Browse transcripts » City Archives Mechelen

archive access 2, inventory number 952, page 8

I
Jacop Bake, Joorys van Muysene ende Gielis Vydt
als geswoirne ende tot behoef van eender myn
Jan Goeyheers
Yngelram, Cale. Anselmus Roelands ende Jan Reyers diemen heet
Elssenere als proviseurs ende inde name vander taflen des Heylichs Gheest
van Sinte Peters geheet van deser stad hebben vercocht Janne Goeyheers
droechscheerdere, twaelf scellinge Loevens erffelix chys die de voirgenoemde
tafle des Heylichs Gheests hadde op ende aen desselfs Jan Goeyheers huys
den Roeden Hane geheeten metten hove ende met eenen anderen huyse
daer achterstaende dat twee woeningen syn ende oic metten gronde etcetera
gelegen inde Befferstrate tusschen Cornelis van Gheringen wapemaker
erve aen deen zyde ende thuys den Roeland geheeten toebehoerende
Henricken Mathys aen dander zyde, streckende achterwerts metten
voirscreven anderen huyse tot int eynde van eenen cleynen straetken, aldaer
ende metten voirgenoemde hove tot int Berckelenstraetken. A Domino Mechliniensi, Waranderende etcetera.
Assignavi
XXII decembry
Jan vanden Driessche
Goesaert, Rende. Lysbeth Bastyns met Wouteren vanden Poele haeren
man ende Margriete Bastyns haer zuster cum tutore inden name
van hem selve ende oic inden name van Gielis Bastyns haeren brueder
daer tegewoirdich synde die sy in hem vervingen, hebben vercocht
Janne vanden Driessche ende Barblen Ryken, synen wive, Een huys
metten hove gronde etcetera gelegen op Neckerspoele, byde Borch, tusschen
de selve borch aen deen zyde ende sHeeren strate aen dander zyde
A Domino Mechliniensis, Waranderende. Op sesse pond zesse scellinge payments daer jaerlicx
vutgaende
Assignavit
X decembry tempore simile
Capelle inde Balen
Item. Jan vanden Eynde ende Anthonis van Scotteputte
als proviseurs ende inden name vander taflen des Heylich
Gheests vander prochiekerken van Neckerspoele buyten Mechelen
hebben vercocht Claes de Greve als rentmeester ende tot tot
vander Capellen van Sinte Barblen bynnen deser stad gelegen
inden Bruel vier chysguldenen erffelicx chys die de voirgenoemde
tafle des Heylichs Gheest hadde op ende aen de voirgenoemde
Capelle van Sinte Barblen metten huysen ende anderen haeren
van Mechelen
toebehoirten, alsoe die inden voirscreven Bruel alhierst:t; gelegen
we A Domino Mechliniensi, Waranderende etcetera
Assignavit
ut supra
I
Jan Bellens
Kerman, Langhe dit arys als een tochtenere ende Goedele
Abroys syn dochtere met Henrick de Moer haeren man als erfgename
hebben vercocht Janne Belles Blauwerwere, Twee huysen metten hove
gronde etcetera gelegen deen neven dandere tot Neckerspoele opten
hoeck vander Bakelstrate tusschen de selve strate aen deen zyde
ende Lembrechs Straets erve aen dander zyde streckende achterwerts
tot aen des voirscreven Jan Bellens erve. A Domino Mechliniensi, Waranderende. Op derthien
scellinge Loevens daer jaerlix vutgaende
Assignavit
IIII January
Denys Abreys et a
Item. De voirgenoemde Jan Bellens, heeft bewesen den voirgenoemde
Denyse fabrys tot synen behoef als tot synder tocht ende der
voirgenoemde Goedelen Abloys synen dochtere ende de voirgenoemde Henrick
de Moor haeren man, als tot haer beyder erffelicheyt, drie
gouden Rynsgulden elken van dien tot veertich grooten Vlaems
gelts gel gerekent, erffelicx chys, Te heffene altyt tot
Kersmisse Op ende aen des voirgenoemde Jans Bellens twee huyse
metten hove gronde etcetera boven genoemt st:t;st:t;
scellinge Loevens vute daer jaerlix voir vutgaende, Ende op
ende aen desselfs Jan Bellens schuere met eenen stuck stuck
beempts daer achter aen liggende ende oic metten gronde etcetera gelegen
^ tusschen de selve strate
aldaer inde voirgenoemde Bakelstrate aen deen zyde ende willem Jan
Eyermans erven dander zyde ende metten eenen eynde tot
aen Godevaerts Gebuers erve ende metten anderen eynde tot
aende voirgenoemde hof vanden voirgenoemde twee huyse aen dander zyde
Op negen scellinge payments daer jaerlix voir vutgaende. A Domino Mechliniensi,
Waranderende etcetera. Met alsulker andrie dat de voirgenoemde Jan Bellens
sal moegen lossen ende quyten altyt als hem dat gelieven sal
de voirgenoemde drie gouden Rynsgulden des voirscreven chys twe te
twee malen ende elken penninck daeraf met sesthien gelike
penningen eens ende met vollen chyse
Assignavit I
Ut supra