Blader door transcripties » Stadsarchief Mechelen

archieftoegang 2, inventarisnummer 952, pagina 20

I
Katlyne Schoofs
Yngelram, Rode, de voirscreven heere Willem Myleman, heeft wst:t; bewesen
der voirscreven Kathelinen Schoofs, thien gouden Rynsguldenen
elken van dien tot veertich grooten Vlaems gerekent, jaerliken
lyfpensien, Te heffene altyt deen helft daer af tot
Kersmisse ende dander helft tot Sinte Jansmisse, Op
ende aen tvoirgenoemde huys metten hove gronde etcetera boven
bescreven. A Domino Mechliniensi, Waranderende. Opten chys voer gescreven daervoir
vutgaende
marty tempore simile
Zeger Jacops
Keyenoege, Rode Jan Zeghers heeft bewesen Zegeren Jacops
gouden Andries
tot synen live
Laureys soon begheert, Twaelf Rynsguldenen, elken van
dien tot veertich grooten Vlaems gelts gerekent jaerliker
lyfpensien, Te heffene altyt deen helft daer af tot Sinte
Jansmisse ende dander helft tot Kersmisse, Op ende aen
syn huys metten hove ende met eenen anderen huyse
daer achter staende gronde etcetera gelegen inde Zeelstrate tusschen
Jans Ryflet huys aen deen zyde ende ende der erfgenamen
huys van wylen heeren Jans vander Moelen priesters hy doen
hy leefde aen dander zyde, streckende achterwerts metten voirscreven
hove ende anderen huyse vander breyden vanden selven yersten
huyse tot aenden heymer aldaer, Ende op ende aen een
buender lants metten gronde etcetera gelegen totst:t; Gheerdegheem
velt tusschen der kynderen erve van wylen Janne vander Hoeven
aen deen zyde ende Jan Goeyheers erve aen dander zyde
A Domino Mechliniensi, Waranderende. Opten chys vuten voirscreven huyse ende stuck
lants jaerlix gaende
XVI marty tempore simile
Jan de Schoter
lange, Lange, Junior, Jan de Schoezittere heeft verreyct Een
dat twee wooningen syn
huys metten hove groten gronde etceterast:t; dat wylen Sophien van
Ympele toe plach te hoerene, gelegen inde Zweenstrate tusschen
Jacop Robbyns erve aen deen zyde ende Jans van Waes erve
aen dander zyde. A Domino Mechliniensist:t;
Ex censu
XVIIamarty
I
ende die ter quitingen
staen de penninge met
achthien penningen ende met
vollen chyse
tgoidshuys vanden
cellebruederen
Langhe. Jan Rode, Margriete van Haesdonck wylen Gielis dochtere met
Merten Daneels haeren man heeft vercocht Rommondt de Beckere ende Janne Coels tot
behoef vanden goidshuyse vanden sellebruederen staende bynnen deser stad, twee gouden Ryns
gulden elken van dien tot veertich grooten Vlaems gelts gerekent erffelic chys, die
sy hadde ende die haer byder doot van wylen Janne vander Byest diemen heet vander Mere
haeren oude vader van haer moederwegen doen hy leefde toecomen ende verstorven syn
ende aen een stuck beemps metten gronde etcetera houdende een buender luttel min oft meer
gelegen inde prochie van Muysene ter Wyelen tusschen des huys van Pitsenborch
erve aen deen zyde ende der kynderen erve van wylen Janne de Langhe aen dander
zijde. A Domino Mechliniensi, Waranderende sonder eenighen last van chyse daer voir vutgaende, Ende
die ter quitingen staen den penninge achthien penningh ende met vollen chys
voertaen heeft de selve Margriete van Haesdonck met haeren voirscreven man gelooft
voer huer huere hoeve ende nacomelingen den voirgenoemde Rommond ende Janne Coels
tot behoef als voere oft gevelt dat Willem de Weendt dien tvoirgenoemde stuck
beempts toebehoert ende belast heeft oft syne nacomelinghen wilden lossen ende
quyten de voirgenoemde twee gouden Rynsgulden des voirscreven chys dat zy oft huere
nacomelingen alsdan den voirgenoemde goidshuyse sal oft selen doen hebben soe vele
penningen ende tot alsulken pryse als de selve Magriete nu daeraf ontfangen
heeft ende hiervoer heeft zy met hueren man verbonden, Een stuck lants
metten gronde etcetera houdende drie dachwan gelegen overlaken op dese zyde vander
brugge tot Zempse tusschen heeren Henricx Strale erve aen deen zyde ende des
goidshuys vander Ziekerliede erve aen dander zyde comende metten eenen eynde
aenden Dyck aen Gheerdegem Broeck gele. A Domino Mechliniensi, Waranderende sonder last van chyse
daer vutgaende
Assignavit den XX Rinsgulden eens
Ultima marcy tempore simile
actum in camer
ende erffelike goeden
bynnen etcetera wesende
Bartelmeus sBeren
et uxore
Muysene, Langhe, Stoor. Bartelmeus sBere ende Katheline sBrueders syn wyf
seggende dat sy gheen wettige kynderen en hadden, Ende hebben daeromme
gewilt ende openbaerlic voir ons geordineert, dat de lancxlevende van hem beyden
soe langhe die alsdan leven sal payselick ende vredelic besitten ende gebruyken
sal alle de haeffelike goeden die sy nu tertyt tsamen hebben ende hier
namaels oick hebben ende vercrigen selen ende metten selven haeffeliken goeden
in synder noot moegen disponeren, den wederseggene van yemande
ende oick den rechte ende costume vander voirscreven stad daerinne ter
ontrarien onderhouden niet tegenstaende. Behoudelic dien dat
alle de voirgenoemde goeden naer des langhstlevende doot vanden voirgenoemde
Bartelmeus ende synen wive blivende toecomen ende versterven selen haeren
gerechten erfgenamen die die goeden naer den rechte vander selver
stad sculdich selen syn toe te comen ende te verstervene, oft de ghenen
dien sy de selve goeden samentlic met testamente oft anderssins
geven ende maken selen, welke ordinancie wy ende oic Oeyenbrugge
Yngelram, Cale, Keyenoegen ende Rode onse medescepenen by crachte
vanden statute tanderen tyden daer op gemaect geconfirmeert
ende geapprobeert hebben ende by onser ordinairder macht onser
ende approberen Alle argelist vutgesceyden
VI aprilis tempore simile