Blader door transcripties » Stadsarchief Mechelen

archieftoegang 2, inventarisnummer 952, pagina 76

lants, houdende omtrent drie vierendeel ende een half, gelegen aldaer
op Heffendervelt aende zusterscape, tusschen des voergenoemde wylen
Florys erve aen deen zyde ende Peter Merssoels erve aen dander zyde
Item een stuck lants houdende omtrent anderhalf vierendeel
gelegen aldair tusschen wylen Spieters van Merchteren erve aen
deen zyde ende wylen Jan Bogaerts erve aen dander zyde
Item een stuck lants houdende omtrent een half buender gelegen
aldair aenden wech, tusschen den selven aen deen zyde ende Jans
de Cale erve aen dander zyde, Ende een stuck beempts geheeten
den Tarwack gelegen aldair, tusschen de Zenne aen deen zyde
ende des ambacht vanden meesters bynnen Mechelen erve aen
dander zyde. A Domino Mechliniensi, Waranderende. Behoudelic den
pachte
voerscreven huyse, dair op haeren voirscreven huyse ende allen anderen dien
hem pacht
voir ende na chys op hebben
Ultima
Pot Reter
lossie van Yndevelde
Lange, Vos. Jan vanden Veke heeft vercocht Claesen van Yndevelde
ende Clippe
tot behoef van Lossyen van Yndevelde synder natuerliker dochter
Twee gouden Andries gulden elken van dien tot veertich groten
Vlaems gelts gerekent jaerliker lyfpensien, Te heffene altyt opten
vyfthienden dach van April, Op ende aen des voerscreven Jans huys
metten hove plaetsen gronde etcetera gelegen opte Aedegheemplaetse
tusschen Jans van Haesdonck erve aen deen zyde ende Adriaens
de Potterie erve aen dander zyde. A Domino Mechliniensi, Waranderende. Opte
weerde van Seven scellingen groten Brabants gelts daervoir vutgaende
met alsulker condicien, dat de voerscreven Jan vanden Velde sal
moegen lossen ende quiten altyt als hem dat gelieven, de voirgenoemde
twee gouden Andries gulden der voerscreven lyfpensien, met
veerthien geliker gulden eens ende met volder lyfpensien
XII may
Marten vanden Vekene
Langelinge met Marck van Mathys woenende tot onderghe recht
gelooft ongevrydt naer der divisen recht Te geven ende te betalen
Marten vanden Vekene oft den bringen van desen, sevenentwintich
pond grote Brabants gelts toten terminen hier naer volgende, Te
wetene deen vierendeel dairaf tot Kersmisse naestcomende, Ende voirts
tot elken Kersmisse alsdan deen na dander ter stont vervolgende
tvierendeel vander voerscreven scult tot dat hy dair af geheet
ende al betaelt sal wesen, zonder eenich wederseggen
Ia
Marten Reyers
Stocke, Stocman. Cryels de Dormans vanden Heelt hebben
ende Lysbeth Schouwers inden name van hen selven hen oic inden name van
allen den anderen hueren medeerfgenamen, absent wesende, die zy in hen
van wylen Janne vander Hayct ende Kathelinen Holle
synen wive
vervingen, hebben openbairlic voir ons bekent dat Marten Reyers
henlieden goede ende rechtverdige rekeninge ende bewys gedaen heeft
van allen alsulken regimente administracien ende bewynde, als hy tot
heeft
desen dage toe gehadt mach hebbenst:t; vanden haeffeliken goeden, naer
voir
vanden voerscreven
de doot vanden wylen Janne vander Cuyct ende wylen Kathelinen Hyllens
ende henlieden by haerer doot verstorven
synen wive gebleven ende van al tgene dat hy dair af ontfangen
ende vutgegeven mach hebben, Ende dairaf ende oic van alle der moeyenissen
quellingen ende heysschen, die zy den voerscreven Marten dair om souden
moegen doen, hebben de voerscreven in bekenders inden name als boven
Quytgesconden los vry ende ledich den selven Marten ende andere dies
quitancie behoeven, geheelic ende al
IIIa may
Jan van Brecht
Item. Lossye van Yndevelde, heeft by te bywesene ende volcomen
consente van Claesen van Yndevelde haeren vader ende van Janne van Beringen
haeren momboir bekent dat zy gehadt ende ontfangen heeft van Janne van
Brecht, de somme van driendertich gouden Andries gulden ten
eenen halven elken van dien tot veertich groten Vlaems gelts gerekent
die hy vander selver lossen wegen onder gehadt heeft, Ende dair
af ende oic van al tgene dat zy hem vut zaken van dien soude
moegen heysschen heeft de selve Lossie, Quytgesconden los vry
ende ledich, deen dest:t; Henricken Scermers tot behoef vanden voerscreven
Janne van Brecht ende alle andere dies quitancie behoeven geheelic
ende al
ut supra
Daneel Baten
Voesdonck, Stocman. Peter Gheylen, heeft Terve gegeven Daneel Baten, Een
hofstad metten hove gronde etcetera gelegen tot Hevere byde plaetse, tusschen
Jans de Beckere erve aen deen zyde ende der taflen des Heylichs Geests
van Hevere erve aen dander zyde. A Domino Mechliniensi. Te besittene op eenen
jaerliken ende erffeliken chys van vier scellingen ende sesse penningen groten
Brabants gelts, Ende die te betalene altyt tot Kersmisse
dairaff den jersten termyn van betalingen zyn sal tot Kersmisse
naestcomende, Ende opten voirchys vanden twee capuynen neghen pond
payments ende eenen penning Loevens dair vutgaende
may tempore simile