Blader door transcripties » Stadsarchief Mechelen

archieftoegang 2, inventarisnummer 938, pagina 133

Cornelis Yngelram
Baerdeghe, Mol. Wouter de Vryese ende Aert Cloet, als
momboiren ende inden name van Jehannen Daneels weduen
van wylen Janne Fytiers de die haer discrecien ende synen
derft ende ongebruytich is, hebben ende die sy in hen vervingen
hebben vercocht Cornelis Yngelram, de tocht, die de voerscreven
Jehanne de wedue hadde in een huys metter vetterien
gronde etcetera gelegen inden Vettersham inde Corteridderstrate
tusschen Gheerde van Leest erve aen deen zyde ende
Cornelis Caluwaerts erve aen dander zyde, Ende in eenen
hof metten gronde etcetera gelegen aldaer tegen over tusschen
Wouters sKempeneren erve aen deen zyde ende der weduen ende kynderen van
wylen Henricken van Oprode erve aen dander zyde
A Domino Mechliensi, Waranderende etcetera
VIII marty
Katlyne Mylemans ende
Katlyne van Hoebeke
Bossche, Zoeten. Jan Barbier tot behoef van Kathelynen
Mylemans ende van Kathelinen vander Hoebraken haeren
natuerliker dochter, die wylen Jan vander Hoebraken diemen
hyer poort van haer vercregen heeft, heeft verreyct, een
huys metten gronde, dat den selven wylen Janne toe plach
te hoerene, gelegen inde Hoofstrate, tusschen
een hofstadt toehoerende den goidshuyse van Sinte Bernaerts
aen deen zyde ende Jans de Heelt erve, aen dander zyde
Ex vitali pensione, qua dit Katherina et eene filia anno
dan ende haere docter
ut supra
Katlyne Wulverick
Mol, Bossche. Gielis vander Gracht diemen heet van Aelst tot behoef van
Kathelinen Wylerick synder huysvrouwe heeft verreyct, tvierendeel
ende alle trecht, dwelc wylen jouffrou Machtilt van Loeven te
hebben plach in een woeninge metten hove bogaerde gronde
houdende omtrent drie vierendeel geheeten tHof van Barblegem
tot Barbleghem gelegen. Item in omtrent neghentien buenderen
wynnende lants. Item in omtrent elf buenderen broeclants
ende eeussels, Item in twee buenderen bempts ende in omtrent
drie vierendeel beempts geheeten den Ham, Ende in omtrent
vyf vierendeelst:t; buender winnen lants ende een buender
bempts geheeten erffelike helft wynninge behoeren totten
voerscreven goeden, tot Barblegeem oic ende daer omtrent
gelegen, Ex pactu
ut supra tempore simile
Jan Mol
Bossche, Goeten. Janne Barbier tot behoef van Jan Mol, heeft
verreyct, Een huys geheeten de Berge metten gronde etcetera dat
Meester Jan Trabukier, toebehoirt gelegen inde Naustrate
Tusschen Peter Bruynbaerts erve aen deen zyde ende
Ex censu
ut supra
Janne Mathys
Barble ende Lysbeth
dekens
vanden Mol. Jan Mathys, om der meerder
zekerheyt te doen, Barblen ende Lysbetten Adelen
wettighe kynderen Andries Adelien vander betalinge
van alsulken vier gouden Peters vander munten etcetera
goede etcetera te weten, sessendertich groten Vlaems
gelts voir elken van dien gerekent jaerliker lyfpensien
als sy ende de langstlevende van hen beyden, hebben
toehoerende den voergenoemde
op drie huysen metten hoven gronde etcetera gelegen deen
neven dandere tot Neckerspoele inde Beghinenstrate
tusschen wylen Claes van Ghindere erve, diemen heet
de Pottere, aen deen zyde ende Jans Yueten erve aen
dander zyde, gelyc dat clairliken inden brieve
daer op gemaect er begrepen staet, Soe heeft
De voirgenoemde Jan Mathys der voirgenoemde Barblen ende Lysbetten
ende tonderpande geset, Een half buender lants
Adelen in tytule van gewarigen pande verbonden
gelegen achter Caputsteen tusschen Jan Goetens erve
aen deen zyde ende der jouffrou Bruynleers beghynen erve
aen dander zyde, op vier pond payments, daer
jaerlicx voir vutgaende, Ende op alsulken last dat
tvoirgenoemde half buender lants medepant is ende bliven
zal, voir vier chysgulden ende eenen Peter erffelic
ende voer een crone ende zesse Rynsgulden lyfpensien
gaende jaerlicx vuten voirscreven half buender lants, Ende
vut eenen huyse metten hove tegelegen inden
Heembempt, tusschen Henricx Wychmans erve aen
deen zyde ende Hubrecht Mens erve aen dander zyde
Ende oic vut eenen hove metter schueren gronde
gelegen buyten de Coepoirte, tusschen der weduen
van Wouteren Caluwaerts erve aen deen zyde ende der
voirscreven jouffrou Bruyneers erve aen dander zyde
der