Blader door transcripties » Stadsarchief Mechelen

archieftoegang 2, inventarisnummer 952, pagina 59

gelegen, die haer byder doot vander voirgenoemde wylen Barblen Sermertens
haer moeder gebleven ende verstorven zyn, Ende dairaf ende oic van alle
tgene dat zy den voerscreven haeren momboeren, vut zaken van dien, oft vanden
ontfange ende vutgeven, dat zy dairaff in eeniger manieren gehadt mogen
hebben, den selven manieren soude moegen heysschen, heeft de voerscreven
Katheline met haeren voerscreven man, Quytgesconden los vry ende ledich, den
voirscreven haeren momboeren ende alle andere dies quitancie behoeven geheelic
ende al
XIII marcy tempore simile
Jan vander Messen
de Herbeys metten
Vos, Stocman. Margriete Polsvoet wedue van wylen Jacoppen Loot cum tutore
heeft Terve gegeven, Janne vander Messyen, Een huys metten hoefken gronde etcetera
gelegen inde Borghstrate, tusschen Jan Breugelmans erve aen deen zyde ende
Jans van Brabant erve aen dander zyde streckende achterweerts met
eenen vutgange totter Delen tot tusschen Jorys Loys erve aen deen
zyde ende wylen Vrancx van de Volhoven erve aen dander zyde. A Domino
ende tweentwintich
Te besittene op eenen jaerliken ende erffeliken chys van dest:t;
scellingen groten Brabants gelts, Ende die te betalene altyt opten vyfthienden
dach van meerte, Ende opten voirchys van acht scellingen der selver groten
Brants gelts dair vutgaende
XXVII marcy tempore simile
Magrieten Polsvoet relicta
Jacoby Loot
Item. De voirgenoemde Jan vander Messen de den voerscreven Margrieten
der weduen, Achtenveertich gouden Andries gulden, elken van dien tot
veertich groten Vlaems gelts gerekent Te betalene tot Sinte Jansmisse naestcomende
Ende dair voir heeft hy verbonden ende te pande geset alle sine haeffelike
ende erffelike goeden metten gronde etcetera bynnen etcetera wesende ende gelegen, die hy
nu tertyt heeft, ende hier namaels oic hebben ende vercrigen sal
Assignavit II Rinsgulden erffelicx
Assigavit XIII
ut supre simile
Lenaert de Hertoge
Hulst, Lange, ende Thomaes van de Hertoge ende jouffrou Lysbeth van Eynder
diemen heet van Lynth syn wyf hebben bewesen in promocien vanden
priesterliken state van Lenaerden de Hertoge haeren soon, tot synen live vanden
selve Lenaerden, thien gouden Andries gulden elken van dien tot veertich groten Vlaems gelts
gerekent, jaerliker lyfrenten, Te heffene altyt tot Kersmisse, dairaff
den jersten termyn van betalingen zyn sal tot Kersmisse naestcomende, Op
ende aen alle haer erffelike goeden metten gronde etcetera bynnen etcetera gelegen
die zy nu tertyt hebben ende hier namaels oic hebben ende vercrigen zelen
A Domino Mechliniensi, Waranderende etcetera.
XIII marcy tempore simile
Marten de Beckere
twee deele van
Hulst, Lange. Machiel vanden Rode, heeft Opgedragen zyn tocht die
hy hadde inde even huyse metten hove gronde etcetera gelegen inde Kerchofstrate tusschen
wylen Jacops van Tricht erve, dat nu toebehoert meester Jan du Boys aen
deen zyde ende der weduen ende kynderen erve van wylen Janne beyden
Boydens aen dander zyde, streckende achterweerts metten voerscreven hove
ende vutgange tot inde he Blocstrate, tusschen Jans de Cale
erve aen deen zyde ende Willems de Cale erve aen dander zyde. A
Johannes de Muysene filio quondam Johannes bastaerden. Juravit tot behoef van
Janne ende Lysbetten vanden Rode synen kynderen dier ierst inne geerft
waren, Ende dair naer hebben de selve Jan vanden Rode ende Lysbeth
vanden Rode zyn zuster met Jaspar Boeyenhals haeren man vercocht
Kathelinen vanden Rode wylen Jans dochter tot haeren ende tot Martens
de Beckere haers mans behoef, de voirgenoemde Tweedeelen vanden voerscreven
huyse met allen den voirgenoemde synen toebehoerten, Waranderende. Op neghen
scellingen ende neghen penningen groten Brabants, ende vierentwintich scellingen
der selver groten, die ter quitingen staen, ende elken penninge dairaff met
sesthien der geliker penningen, dair vutgaende
XIII tempore simile
Claes de Haze
Claes
Stocman, Zoeten. Wouter de Haze, heeft bewesen willest:t; de Haze synen natuerliken
sone, die hy van wylen Kathelinen Bollens vercregen heeft tot synen live, vier
veertelen Rogs goede ende custbaer Mechelscher maten jaerlix lyfpachts Te betalen
ende te leveren altyt tot Kersmisse na de doot vanden voerscreven Wouteren ende niet een
dairaff den jersten termyn van betalingen zyn sal, totten jersten Kersmisse die
na des voirgenoemde Wouters doot comen sal, Opten aen zyn huys metten hove
gronde etcetera gelegen inde Lange Scipstrate tusschen der weduen ende kynderen
erve van wylen Laureys de Wyntere aen deen zyde ende Gielis Dregge erve
aen dander zyde comende achterweerts tot opte Dele. A Domino Mechliniensi, Waranderende etcetera
marty tempore simile
de Celle vander derden
wedeven int Gruenen dat
ende Jan Bake als
Staes
Stocman, Zoeten. Jan Stst:t; Bake diemen heer Staes, heeft bewesen zusteren
Margrieten Claes mater ende zuster Kathelinen Diericx zusteren vander Cellen
vander derder ordenen, geheeten Bethleem int Gruenendal gelegen, tot
behoef vander selver Cellen, vier gouden Andries gulden, elken van
dien tot veertich groten Vlaems gelts gerekent, erffelix chys Te heffene
altyt tot Kersmisse Op ende aen zyn huys metten hove plaetsen
gronde etcetera gelegen op geheeten den Cleynen Lepelere, gelegen opten
Vischwerf, tusschen thuys den Stoe geheeten toebehoerende Kathelinen
Ghoeten aen deen zyde ende Cristiaens de Rende erve aen dander
zijde. A Domino Mechliniensi, Waranderende. Opte weerde van tweentwintich scellingen
groten Brabants gelts daervoir vutgaende, van welken bewyse ende
betalingen des voirgenoemde erffelix chys, heeft Jan vanden Eynde Jans vanden
Eynde soon, die dairom oic voir ons gecomen was, gelooft voir hem zyn
hoir ende nacomelingen, den voirgenoemde Janne Bake ende oic zynen hoir ende
ende zyn voirscreven huys
nacomelingen altyt scadeloos quyt te houden ende tontlastene, sonder eenich
wederseggen, Ende daervoir heeft hy hem verbonden ende te pande geset
alle syne haeffelike ende erffelike goeden metten gronde etcetera bynnen etcetera
wylen ende gelegen, die hy nu tertyt heeft ende hier namaels oic hebben
ende vercrigen sal
ut supra