Blader door transcripties » Stadsarchief Mechelen

archieftoegang 2, inventarisnummer 938, pagina 114

Item noch op een stuc lants houdende oic omtrent een dachmalen
gelegen aldaer, tusschen des voirscreven goidshuys erve aen deen
zyde ende Peters vander Cammen erve aen dander zyde. Item noch
op een stuc lants houdende vier Roeden geheeten den Coote
gelegen aldaer, tusschen der voirscreven heer vander capst:t;
Capittelen erve aen deen zyde ende tvoirscreven leste stuck lants
aen dander zyde streckende tot aen de voirscreven Peters
vander cammeren vut, Ende op een stuc lants houdende
omtrent tweentzeventich Roeden, gelegen opte Berct
tusschen des voirscreven godshuys erve, aen de drie zyden ende
de strate aende vierde zyde. A Domino Mechliniensi, Waranderende. Sonder eenigen
last van chyse daervoir vutgaende
I tempore simile
Willem Vriends
ende syn wyf
Aa, Heelt. Willem Vriends ende Barble Boydens wylen Gheerde
dochter syn wyf, Seggende dat sy gheen wettige kynderen een
hadden ende hebben daeromme voir ons gewilt ende openbaerlic
geordineert, dat de langhstlevende van hen beyden rustelic ende
bredelic soe lange hy alsdan sal leven, hebben houden ende
gebruyken sal alle alsulke haeffelike ende erffelike goeden bynnen
der vryheit vander stad van Mechelen gelegen als sy nu ter tyt
hebben ende namaels tsamen zelen mogen hebben ende vercrigen
den wederseggene vanden erffgenamen vanden yersten stervene van
hen beyden, Ende oic den rechten loyen ende gewoenten vander selven
stad hierinne ter contrarien onderhouden niet tegenstaende
Behoudelic dien dat alle de selve goeden, blivende na de doot
vanden voirscreven langhstlevenden toecomen ende versterven zelen
haeren gerechten ende gewarigen erfgenamen dien die goede
naer den rechte vander voirscreven stad sculdich zelen syn toetecomen
ende te versterven, oft den ghenen dien de voirscreven Willem ende
syn wyf die goeden met testamente oft anderssins geven
oft maken zelen, welke ordinancie wy ende oic Rommont van
Baerdagen, Barthelmeus vanden Bossche ende Jan Ghooten, Onser
medescepenen by crachte vanden statute daer op tanderen tyden georden
ende geadmitteert hebben ende vut onser macht confirmeren ende
approberen alle argelist vutgescheyden
ut supra
Jan Bellens als
Spierinck
Mol, Bossche. Heer Laureys Daneels priester, heeft vercocht
Janne Alens diemen heet Spierincx, drie gouden Ryns
guldene, goede etcetera te wetene veertich grooten Vlaems
gelts voir elken van dien gerekent erffelicx chys Te
alle jaere
heffene altyt tot Bamisse, Op ende aen des voerscreven heer
Laureys helft van eenen huyse metten hove gronde
elken
gelegen int Cleyn Bogaertstrate achter tconvent vanden
minderbruederen, tusschen de Mylane, aen deen zyde ende
Jan Hammers kynderen erve aen dander zyde. A Domino Mechliniensi, Waranderende.
op elf scellinge Lovens vuten voirscreven geheelen huyse metten
jaerlicx voir vutgaende. Behoudelic dien dat de voerscreven
ende Laureys de voirscreven drie gouden Rynsgulden des voirscreven chys
zal moegen lossen ende quyten alst hem gelieven zal, tot
drie malen ende elken Rynsgulden daeraf met vyfthien
geliken Rynsgulden eens met vollen chyse daervoer te
betalen
VII January tempore simile
Serdaen de Lepel
Sieke alias inden
zelen
Aa, Heelt. Henrick Balleman ende Jan de Scoezettere, hebben
vercocht Joerdane den Lepelmakere alias inden Ezel de helft
van eenen huyse metten gronde gelegen opte Coremarct
tusschen des een huys den Drake geheeten toebehoirende
Willem Schooff aen deen zyde ende een huys den Borre geheeten
toebehoerende Janne Scamelaer, van aen dander zyde
van welken huyse dander helft den voirscreven Joerdaen
toebehoert. A Domino de Oeyenbrugge, Waranderende. Opte weerde
van driendertich scellinge grote Brabants gelts vuten
voirscreven helft vanden voirscreven huyse jaerlix gaende. Behoudelic
dien gater min vute dat sal den voirscreven vercoopers te
Baten comen
VII Juny
deen ende acker
Willem de Weendt
Mol, Bossche. Lysbeth van Lent wylen Aerds dochter cum tutore heeft
vercocht Willeme den Weendt de helft van eenen stuc lants geheeten
houdende int geheele omtrent een half buender, daer af dander
inde prochie van
helft den voirscreven Willeme toebehoort, gelegen te Hevere, tusschen de
de strate aldaer aen deen zyde ende des voirscreven Willems selve
aen dander zyde. A Domino Mechliniensi, Waranderende sonder eenigen chys daer vutgaende
Assignavit X Peter
ut supra