Blader door transcripties » Stadsarchief Mechelen

archieftoegang 2, inventarisnummer 938, pagina 11

Henrick wylen Odyns sone van Bergen heeft vercocht
eenen Peter van synen vier Peters erffelic chys die
Crispiaene vanden Scryeke, huys metten hove ende poortest:t;
gronde etcetera toebehoerende den selven Crispiane gelegen inde
Ravenberchstrate, tusschen een plaetse vanden huyse toebehoerende
Lysbetten vander Tichelt aen deen zyde ende wylen Odyns van
Borgen erve des voirscreven Henricx brueder doen hy leefde, aen
dander zyde. A Johannes de Oeyenbrugge, Waranderende etcetera
Cristiaen vanden Streke
Wynkelpoel, Henrick wylen Odyns sone van Bergen, heeft vercocht
Crispiane vanden straete, Eenen gouden Peter van Sint
vier gelike gouden Peters vander munte goede erffelic
chys, die hy heeft op des voirscreven Crispiaens huys metten
hove ende poorten ende oic metten gronde gelegen inde Raven
Berchstrate tusschen de plaetse vanden huyse toehoerende
Lysbetten vander Tichelt aen deen zyde ende wylen Odyns
van Bergen erve des voirscreven Henricx brueder doen hy leefde
aen dander zyde. A Johannes de Oeyenbrugge, Waranderende etcetera
Assignavit den XVI denier
IIII Januarie
Willem Puttaert ende
syn wyf
Dale, Schooff. Willem Puttaert ende Katheline van
Verkendonck syn wettich wyf, Seggende dat zy gheen
wettige kynderen en hadden ende hebben daerom voir ons gewilt
ende openbaerlic geordineert dat de langhstlevende van hen
beyden salst:t; soe lange die leven sal paysselic ende vredelic sal
gebruyken alle de haeffeliker goeden ende erffelike goeden waer
die gelegen syn oft bevonden zelen mogen worden, die zy
nu hebben ende namaels hebben ende vercrigen zelen ende metten
selven haeffeliken goeden in synder noot mogen disponeren deen
wederseggen vanden erffgenamen vanden yersten sterven van
hen hy beyden, Ende oic den rechten loyen ende gewoenten vanden
selver stad hier inne ter contrarien onderhouden niet tegenstaende
Behoudelic dien dat alle de selve goeden bliven naer de doot
vanden voirscreven langhstlevende toecomen ende versterven zelen
haeren gerechten erfgenamen dien zy na den rechtere vanden
voirscreven stad sculdich zelen syn toe te comen ende te versterven
Oft den ghenen dien zy die goeden samentlic met testamente
oft anderssins geven ende maken zelen, welke ordinancie
wy ende oic, Hamme, Ghoeten ende Expoele, onse medescepen
by crachte vanden statute daer op tanderen tyden geordineert
geadmitteert hebben ende vut onser ordinaris macht confirmeren
ende approberen alle argelist vuytgescheyden
V January tempore simile
Jan van Velthove
Hamme, Ghoeten. Denys Waltgheerds diemen heet vanden Broeke
cuteur
heeft bekent dat hem Jan van Velthoven, als testamentest:t;
vanden testamente ende vutersten wille van wylen Lysbetten
Gheerde diemen heet Nonaerts dueghdelic vernueght
Lysbetten in haeren voirscreven testamente gemaect ende gelaten
ende betaelt heeft van alsulken hondert croonen der munten
de sConincx van Vrancke, de hem byder selver wylen
syn, Ende daer af heeft de selve des quytgeschonden los
vry ende ledich den selven Janne van Velthoven ende alle
andere dies quitancie behoeven geheelic ende al
upra tempore simile
Jan vanden Bossche
Wyele, Duffle. Katheline Thoens met Jacoppe metten vuyst haer
man ende Lysbeth Bruegelmans haer dochter cum tutore hebben vercocht
Janne den huysheere tot behoef van Janne vanden Bossche drie
ende
gouden Rynsgulden goeden jaerliker lyfpensien, die zy daer
langhstlevende van een v beyden hadde
ve gedueren haer Op ende aen een huys metten
hove ende met eenen anderen huysen daer achter staende ende oic
metten gronde, dat den selven Janne den huysheere toe plach
te hoeren gelegen ende dat nu den voirscreven Janne vanden Bossche
toebehoirt gelegen in Sinte Kathelinenstrate byde poorte aldaer
tusschen wylen Rommonds van Werffelt erve ende Jan
Herpen aen dander zyde. A Monialibus, Waranderende etcetera
scht Loven proles quetens
anno XV XXIX decembris positus
VII January
Peter Ghysbrechts
Wyele, Hamme. Jouffrou Marie Boots met Janne de Ryke haren man
heeft vercocht Peteren Ghysbrechts, Een stuck lants metten
gronde houdende omtrent vier buender ende een vierendeel
gelegen te Leest op Duykens velt, tusschen Gheerds vanden
Aa erve aen deen zyde ende Dierick Adriaens erve aen
dander zyde. Item noch een stuc lants houdende omtrent
een half buender gelegen aldaer tusschen des voirscreven
Gheerds vander Aa erve aen deen zyde ende der fabriken erve
van Leest aen dander zyde. Item noch een stuc lants
metten gronde houdende omtrent drie vierendeel, gelegen
aldaer, tusschen des voirscreven Dierick Adriaens erve aen deen
zyde ende Jans vander Most erve aen dander zyde, Ende
houdende omtrent vierendeel
oft blocx
een stuck lants metten gronde gelegen aldaer aent voirscreven
Duykens velt, tusschen des voirscreven Gheerds vander Aa erve
aen deen zyde ende Jan Mathys erve aen dander zyde
ende des voirscreven Peters huysvrouwen lant aende dander zyde. A Domino Mechliniensi,
Waranderende. Op eenen penninge Lovens daer vutgaende
VIII January