zuster dochter wylen
doen zy leefde, onder haer jaeren wesende die sy in hen vervingen
hebben bekent dat zy gehadt ende ontfangen hebben van
Gielis Vrancx, twee hondert gouden Peters te wetene XVIII
stuvers voir elken Peter gerekent in afslage van eenenst:t;
alsulken twee der half hondert Peters, als de voirscreven Gielis
den voirscreven kynderen vut zaken vanden coope vander helft
van eenen bempde tot Battele gelegen, sculdich ende tachter
was, Ende van dien twee hondert Peters hebben de voirscreven
kynderen ende momboiren inden name als boven quytgeschonden
los vry ende ledich, Aerde Cleynaerts tot des voirscreven Gielis
behoef ende alle andere dies quitancie behoeven
XIX Juny
Jan Joes
Wyele, Goeten. Jan vanden Bossche, heeft opgedragen tot behoef
van Halen, diemen heet
van Janne Joes, acht chysgulden erffelic chys, die hy hadde
op een huys metten hove, dat Jan wylen Janne Borreman
toe plach te hoiren gelegen inde Yperstrate, tusschen
wylen Jan Brueders erve aen deen zyde ende de woeninge
vanden Nuwensteene aen dander zyde. A Johannes de Oeyenbrugge
Waranderende etcetera.
X Juny tempore simile
Jan vanden Bossche
Item. De voirscreven Jan van Halen alias Joes, heeft bewesen
den voirscreven Janne vanden Bossche, vyf chysgulden erffelic chys
Te heffene altyt tot Kersmisse, daer af den yersten van betalinge
syn sal tot Kersmisse naestcomende, Op ende aen des voirscreven Jans
van Halen acht chysgulden des voirscreven chys die hy heeft
op tvoirscreven huys metten hove, A Domino Johannes de Oeyenbrugge
Waranderende etcetera met alsulker condicien dat de voirscreven Jan van
halen sculdich sal syn te quiten de voirscreven vyf chysgulden
ten terminen hier na volgende
des voirscreven chys Te wetene den eenen daer af tot Kersmisse
naestcomende, Ende alsoe voirtaen alle Kersmisse alsdan
deen na dander volgende eenen chysgulden, tot dier tyt toe
dat de voirscreven vyf gulden geheelic ende al gequeten sullen
syn ende elken gulden daeraf met zesthiene der gelike
gulden eens met vollen chyse daer voir te betalen
ut supra