Blader door transcripties » Stadsarchief Mechelen

archieftoegang 2, inventarisnummer 951, pagina 47

tot opte Dele
tcomende achterweert
Dyest, Hulst. Jan de Provane, heeft vercocht Peteren Aerts
Voldere tot synen ende tot Barblen Laureys syns wyfs behoef
Een huys metter plaetsen gronde etcetera dat wylen Gheertruyden
sMolders toe plach te hoeren, gelegen byde Kerchofstrate in
een cleyn straetken, daer der men gaet vander selver
Kerchofstraten, totten Kerchove vander prochie kerken van
Sinte Janne tusschen heeren Willems vanden Wyele priester
erve aen deen zyde, Ende de stove aldaer, toebehoerende
Jorys de Weend, aen dander zyde. A Domino Mechliniensi, Waranderende. Op Sesse
e
chysgulden ende eenen halven ende op Sesse scellinge grooten
Brabants gelts daer jaerlix vutgaende
Assignavit XVIII Rynsgulden
Xa decembry
ende weduen van
wylen Jan Lemme
diemen heet inde
Croene
Marten de Pape, wettich soon van wylen
Henricken de Pape, die hy van Lysbetten van Ryemen synen
wive vercregen heeft heeft gewilt ende openbaerlic voer ons
voer synen vutersten wille geordineert ende begeert dat
Jan Lemmens, diemen heet inde Croene, wettich soon vanden
voerscreven wylen Jan Lemmens, deen heet inde Croene ende vander
voerscreven Lysbetten van Ryemen synen wive, die deselve wylen
Jan te voer deen helft, Ende Lijsbeth Lemmens, diemen
heet inde Croene syn zuster, voer dander helft in aenveerden
hebben houden ende besittenst:t;
Steynemoelen, Dyest. Marten de Pape, wettich soon van
wylen Henricken de Pape, die hy van Lysbetten van Ryemen
synen wive ende weduen van wylen Jan Kenens, diemen heet
inde Croene st:t; vercregen heeft, heeft gewilt ende openbaerlic
voer ons voer synen vutersten wille geordineert ende begheert
dat Jan Lemmers diemen heet inde Croene voer deen helft
Ende Lijsbeth Lemmens diemen heet inde Croene syn zuster voirscreven
dander helft, wettighe kynderen vander voerscreven Lysbetten van
Ryemen, die sy vanden voerscreven wylen Jan Lemmens diemen
heet inde Cogene haeren jersten man oic vercreghen heeft
terstont na syn doot aenveerden, hebben ende houden zelen
in recompensatien ende vergeldingen van vele ende getrouwe
diensten, liefden ende bystenticheyden, die sy hem die wylen
gedaen hebben ende oic dagelix doen, alsulke dertich scellinge
groote Vlaems gelts erffeliker renten, als de voerscreven Marten
de Pape, jaerlix ende erffelic heeft ende heffende is, opte
stede vander Delfs ende die jaerlix daerop vallen ende verschynen
Altyt tot twee termynen, Te wetene deen helft daeraf tot
Kersmisse ende dander helft tot Sinte Jansmisse Baptisten
de selven Janne ende Lysbetten Lemmens synen brueder ende
zuster van synder voerscreven moeder wegen, daerinne syne
gerechte ende eenige erfgenamen moegende ende instituerende
den wederseggen van yemande niet tegenstaende. Behoudelic
der voerscreven Lysbetten van Ryemen synder moeder, haer heffen
alsoe lange als sy sal leven inde voerscreven erffelike rente
Ende behoudelic oic den voergenoemde Marten in desen synder
volcomender macht, om dese synen wille, ordinancie ende begeert
te wederroepen, te veranderen ende te nieuwte beyden, altyt als
hem dat gelieven sal
Xa decembry
Lange, Hulst, Jacop Neefs Tymmerman, heeft vercocht jouffrou
Lysbetten Godevan diemen heet inden Creeft, twee gouden
wedue van wylen Anthoenis Boom, Twee gouden Rynsgulden
elken van dien tot veertich grooten Vlaems gelts gerekent
erffelix chys Te heffene altyt tot Kersmisse vutgenomen Kersmisse
nu naestcomende Op ende aen des voerscreven Jacops huys met eender
plaetsen, neven tselve huys liggende daer op deselve Jacop
gelooft heeft ende gelooft met desen een nieuw huys te maken
ende te setten ende oic metten gronde etcetera gelegen inde
Ravenberchstrate tusschen des voerscreven weduen ende haerer
kynderen erve aen deen zyde ende heeren Bartelmeus Couthals
priesters ende Crispyn vanden Scrieke erve aen dander zyde
A Domino Mechliniensi, Waranderende. Op Sesse scellinge ende acht penninge Loevens een
capuyn, Ende drie gouden Peters elken van dien tot XXXVI
grooten Vlaems gelts gerekent daer jaerlix voer vutgaende
XXII decembry tempore simile
Hulst, Consaert. Katheline vanden Dorpe wedue van wylen
Peteren Van Orssele, cum tutore heeft opgedragen haer tocht, die sy
hadde in acht gouden Rynsguldenen elken van dien tot veertich
grooten Vlaems gelts gerekent erffelix chys, Op een huys metten
hove gronde etcetera ende met eenen anderen huyse daer achterstaende
ende oic metten gronde etcetera dat Augustinen vander Nuwermoelen
toe plach te hoeren ende dat nu Jacoppen Gheerds diemen heet
int Hoot toebehoert gelegen inde Kerchofstrate opten hoeck vanden
Heergracht tusschen de selve Heergracht aen deen zyde ende des voerscreven
ander
wylen Peters Jan Orssele erve aen dander zyde, streckende
achterweerts metten voerscreven hove, tot aen Joes Vrancx erve, Ende
op een cleyn plaetse daer een huys op plach te staen metten gronden
die oic den voerscreven Augustyn vander Nuwermoelen toe plach te hoeren
ende die nu oic toehoert den voerscreven Jacoppen Gheerde, gelegen
aldaer opte voirscreven Heergracht, tusschen Jans de Kemmere erve aen
deen zyde ende der taflen des Heylichs Geests van Sinte Jans erve
aen dander zyde. A Domino Mechliniensi, Juravit etcetera tot behoef van Janne Franciscus
Kathelinen, Lysbetten ende Claren van Orssele haeren kynderen tot
wiens behoef haere momboren, hierna bescreven ierst gegoet
ende geerft waren, Ende daer naer hebben heer Henrick van Orssele priest
ende Henrick van Sucke van des vaders wegen ende Jorys vanden
Dorpe ende Jan vander Cammen vander moeder wegen, als momboren
ende inden name vanden voerscreven kynderen van Orssele onder haere jaer
etcetera wesende die sy in hen vervingen vercocht den voerscreven Jacoppen
Gheens, de voergenoemde acht gouden Rynsgulden des voerscreven chys
die deselve kynderen hadden op tvoerscreven huys met synen voerscreven
toebehoerten, Ende opte voirscreven cleyn plaetse etcetera, Waranderende etcetera
Assignavit den denier XVI
XXIIII decembris
Hulst, Consaert, heeren Lodewyck Wouters ende Peter Persoons
priesteren als proviseurs vanden tzestigen gebroeders voer de drie
gouden Peters te wetene sessendertich grooten Vlaems gelts voer
elken der selver Peters gerekent ende voer de twee gouden Ryns
guldenen, elken van dien tot veertich der selver groeten gerekent
hier na bescreven, Ende heeren Symon Roebosch ende Jan de Poorte