Blader door transcripties » Stadsarchief Mechelen

archieftoegang 2, inventarisnummer 938, pagina 115

oic haer over heer Peters
anno XXa augusty posita
Claes van Bost
Heelt, Bossche. Jan Smede voerman, heeft vercocht Claese van Bosse
als moelenere, Een stuck lants metten gronde, houdende
omtrent een half buender, gelegen buyten der Oversterpoorte
op Gheerdegemervelt tusschen des huys vander Ziekerlieden
erve aen deen zyde ende Jans de Beckere erve aen danderst:t;
Ende ende der heeren van Pitsenborch erve aen dander zyde
Ende een stuc lants metten gronde, houdende oic omtrent
een half buender gelegen buyten de Brueselpoorten opt
Werfheyde tusschen Rommonds van Baerdegeem erve, aen
beyde zyde. A Domino Mechliniensis, Waranderende. Op twee scellinge Lovens
vuten voirscreven yersten stuck lants ende sonder eenigen chys
vuten anderen stuc lants jaerlix gaende
Assignavit XXX Peters
XV January
Jan Smet
Heelt, Bossche, Staes Scessens, heeft bekent dat hem de voirscreven Jan
Smede dueghdelic vernueght ende betaelt heeft vander
sommen van sessentsestich gouden Rynsgulden goede etcetera
die de voirscreven Jan Sme den selven Staes tanderen tyden
te wetene opten XXVIIen dach van es februario les
voirscepenen van Mechelen bekent hadde sculdich te wesen
Ende heeft daeraf de voirscreven Staes quytgeschonden los vry
ende ledich, den selven Janne Smed ende alle andere dies quyte
behoeven geheelic ende al
ut supra
de kinderen
Ymbrechts
Helt, Dogge. Rommond Ymbrechts wylen Willem
Ymbrechts soon van synen yersten wive heeft opgedragen
ende overgegeven tot behoef van Lyen Lodewycken
Mertene ende Margrieten Ymbrechts, oic des
voirscreven wylen Willems kynderen van synen na wive
alsulken haeffeliken ende erffeliken goeden, als achter
alsulken recht ende deel als hy hadde ende hem
toecomen ende verstorven mach syn in alle
den voirscreven wylen Willem Ymbrechts synen vader
gebleven syn, bynnen der stad ende vryheyt van
Mechelen wesende ende gelegen. A Domino Mechliniensi, Waranderende etcetera.
de voirscreven Loy, ad erve accorum supra et sorores
fuit adheridatus
et locum prolis Quisthout
Jan Prise ende positus
XI January
Marie Ghysels
Bege, bossche, Joes de Witte woenende tot Putte, heeft gelooft ongevrydt
naer der divisen recht Margen Ghysels weduen wylen Wouter
cum Jo h wedue wylen Jans van Poste
tSermertens, dat hy van nu voertaene wel ende loffelic houden
sal alsulken huysen met zekeren goeden daer toebehoerende
onder Putte gelegen ende die hy onlancx tegen der selver weduen
terve genomen heeft ende dat hy de selve huysen negheenssins
vercoepen noch afbreken noch vanden goede ende sal mogen
doen oft doen doen ende daer toe dat hy vanden aende voirscreven
goede gheenderhande hont aende vorrelen afhouwen en sal
Jans
ten sal Sesse ende wesen vutgenomen aenden vieren cause vanden
vorrelen sal hy mogen houwen broeden ende voerene, om tselve
goet mede te beheynen ende oic scrancken de Willegen aent
selve goet staende, tallen tyden als hem dat gelieven sal
Item dat hy gheen bosschen den selven goede toebehoirende
houwen ende sal, sy en zelen dest:t;allest:t;
dat constumelic is ende op alsulken mate als dat constumels
es, Ende dat hy dese goede soenen ende moegen sal soo
dat gelyc dat ter profyte vanden selven goede vast diemen
ende behoeren sal, behoudelic dien datst:t; Item daer toe heeft
hy gelooft inder manieren als boven, dat hy inde manieren deen
scepenen brief van Putte verclaert betalen sal, der voirscreven weduen
haer rente ende dat hy tselve goet niet en sal mogen laten
liggende dair v met vollen betalingen vanden pachte die
de selve weduwe daerop behouden heeft, alle argelist
hierinne vutgescheyden
XIIII January
in syn wyf
Katlyne van Malle
Aa, Heelt, daghenst:t; Heer Jan vander Eyken priester, inden name vanden
fabriken van Sinte Rommond kercke te Mechelen, by bywesen
ende volcomen consente van Willeme Schoof ende Willem vanden
Wynckele commoingmeester vander stad van Mechelen, die
daer toe by gebreke van dat de selve fabrike gheen
kercmeesters ende heeft ende oic by overdragen van onsen
medescepenen gecomitteert ende gestelt syn vercocht heeft
vercocht derthier Lysbetten van Laken Arthurs van Maldere
huysvrouwen, tot Haren ende desselfs haers mans behoef
drie huysen metten hove gronde die toebehoerende plagen wylen
haer vast ende vercrevenst:t; Castiaende banne priester ende die hy
der selver kercken by synen testamente gegeven ende gemaect
heeft gelegen deen neven dander opte Wollemerct tusschen
wylen Janne Hoeden erve aen deen zyde ende Rommond Elenvoirts
op
erve aen dander zyde. A Domino Mechliniensi, Waranderende. Op tweentwintst:t;
tweendertich scellinge groten Brabants gelts daer vutgaende
Assignavi
ut suprast:t;