Blader door transcripties » Stadsarchief Mechelen

archieftoegang 2, inventarisnummer 952, pagina 33

aen dander zyde streckende achterweerts met eenen wege oft
vutgange tot inde Beghinenstrate. A Domino Margarete de
Hoelaer, Waranderende etcetera. Behoudelic den voerscreven Janne den vader
zyn tocht syn leven lange geduerende paysselic ende vredelic dair
inne te gebruykene, Ende oic oft gebuerde, dat de voerscreven
Jan de soon, sonder wettige hoir van sinen live gecomen levende
achter hem te laten, storve, dat in dien gevalle, de voerscreven
twintich Rynsgulden des voerscreven chys, wederom toecomen ende
versterven zelen, op des voerscreven Jans des vaders gerechten ende
eenigen erfgenamen, Ende behoudelic oic nochtans dat de selve
Jan de soon, na de doot vanden voerscreven Janne synen vader in synder
noot ende anders niet metten selven twintich Rynsgulden des voerscreven
chys, sal moegen, disponeren ende ordineren, die gelyc met synen anderen
parien goeden, den wederseggen van desselfs syns vaders
gerechten erfgenamen oft van iemande anders niet tegenstaende
IIa
de selve
Mathys Gheerds alias
inde Zeysene
Vos, Stocman. Peter Gheylen, wylen Peters soon, heeft vercocht
Janne de Lange natuerlic soon van Janne de Lange den ouden, Eenen
hof metten gronde etcetera vanden welken den ingane gelegen is inde
Plancstrate tusschen Claes vander Moelen erve, aen deen zyde ende
wylen Henrix van Bergen erve aen dander zyde, hem streckende oic
den selven hof met eenen eynde, aen desselfs wylen Henricx ende
Willems Boeckmans erven, Ende metten anderen eynde aen eenen gemeynen
al wech aldair achter volcomende met eender poirten, voir een strate
tot inde Begaertstrate. A Domino Mechliniensi, Waranderende. Op eenen gulden van Florencien
daer vutgaende, Ende op alsulken last dat den selven hof onderpant is ende bliven sal
voir drie pond veertien scellinge payments eenen oude groten twee Turnoyse ende den oude
Hynne vut des voerscreven wylen Henrix van Bergen erve dair alder naest gelegen jaerlicx
geduerende te gebruykene
gaende. Behoudelic den voerscreven Janne den vader daerinne syn tocht syn leven lanck
Heelt, Vos. Jan vanden Breyne ende Jan vander Heyden als proviseur
ende inden name vander taflen des Heylichs Geests van Sinte Kathelinen
bynnen Mechelen, hebben Opgedragen ende overgegeven tot behoef van
Mathys Gheerds diemen heet inde Zeysene, Een huys metten hove
gronde etcetera tScildeken geheeten, dat wylen Janne Kemp toe plach te
hoiren ende dat Jannes Boots als rentmeester ende tot behoef vander
voerscreven taflen tanderen tyden, voir achterstelligen chys die de selve
tuffle wette dair op heeft, wettelic vutgewonnen ende verreyct heeft
gelegen tot Neckerspoele opte Heergracht tusschen des voerscreven Mathys
ander erve aen deen zyde ende Jan Vlemings beckere erve aen dander
zijde. A Domino Mechliniensi, Waranderende etcetera. Behoudelic der voerscreven taflen dair op
haeren voirscreven chyse ende allen de anderen dier voir ende nachys op hebben
III novembris
Claes Schinckels wedue
Jans vanden Rode
Stocman, Zoeten. Jan vanden Rode wylen Jans sone heeft quytgesconden
los vry ende ledich, Lysbetten Schinckels weduen vanden voerscreven wylen
Janne synder moeder van allen den haeffeliken goeden, die hem byder
doot vanden voerscreven wylen Janne synen vader ende der voerscreven weduen
man doen hy leefde, in eeniger manieren toecomen gebleven ende verstorven
syn, ende alle andere dies quitancie behoeven
X Novembry
Jan van Hanswycke
Borch, Voesdonc. Adam de Vettere heeft vercocht Janne van Hanswycke
den jongen ende Cornelien vander Straten synen wive Twee huysen
metten hoven gronde etcetera gelegen deen neven dandere opten Gansdriesch
tusschen Jan wylen Jans van Horenbeke erve aen deen zyde ende Jans
van Schelle erve aen dander zyde. A Anthonio de Oeyenbrugge
o
Waranderende die Jan vander helft met hem gelooft heeft Op twee
gouden Rynsgulden, elken van dien tot veertich groten Vlaems
gelts gerekent, ende veerthien scellinge drie penninge groote ende
tweentwintich myten Brabants gelts daer vutgaende
Assignavit I gulden XII der gulden erffelicx
den XXVI denier
VI novembry
Jan Balle alias Staes
Lange senior, Gheylinck, Gielis Bake diemen heet Staes, heeft vercocht Janne
Bake diemen heet Staes tusschen synen brueder, de helft van vyf
gouden Peters elken van dien tot sessendertich groten Vlaems gelts
gerekent erffelicx die hy hadde, Op twee huysen met twee hoven gronde
etcetera Peteren van Coudenberge, toehoerende, gelegen deen neven dander
inde Byest, tusschen ende Jan Weelman priesters erve, aen deen zyde
ende Lodewyck Hubrechts erve aen daer zyde. A Domino Mechlinieni, Waranderende etcetera.
Assignavit den den XVI denier
XIII novembris
Elizabeth Seven wedue van
wylen Henricken van
Steenbroeck
Lange senior, Hulst. Mathys, Hubrecht, Willem ende Lysbeth van Steenbroeck
wettige kynderen van wylen Jan van Steenbroeck, Lodewyck van de
inden name van Kathelynen van Steenbroeck, synen wive ende der voerscreven
kynderen zuster, die hy in hem vervingh, Ende oic de voerscreven Mathys
Hubrecht ende Willem van Steenbroeck inden name van Gielisen van
Steenbroeck, oic de voerscreven haeren broeder, absent wesende ende synder
discrecien dervende, die sy by bywesene wetene ende volcomen consente
van Willem der boven Heylich Geestmeester van al in hen oic
Heyse
vervingen, hebben quytgesconden los vry ende ledich, Lysbetten seven
weduen van wylen Henricken van Steenbroeck van allen den
haeffeliken goeden, die den voergenoemde Mathys, Hubrecht Willem Lysbetten
Kathelinen ende Gielisen van Steenbroeck byder doot vanden voergenoemde wylen
Henricken van Steenbroeck haeren broeder ende der voerscreven weduen man
in doen hy leefde in eeniger manieren toecomen gelieven, ende
verstorven moegen syn ende alle andere dies quitancie behoeven geheelic
gulden
ende al, Gelovende mede deselve inden name als voer te houden de
selve quitancie altyt van goeder weerden ende daer tegens nemmermeer
te doen, oft te seggen, Ende dat sy der voerscreven weduen ende haerer
erfgenamen, nemmermeer stoot oft belet doen en zelen in alsulke drie
veertelen Rogs erfpachts, als sy heeft ende jaerlix heffende is, op
zekere goeden, tot Heyst gelegen, maer zelen haer ende haere erfgenamen
die allest:t; altyt paysselic ende vredelic laten volgen, om haeren
vryen wille, daer mede te doen
XIII novembris