Blader door transcripties » Stadsarchief Mechelen

archieftoegang 2, inventarisnummer 952, pagina 75

Heer Philips Kerman Ridder
et aly
Cale. Langhe. Katheline van Berlaer wedue van wylen Peteren de Ruysscher ende
als een tochtenersse, Ende Jacop de Ruysschere ende Jacop Bake van svaders
wegen ende Cornelis Leeman vander moeder wegen als momboeren ende inden name
van Peteren, Francen, Jacopen ende Lysbetten de Ruysschere des voerscreven wylen Peters
ende Kathelinen zyns wyfs kynderen, infra annos, die zy in hen vervingenst:t; by byde
ende volcomen consente van Aerde van Dyest een der commoingmeesters
vander voirscreven stad in hen vervingen, als erfgenamen, hebben Terve gegeven
Janne van Bost tot behoef van heeren Philips Kerman Ridder, Een huys
met eender cleynder plaetssen gelegen te tusschen de Aedegheemstrate
ende den Haverwerf, ende tusschen Cornelis van Haren erve aende twee zyde
ende der voerscreven weduen kynderen ende Jacop Bake erven aen de derde zyden, comende
met eender poirten ende gange vutte tot opten voerscreven Haverwerf, welken
ganck metter poirten, gemeyn es ende bliven sal, tusschen den voerscreven Cornelis
van haeren ende den voerscreven heer Philips Kerman, ende hueren erfgenamen, besitteren vanden
voerscreven erven, Ende een camere vast aen tvoerscreven huys staende, met
eenen hange dair aen liggende ende met eender ander plaetsen dair eenen
borreputte op staet ende oic metten gronde etcetera tusschen des voerscreven heer Philips
ander erve aen deen zyde ende der voerscreven weduen kynderen ende Peter
de Muntere erven aen dander zyde comende metter derder zyde
met eender poirten tot op doude veste, A Domino Mechliniensi. Te besittene op
eenen jaerliken ende erffeliken chys van Sesse gouden Andries gulden
elken van dien tot veertich groten Vlaems gelts gerekent, Ende die te
betalene altyt tot Sinte Jansmisse dairaff den jersten termyn van
betalingen zyn sal van Sinte Jansmisse naestcomende, over een jair dair naer
dairvolgende, Ende sonder eenigen last van voirchyse vuten
voerscreven huyse ende cameren metten plaetsen ende andere hueren toebehoirten jaerlicx
gaende. Behoudelic dien, dat den waterloop comende tusschen
seggene
tvoerscreven vercocht huys ende der voerscreven weduen ende kynderen erve, over
de voerscreven cleyn plach voir den voerscreven gemeynen ganck aldair tot op
voerscreven haverwerf, sal altyt bliven synen loop hebbende, soe hy hy nu
ter tyt doot gelyc dat byder Grype aldaer claerliker blyck
Assignavit VI Rinsgulden erffelicx
den XVI denier
XVII aprilis
pont wedue
de haer leven Goes Guille vanden Stocke
ante post VIa aprilis positus
thuys vander Ziekerlic
Geylinck, Stocman. Henrick vanden Voorde tot behoef vanden huyse vanden Ziekenlieden
by deser stad gelegen
heeft verreyct, Een stuck lants metten gronde etcetera dat der weduen ende
dochter van wylen Gielis van Ghestele toebehoerde, gelegen buyten der
Bruesselpoirten inde Rechtestrate tusschen des gasthuys van Onser Vrouwen
bynnen Mechelen aen deen zyde ende der weduen erve van wylen
Henricken beken aen dander zyde
Ex partu
ut supra tempra
Meester Ghele van Malder
Borch, Zoeten. Jan Smet wylen Willeme soon, woenende
tot Heyst, heeft gelooft ongevrydt na der divisen recht oft
gebuerde, dat Meesteren Mathys van Maldere docteur in
oft eeussels, dat te leene gehouden wordt van Ghorys vanden
medicinen worde oic allen geert alsulken stuck bempts
Torren gelegen tot Haeght, achter tHof van des broeck
als de voerscreven meester Arthur, tegen hem gecocht ende gecregen
heeft, dat in dien gevalle, de voerscreven Jan Smet, den selver
Meester Arthur weder geven ende betalen sal, de somme van
tnegentich gouden Andries guldenenst:t;die hy eensdeele
van hem opten voirscreven coop gehadt ende ontfangen heeft
sonder eenich wederseggen, oft geweer daer tegen te
doen oft te sucken
XXIaaprilis
Aert Cleynaerts
Hulst, Gheylinck. Jan Halle, heeft opgedragen ende overgegeven tot
behoef van Aert Cleynaert, Een huys metten hove landen
eeussele gronde etcetera dat den kynderen van wylen Jan Stuers toe
plach te hoeren ende dat de voerscreven Aert tot des voerscreven Jans sullen
behoef voer achterstelligen jaerlike ende erffelike pachte van
thien moederst:t; moeken Rogs die hy daerop heeft tanderen tyden
vutgewonnen ende verreyct heeft gelegen tot Oudegheem
tusschen
A Dominieni, Waranderende etcetera. Behoudelic den voerscreven Jan Sulle synen voerscreven
pachte ende allen anderen dier na pacht ende na chys op hebben
ut supra
Jan Stappaert
Stocman, Zoeten. Brueder Jan de Meyere meester des huys vanden Begaerden
Meye
inder stad van Mechelen inden name vanden selven huyse, heeft by bywesen
wetene wille ende volcomen consente van Janne van Hamme proviseur
vanden selven huyse, Opgedragen ende overgegeven tot behoef van
Janne Stappaert beckere, de erffelike goeden metten gronde ende haeren
toebehoerten hier naer bescreven, die wylen jouffrou Margriete
Dondaeghs weduen van wylen Henricken de Bonte toe plagen
te hoiren, ende die Jan Barbier tot behoef vanden voerscreven huyse tanderen
tyden voir achterstelligen jaerliken ende erffeliken pachte van derthien
veertelen Rogs ende een halve, die tselve huys dair op heeft wettelic
vutgewonnen ende verreyct heeft, ierst een stuck lants met houdende
omtrent seven vierendeel gelegen tot Heffene tusschen den watermolen
ende den wintmoelen, ende tusschen wylen Florys van Merchteren erve
aen deen zyde ende Jacop Eynaerts erve aen dander zyde
Item een stuck beempts houdende omtrent een half buender
gelegen aldair int Diepbroeck tusschen der kisten ende der
infirmarien vanden crancken beghinen erve bynnen den beghynhof
vander voerscreven stad aen dander beyde zyden. Item een stuck