Blader door transcripties » Stadsarchief Mechelen

archieftoegang 2, inventarisnummer 952, pagina 60

Anthonyne vanden Eynde
Stocman, Zoeten. Item de voirgenoemde Marie ende zuster inden name vanden
voerscreven Cellen, by bywesene wille ende volcomen consente van Andries
Hoot proviseur der selver Cellen, hebben gelooft voir hen ende
haer nacomelingen, dat zy Anthoninen vanden Eynde, Jans vanden
ende dochter, met hen ende den anderen zusteren, inden voerscreven Celle
houden ende haer eten drincken cleederen schoenen ende al tgene dat
tamelic
haeren leven nootlic ende behoevelic zyn sal, Endest:t; geven zelen, alsoe
wel in haer ziecheit als in haer gesontheit, sonder eenich
wederseggen, Ende dat zy vander voerscreven Cellen wegen, na de
doot vanden voerscreven Janne vanden Eynde ende van Kathelinen Balen
diemen heet Staes synen wive, hen nemmermeer rechts vermetten ende
zelen, inde goeden, na haer beyder doot blivende, maer zelen te
vreden zyn ende bliven met alsulken vier gouden Andries gulden
erffelix chys, als Jan Bake diemen heet Staes, der voerscreven Kathelinen
Bake brueder, henlieden, totter voerscreven Cellen behoef, opten dach van
heden, Op syn huys met synen toebehoerten, opten Vischwerf gelegen
voir ons wettelic bewesen heeft, Ende oic met vyf gelike Andries
gulden jaerliker lyfrenten, die de voerscreven Katheline Bake, de
voirgenoemde Anthoninen haer dochter, gelooft heeft tot haeren live
op goede panden, te coope
XVa marty
Tconvent vanden Steene
Voesdonck, Hulst. Peter vander Laer brouwere, heeft vercocht jouffrou
Alzoeten Jacops ende Kathelinen sPoirters beghynen, tot behouff
meesterssen ende tot behouff vanden convente vanden Steene
bynnen den beghynhove van deser stad, Eenen gouden Andries
gulden tot veertich groten Vlaems gelts voir dien gerekent
Te heffene altyt opten vyftienden dach van meerte, Te
ende aen des voirscreven Peters huys metten hove gronde etcetera geheeten
gelegen
tweert in Sinte Kathelinen strate tusschen Henricx Wabbels erve, aen
deen zyde ende Peters vander Hoeven erve aen dander zyde, de
de belet de Zellaer, van op twintich scellinge groten
Brabants dairvoir vutgaende
Assignavit den XXVI denier
XV marty tempore simile
Peter de Stryke alias
Mach
Hulst, Stocman. Jan Claes Beckere heeft vercocht Peteren de Scuttere
diemen heet de Maech, Eenen hof metten gronde etcetera gelegen buyten
de Blocpoirte inde Gruenstrate tusschen desselfs Peters ende synder
kynderen ander erve aen alle zyde. A Domino Mechliniensi, Waranderende. Op twee
chysgulden ende eenen halven, dair vutgaende
Assignavit XX Rinsgulden eens
XVamay
Aert Reman
Borch, Hulst. Meester Symoen, abseloens Canonick der kerken van
Sint Rommonts ende heeren Willem sCosters ende Jan vanden Zype priesteren als
selve
proviseurs ende inden name vanden tzestich gebrueders inder kerken van Sinte
Rommonts bynnen Mechelenst:t; hebben vercocht Aerden Coeman, vier gouden
Rynsgulden, elken van dien tot veertich groten Vlaems gelts gerekent erffelicx
hy den voerscreven zestien ende zyden, Op desselfs Aert
huys metten hove gronde etcetera gelegen inde Coestrate opten hoeck vander
Lange Byest tusschen de selve aen deen zyde ende Jozynen Coemans des
selfs Aerts dochter erve aen danderzyde. A Domino Mechliniensi, Waranderende etcetera.
XI marty tempore simile
Jorys Cleynaerts
Borch, Hulst. Lysbeth van Eyghen wedue van wylen Aerde Coeman, cum tutore
heeft Opgedragen ende overgegeven haer tocht die zy hadde inde helft van
Eenen huyse metten hove gronde etcetera gelegen inde Coestrate tusschen Wouters
vander Moelen erve aen deen zyde ende Martens de Poirtere erve aen dander
zyde streckende met eenen vutgange doer een poirte tot inden Stompaerts hoeck
A conventu de Lelyendale. Juravit tot behoef van Janne, Kathelinen Bornen
ende Margrieten Coemans, des voirgenoemde wylen Aerts broeder ende zusteren ende van
Lysbetten Herbouts st:t; Rommonts dochter, die hy van wylen Lysbetten Coemans
syn wive ende der voerscreven kynderen Coemans zuster, doen zy leefde vercregen heeft tot wiens behoefst:t;
welke Katheline ende Jozyne tot haeren ende tot des voerscreven Jans ende Margrieten haers
brueders ende zuster behoef ende oic tot behoef vander voerscreven Lysbetten Heerbouts
werden dair ierst inne geerft, Ende dair naer hebben de voerscreven Katheline
Coemans Matheeus van Ezele wyf met eenen vierden momboir voir haerst:t;
haeren man
selven, hebbene vanden selven om te doen tgene dat hier naer volght
volcomen macht gelyc ons dat by eender procuracien dair op gemaect
gebleken es, de selve Kathelinest:t; ende Jozyne Coemans haer zuster cum tutore
hen
by bywesene oic voir henst:t; selven, ende inden name vanden voerscreven Janne
ende Margrieten haeren brueder ende zuster ende vander t voirscreven Lysbetten
Herbouts haer nichten, infra annos etcetera, die zy by bywesene ende
consente van Aerden Coeman haer vader ende vanden voerscreven Rommonden
Herbouts vader vanden voerscreven Lysbetten Herbouts, Ende oic van Gielis
van Muysene eender commoingmeesters van deser stad in hen
wettelic vervingen, voir de voirgenoemde een helft, Ende de voirgenoemde
Lysbeth van Eyghen ee voir dander helft, hebben voir vanden
voerscreven huyse, hebb vercocht Jorys Cleynaerts, tvoirgenoemde huys
metten hove ende synen toebehoerten boven gescreven, Waranderende. Op
vyfthien scellinge Loevens, ende vier gouden Rynsgulden elken van dien
tot veertich groten Vlaems gelts gerekent, dair vutgaende
Assignavit XXV Rinsgulden eens
ut supra
Elizabeth van Eyghen wel
Aert Coemans
Item. De voirgenoemde Katheline ende Johanne Coemans voir hem selven
ende inden name vanden voerscreven Janne ende Margrieten Coemans haeren brueder ende
zuster ende vander voerscreven Lysbetten Herbout haer nichten, die zy by
consente als boven in hen vervingen, hebben Quytgesconden los vry ende
ledich, der voergenoemde Lysbetten van Eyghen der weduen van allen den
haeffeliken goeden die henlieden byder doot vanden voerscreven wylen Aert
Coeman haeren brueder ende oem ende de selver weduen man den hy
leefde, in eeniger manieren toecomen gebleven ende verstorven zyn ende
alle andere dies quitancie behoeven, geheelic ende al
ut tempre simile