Blader door transcripties » Stadsarchief Mechelen

archieftoegang 2, inventarisnummer 938, pagina 124

gronde etcetera gelegen toehoerende Hubrecht Mast
gelegen inde Nuwestrate datmen heet tstraetken
vanden Eynde in Onser Vrouwen prochie van Mechelen
tusschen thuys de Clocke geheeten toehoerende Janne
de lange aen dest:t; den kynderen van wylen Janne de
Lange aen deen zyde ende der weduen ende
kynderen erve van wylen Janne van Heffene, aen dander
zyde, Ende op des voergenoemde Hubrecht vier huysen
metten hoven gronde etcetera gelegen deen neven dandere
inde voerscreven Nuwestrate tegen tvoergenoemde yerste huys
over tusschen wylen Henricx Moens erve aen deen
zyde ende wylen Aerts van Beringhen erve aen
dander zyde. A Domino Mechliniensi, Waranderende.
VIII february
de Heyligeest
van Sint Jans
ende om dexecucie vanden
selve haeren testamente
te volbringen ende
voldoen
Heelt, Mol. Jan de Moor alias Inden Palmboom, heeft
vercocht heer Willem sCosters priester ende Jorys Consaert
als executeurs ende tot behoef vander ervest:t; vanden
testamente van ende vutersten wille van wylen Machiels
vanden Hoogherbraken, Mathys vanden Broeke diemen heet
Musch huysvrouwen ende oic tot behoef vander taflen
des Heylichs Geests vander prochie kerken van Sint Jans
bynnen Mechelen, wive ende eenen halven gouden
Rynsgulden erffeliker renten, als de selve Jan de
Moor heeft opte stad van Mechelen vallen jaerlicx
deen helft daeraf opten lesten dach van Aprille
ende dander helft opten lesten dach van octobry gelyc
als dat claerlic blyct byden principale brieve
vander voirscreven staet daer op gemaect ende metter
selver stad zegele bezegelt, Ende tot desen heeft
Anthonis Boom, een der rentmeester vander
selver stad behoudelic der selver daerinne
Heeren rechte syn consent gegeven
I february tempore simile
Renus vanden
testamente van wylen
vanden Hubraken
Heelt, Mol. Jan vanden Nuwermoelen Jan vanden
Breyne ende Henrick de Moor hebben den voerscreven
testamente executeurs scadeloes ende costeloes
quyt te houden ende tot tontheffen van allen
calengien ende moeyenissen die jouffrou Lysbeth
Adeken wylen Augustyns dochter vut zaken
vander tocht die sy inde voirscreven erffelike rente
onder
hadde ende die hem nu op een half pond groten lyftocht
ende op zekere andere goeden den voerscreven Janne de Moor
toebehoerende bewesen is in toecomenden tyden
soude moegen doen in eeniger manieren
III february tempore simile
Denys Sanders
Gestelle, Mol. Jaspar van Lint heeft vercocht Denys
Sanders veerthien groote ende eenen halve Brabants gelts
erffelic chys, die hy hadde op desselfs Denys huys
metten hove gronde etcetera gelegen buyten der Oeversten
poirten, aldaer men te Huenbeke waert gaet tusschen
Jans de Beyere erve aen deen zyde ende Lodewycx
van Heffene erve aen dander zyde. A Domino Mechliniensi, Waranderende etcetera
ut supra tempore
Jan Clercx priester
Balen, Ghoeten. Gielman, Smet ende Lysbeth sLeeuwe
syn wyf hebben vercocht heer Janne Clercx priester
Een huys metten hove gronde etcetera gelegen inde
Augustynstrate, tusschen Jacop vanden Velde
erve aen deen zyde ende wylen Jan Raes erve
aen dander zyde streckende achterweerts totten
vliete toe aldaer. A Domino Mechliniensi, Waranderende. Op zeven scellinge groten
Brabants gelts daer jaerlicx gaende
Assignavit XIIen
XX february