Blader door transcripties » Stadsarchief Mechelen

archieftoegang 2, inventarisnummer 952, pagina 21

I
Anno Domino Millesimo quadringentesimo nonagesimo
undecima aprilis fuit Pascha
de wedue ende kynderen
heer Anthonis vander Aa
ende Rommont Ruelens
Schoof, Yngelram. Vrouwe Katheline van Cuyct weduwe wylen heeren
Anthonis vander Aa Ridders inden name van haer selve ende oic Gheerdt ende
Jan vander Aa haere kynderen op des zyde ende Rommondt Ruelens op de
zyde hebben oppenbaerlic voir ons bekent dat sy mynlic gesceyden ende
gedeylt hebben ende inde selve sceydinge ende deylinge mynlic overcomen
alsulken hoeve met allen haeren toebehoerten geheeten te sceplaken
gelegen onder de prochie van Hevere by een ander goet ende hof oick
tSceplaten geheeten de selver weduwen ende kynderen toebehoerende
soe dat de voirscreven Rommont Ruelens hebben ende behouden sal deen helft
vander voirscreven hoeve ende de voirscreven weduwe met haeren voirscreven kynderen
dander helft vander selver hoeven met allen haeren toebehoerten voirscreven
welke helft vander voirscreven hoeve de voirscreven wylen heer Anthonis
vander Aa doen hy leefde tegen wylen Lysbetten Docx desselfs
Rommonts wyf zuster ende haeren momboeren in wisselingen ende in mangelingen
man voir andere erffelike renten sonder wederseggen
XVIIa aprilis
de scheydinge den
kynderen vander Beke
Yngelram, Cale. Jaspar vander Beke ter eenre Cornelis vander Beke syn
brueder ter ander Lysbeth vander Beke haerlieder zuster met Janne
vanden Zande haeren man aende derde zyde, Ende Jan vanden
Horicke van des vaders wegen inden name van hem ende van Janne
Quintens synen medemomboir, Ende de voirscreven Jaspar ende Cornelis vanden
Beke gebruederen vander moeder wegen als momboren ende inden name
van Janne de Deckere Jans de Deckere soon ende w wylen Barblen
vander Beke, zuster doen sy leefde vanden voirscreven Jaspar Cornelis ende
Lysbetten, onder syn jaeren van discretien wesende, die sy in
hem vervingen, aende vierde zyde hebben openbaerlick voir ons
bekent dat sy minlick overcomen gesceyden ende gedeylt syn vanden
haeffelike ende erffeliken goeden metten gronde etcetera bynnen etcetera wesende ende
gelegen, die henlieden byder doot van wylen Janne vander Beke
ende wylen Lysbetten Cloosen synen wive, henlieder vader ende moeder ende de
voirscreven onverhaer kynts oude vader ende oudermoeder doen sy leefden
toecomen gebleven ende verstorven syn, soe dat by crachte vanden
selver sceydingen ende deylingen, de voirscreven Cornelis vander Beke voir
syn part ende deel hebben houden ende besitten sal, Een huys
metten hove gronde etcetera gelegen inde Cortepenninckstrate, tusschen
der kynderen erve van wylen Gielis boven aen deen zyde ende
erve aen dander zyde, Ende
derthien scellingen Loevens, Op ende aen Een huys metten
hove gronde etcetera gelegen inde Lange Penninckstrate tegen den
I
drayhof over aldaer tusschen Sanders Quisthouts erve aen deen
s
zyde ende ende Jans vanden Beke ervest:t; aen dander zyde, dat nu
ter tyt toebehoirt der voirscreven Lysbette vander Beke ende haer voirscreven
man, de voirgenoemde Jaspar sal hebben ende behouden, Twee gouden
Rynsgulden elken van dien tot veertich grooten Vlaems gerekent
erffelix chys op tvoirscreven huys metten hove inde langest:t;
Penninckstrate gelegen boven genoemt daeraf hyst:t; den
vierentwintich stuvers heffende es Op ende aen een huys met
eender plaetssen ende met eenen huyse daer achterstaende gelegen
opte Hoochstrate tusschen Jacops van Axele erve aen deen zy
ende der kynderen erve van wylen Janne de Zwerte aen dander
zyde toebehoerende de voirscreven Janne vanden Zande, Ende
de twaelf stuvers vander selve twee Rynsguldenen op ende aen
den plaetse metten gronde etcetera gelegen inden Vettersham toebehoeren
toebehoerende Gheerde de Bruyne de voirscreven Lysbeth metten
voirscreven Janne haeren man, sal hebben ende behouden, tvoirscreven
huys metten hove gronde etcetera inde Langhe Penninckstrate
gelegen, boven genoemt ende bescreven, Ende tvoirscreven vaerts
kynt sal hebben ende behouden ende de voirscreven momboir zelen aenveerde
tot sinen behoef, Twee gelike Rynsguldenen erffelix chys
Op ende aen twee huysen metten hove gronde etcetera gelegen
inde Ravenberch strate tusschen sHeeren strate aldaer aen
deenst:t; zyde erve aen dander zyde
toebehoerende aende vanden Steene scoenmakere welke
sceydinge ende deylinghe vanden voirgenoemde goeden hebben de
voirscreven partien ende elck van hen besundere gelooft inden
name als boven vast ende overbrekelick eewelick te
onderhoudene, sonder daer tegen te doene oft te doen deene
voir in eenen manieren, onder alle argelist vutgesceyden
prilis tempore simile
Jan vanden Zande
de voirscreven Jaspar vander Beke heeft overgegeven
ende getransporteert den voirscreven Janne vanden Zande ende
Lysbetten vander Beke synder huysvrouwe synder zuster de sy
voirscreven twee gouden Rynsgulden vanden voirscreven pryse hem
voir syn paert ende deel aengesceyden ende gedeylt boven bescreven
willende ende ansenterende etcetera ut in forma
Item. De voirscreven Jaspar vander Beke heeft opgedragen ende
overgegeven tot behoef vanden voirscreven Janne vanden Zande ende
synen wive voirgenoemde synder zustere, zyn voirscreven twee gouden
Rynsguldenen vanden voirscreven pryse, hem voir syn part ende
deel aengesceyden ende aengedeylt boven bescreven
Ut supra