Blader door transcripties » Stadsarchief Mechelen

archieftoegang 2, inventarisnummer 952, pagina 34

Katlyne sWithouden
Hulst, Stockman, Claes Reyniers, heeft Opgedragen ende overgegeven
tot behoef van Kathelinen sVleeshouwers, Tderdendeel vander helft van
Twee huysen metten hoven gronde etcetera gelegen deen neven dandere opte
Ledicheit, tusschen Rommont Lanen erve, aen deen zyde ende Jan tSulle
erve aen dander zyde streckende achterweerts tot eenen hove toebehoerende
Cornelis sHollanders, A Domino Mechliniensi, Waranderende etcetera.
XVII novembris
Jan Soyken
Item. Katheline van Orssele wylen Wouters dochter cum tutore
heeft vercocht, Janne Soyken, Een huys metten hove gronde etcetera gelegen
inde Cortepenningstrate tusschen Cornelis van Haren erve aen deen
zijde ende der voerscreven Kathelinen ander erve aen dander zyde. A Domino Mechliniensi, Waranderende.
Op eenen chysgulden dair vutgaende
Assignavit XXVIII Peters eens
ut supra
Cornelis vander Beke
Item. De selve Katheline cum tutore, heeft vercocht Cornelis vander
beke, Een huys metten hove gronde etcetera gelegen inde voerscreven Corte Penningstrate
tusschen des voerscreven Jans Soykens erve aen deen zyde ende desselfs Cornelis
ander erve aen dander zyde. A Domino Mechliniensi, Waranderende. Op vyf scellinge Loeven
dair vutgaende
Assignavit VIII Rinsgulden eens
ut supra tempore simile
Katlyne van Orssele
Item. De selve Cornelis vander Beke, heeft bewesen der voerscreven
Kathelinen van Orssele, Eenen gouden Andries gulden, te wetene veertich
groten Vlaems gelts voir dien gerekent, erffelix chys Te heffene altyt
tot Sinte Jansmisse, dairaff den jersten termyn van betalingen syn sal tot
Sinte Jansmisse naestcomende, Op ende aen des voerscreven Cornelis vander
Beke, Twee huysen metten hoven gronde etcetera gelegen deen neven dander
inde voerscreven Corte Penningstrate tusschen des voerscreven Jan Soykens erve aen deen
zyde ende Roelant Peterssoons erve aen dander zyde. A Domino Mechliniensi, Waranderende.
Op thien scellinge Loevens dair voir vutgaende
ut supra tempore simile
Claes de Beke
Hulst, Zoeten. Willem de Weerd van Hevere voir deen helft ende Anthonine
vander Wilgen, wylen Willems vander Wilgen dochter met Gielis vander
Byest haeren man, voir dander helft, hebben vercocht Jacoppen de Bock
metsere, Een stuck lants metten gronde etcetera houdende omtrent een half
buender gelegen tot Hevere op Hevervelt, tusschen Anthoenis Beren
erve aen deen zyde ende Willem Colen sone erve aen dander zyde ende Jan
vanden Venne erve, aende derde zyde. A Domino Mechliniensi, Waranderende. Sonder eenigen last
van chyse dair vutgaende
Assignavit XII Rinsgulden eens
XV novembry tempore simile
Bartelmeus Bake
uxor
Hulst, Stockman. Rommont Bartelmans wylen Jacops soon inden
name van hem selven ende oick inden name van Joes Bartelme
synen brueder buyten lants wesende die hy in hem verryct
heeft geapprobeert van weerden gehouden ende geratifficeert
alsulken vercoep van twee Rynsgulden elken van dien te
veertich grooten Vlaems gerekent erffelicx chys als
wylen Katheline de Wale wylen Jans dochter syn moedere
ende des voirscreven wylen Jacops he syns vaders wyf doen sy
leefde, opten zessentwintichsten dach van junio int Jans
ons heeren duysent vierhondert tweentachtentich lestleden
vercocht be wylen Barblen Ruysschers tot haeren ende wylen
Bartelmeus Bake haers mans behoef, Op ende aen der voirscreven
wylen Kathelinen de Wale vyfstedeel dat hy hadde ende
haer byder doot vanden voirgenoemde wylen Janne de Wale haeren
vader versterven was, in alle de erffelike goeden metten gronde
bynnen etcetera ende gelegen, als na de doot vanden selve wylen Janne
haeren vadere gebleven waren, sonder eenich wederseggen argelist
XVI novembris
Mathys van Nieuwen
Hulst, Stockman. Gielis van Erpe ende Jacop Mommaer, hebben gelooft
ende elc van hen besunder ende voir al, Te betalen ende te leveren, Mathys
van Meeuwen oft der bringer van desen bynnen synen huyse tot Mechelen
oft elder inder stad van Mechelen, dair hem dat believen sal, Twintich
haeren desen
sacken Rogs goede ende custbair Mechelscher maten, tot Huenbeke, gewasse
toten termynen hierna volgende Te wetene de drie zacken Rogs
dairaf tot Kersmisse naestcomende. Item de seven zacken Rogs
dairaf, tot derthienisse dair naer volgende, Ende dander thien
zacken Rogs daer af tot Onser Liever Vrouwen dage Lichtmisse
alsdan ter stont vervolgende, sonder eenich wederseggen ende
dair voir hebben zy den voerscreven Mathys verbonden ende te pande
geset alle haer haeffelike goeden waer die bevonden zelen worden
die zy nu tertyt hebben ende hier namaels oic hebben vercrigen zelen
XVIII novembris
godshuys van Sinte Marie
Stale
Voesdonck, Hulst. Claes de Greve tot behoef vanden goidshuyse van Sint
Marien Dale, bynnen der stad van Diest gelegen heeft verreyct, Een huys
metten hove gronde etcetera gelegen buyten Sint dat Janne van Woelput
met synen medeplegeren toe plach te hoeren gelegen buyten Sinte
Kathelinen poirte optenst:t;den selve penningest:t;
aen deen zyde ende sheeren strate aldair aende twee zyden
Ex censu
XVII octobris